Génesis 49:8 - Biblia Dc en Mixe de Quetzaltepec

⁸ Mijts Judá mtukxoonta'akanëp yë mjëëky mëku'uk, jëtu'unyë mmëtsip xyo'kmëmatsëja'any. Yë mjëëky mmëku'uk yë'ë kë'ëm mwinkoxtänëtëp ets mwinkutsë'ëkëtëty.

Biblia Mixe de Quetzaltepec

⁸ Mijts Judá mtukxoonta'akanëp yë mjëëky mëku'uk, jëtu'unyë mmëtsip xyo'kmëmatsëja'any. Yë mjëëky mmëku'uk yë'ë kë'ëm mwinkoxtänëtëp ets mwinkutsë'ëkëtëty.

Génesis 49:8 ပူးပေါင်းရင်းမြစ်များ

Génesis 27:29

May ja ja'ay mëtunëtëty ets mwinkoxtänëtëty ja naax ja kajpn mijts mwintuuy. Mijts mniwintsën'atëp ja mjëëky mmëku'uk, ets näjyëtu'un mwinkoxtänëtëty. Pën mpojkëp, poky näjyëtu'un wyë'ëmëty; e pën mkënu'kxëp, kënu'kxy näjyëtu'un wyë'ëmëty.

Génesis 29:35

Yë Lea ojts wiinkpë y'u'unk myääy tyajja'ty naaxwiiny ets ojts txëëwmo'oy Judá, tä y'ënäny: Tyam nkuuy'ëwäämpyës yë Dios yë xyëëw. Jäpaat jëtu'un yë Lea y'u'unk'ijxy ets ka'ap ojts ja y'u'unk myääy t'ëkpat t'ëk'ijxnë.

Génesis 42:6

Yë José yë'ë ënety ënä'ämpë ijtp jap Egiptë ets yë'ë ja tsajpmok tyukmëto'kpy ja ja'ay mëti'ipë miintëpën tsajpmok juupyë. Ko ojts ja y'äjtytyëjk jam jya'të ma yë'ëjën, ënät nyäjyijtakëtë yë'ë wyintum ets nyaaxkoowtë.

Génesis 46:12

Yë Judá jä'ä y'u'unk y'ëna'k xyëëwajtë: Er, Onán, Selá, Fares ets Zara. Er mëët yë Onán jam ënety të y'ooktë Canaán. E yë y'u'unk y'ëna'këty yë Fares jä'ä xyëëwajtë Hesrón ets Hamul.

2 Samuel 22:41

tëëjës yë nmëtsiptëjk xykyuke'eky. Jëtu'un'äämpy të tjëkyepy nyajkutëkoyëtyës mëti'ipës ënety xy'ëxëëk ijxtëpën.

2 Samuel 24:9

Tä ja Joab tukë'ëtëjkëtyë ja David ja noky, ma ënety të tkëxjaaytya'atën ja ja'ayxyëëw; jä'ä nyiwinë'ajtë ni'ëmukë ja Israel ja'ayëty, tuktujk mëko'px mil mëti'ipë maayënëtëp tsyiptuntëty, mëkoxk mëko'px jam Judá.

2 Samuel 5:3

Jëtu'un'äämpy ja mëjja'aytyëjkëty mëti'ipë jam yajpatëpën ma ja Israel kajpnën ojts nyëjkxta'atë jam Hebrón ma ja David yajpaatyën ets yë'ë tuuny tu'uk ja käjpxytyu'unën mëët yë'ëjëty, tpëjktaktë ijxpë mëtoowpë ja Wintsën. Tä ojts tkënu'kxtë ja David ets yë'ë wyë'ëmëty yajkutujkpë ma ja Israel kajpnën.

1 Crónicas 28:4

E yë Wintsën Dios tëëjës xywyin'ixy mëëtës yë n'u'unk nto'oxytyëjk ets mëëtës yë n'u'unk n'ëna'k ets n'itëtyës wintsën ma Israel kajpnën xëmëkyëjxm.

2 Crónicas 14:8

Tam ënety Asá tmëëtëty tsyiptuunpëtëjk, jä'ä nyiwinë'atë tëkëëk mëko'px mil, yë'ë Judá ja'ayëty; myëët'ajtëp ja pujxn mëti'ipë nätyuk'akëëytyujkëtëpën ets kyu'umënëty ets nimäjtsk mëko'px ja majkta'px ja Benjamín ja'ayëty, myëët'ajtëp ja pujxn mëti'ipë nätyuk'akëëytyujkëtëpën ets ti'pxn, aakjä'ä jotmëktëjk.

2 Crónicas 15:9

Tä tyajmujktaay ja Judá ja'ayëty, Benjamín ja'ayëty, ets ja ja'tja'ayëty mëti'ipë jam tsënaaytyëpën; yë Efraín ja'ay, Manasés ja'ay ets Simeón ja'ay; jä'ä ko may ënety yë Israel ja'ayëty jäätsow të nyaxtë ma Asá kyutujktaknën ko ojts t'ijxtë ko putëjkëyëp yë Wintsën.

2 Crónicas 17:2

Ojts tpëjktä'äky këwent'ajtpë maajaty yë Judá tnitänën ets maajaty ja naax kajpnën mëkpë yajpaatën mëti'ipë naapotsyën; maajaty ja Efraín ja jyä'äy y'itë tsyëënëtën, wa'ats jam tyajwintujktaay mëët ja këwent'ajtpë.

2 Crónicas 30:11

Pën ojts kyäjpxyjyä'äykyujkëtë, ma ja Aser, Manasés ets Zabulón ja jyä'äyën ets ja jyot wyinma'any tyaj'o'oyëtë, ojts nyëjkxtë jam Jerusalén.

Salmos 76:1

Yë Dios wa'ats yajnijawë jam Judá ets xyëëw mëj yajëkyepy jam Israel.

Isaías 9:7

Ets jam nyaaxwäätsa'any ma ja David ja kyutujktaknën; këjääjëjaanp ja y'ënä'ämën kyutujkën, ja jotkujk'ajtën ka'ap nëjkx nijëna'a kyixy nyäxy; ja kyutujkën ta'tspëky nëjkx yajpaaty, nëjkxëp tuny ja oypyë nipaye'eyën ets ja tëypyë jaantypë winë xëëw winë kyëjxm. Mëët ko yë Wintsën tmëët'aty yë tsojkën ja'awën, mëti'ipë maaytyääyëpën winë, paaty nëjkx jëtu'un tyunyë jyätyë.

Ezequiel 21:29

Mëti'ipë mjawin'ijxtëpën ka'ap tyiyëty ets mëti'ipë mkajpxtëpën ka'ap myëtëyëty. Jam ja tëypyujxn kyëxka'aja'any ma ja yo'knëtyën tääpë ëxëëk ja'ayëty mëti'ipë je'eyë të tyuuntëkoytyën. Tyimpatyp ja nyixëëw ma yajtëytyuna'antën tääpë ja'ayëty.

Deuteronomio 33:7

Ënet ojts tkënu'kxy yë Judá mëët ya'atë aaw ayuk: Wintsën mëëtoow'ijtë yë Judá ja'ayëty yë y'aaw y'ayuk, mijts m'a'ixëp jatëkok ets tyu'ukmuktëty mëët ja myëjnaax myëjkajpn. Mniwaantu'utëp mëët yë mëk'ajtën, mijts mputëkëp oy ma muum yë myëtsip nyäpyaatëtëty.

Hebreos 10:13

Jam y'ëwxity koonëm yë Dios tmëmëtakta'ajëty yë myëtsip,

Hebreos 7:14

Yajnija'ap wa'ats ko ja Wintsën jam pyëtsiimy ma Judá y'u'unk y'okën, yë Moisés ka'ap ojts nikäjpxy ko jam pyëtsëma'any ja teety ma ja Judá ja y'u'unk y'okën.

Josue 10:24

Ko jam twoowmiintë ma Josuéjën, tä ojts twoowmujkta'ay ja ja'ayëty, mëti'ipë jam yajpatëpën ma Israel kajpnën ets t'ënëmaay ja tsiptuunpë wintsënëty: Mëjwa'aktë ets xyo'kmëtäänëtëty tyaapë yajkutujkpëtëjk, yë'ëjëty ojts jëtu'un tuntë,

Josue 15:20

Ya'atë it naaxwiinyëtë mëti'ipë ojts ja Judá ja jyä'äy tniwa'aktën ets tyajwa'kxtë tä ënety nyimay'atën.

Apocalipsis 11:15

Ko ja mëwëxtujkpë ja tsajpjotmëtë kukäjpxy tukxuxy ja pujxnxuxn, ënät kanaakpëky ja mëto'owën mëk yajmëtooy jam tsajpjotm ets y'ënä'äny: Tëë ja Wintsën ets ja Kristë tyajtso'onta'aktë ja kyutujkën naaxwiiny ets yajkutuka'antë xëmëkyëjxm.

Apocalipsis 5:5

Tääts tu'uk ja mëjja'ay xynyëmaayës: Këtii myä'äxy. Yë'ë tu'uk ja mëk'ajtënmëëtpë, ja Judá y'u'unk y'ok, mëti'ipë David y'u'unk'ajtyp y'ok'ajtypyën, yë'ë të myëtä'äky ets tyaj'ëwa'atsëty ja noky mëti'ipë wëxtujkpëky tsyä'äyëtyën.

Jueces 20:18

Tä yë Israel ja'ayëty jam tsyo'ontë ets ojts nyëjkxtë jam Betel, yë'ë nyijawëjantë pën ja Dios ënety wyin'ijxyp ets tnitëkëty ja Benjamín ja'ayëty. Yë Wintsën yë'ë wyin'ijx yë Judá ja'ayëty ets tsyiptunëty mëët ja Benjamín ja'ayëty.