Génesis 49:3 - Biblia Dc en Mixe de Quetzaltepec

³ Mijts, Rubén, mijts nkä'äxkopk'ajtyp, ets mijts nmëtu'uk'u'unk'ajtyp. Mijts ëka'any myajnikëxë'kpy yë nmëjaawës, ets n'u'unkës ntiktsës, mëti'ipë jëyëjp mëxu'unk'ajtën mëët yë oyajtën tsujajtën.

Biblia Mixe de Quetzaltepec

³ Mijts, Rubén, mijts nkä'äxkopk'ajtyp, ets mijts nmëtu'uk'u'unk'ajtyp. Mijts ëka'any myajnikëxë'kpy yë nmëjaawës, ets n'u'unkës ntiktsës, mëti'ipë jëyëjp mëxu'unk'ajtën mëët yë oyajtën tsujajtën.

Génesis 49:3 ပူးပေါင်းရင်းမြစ်များ

Salmos 78:51

Ojts yë'ëpaat tyaj'ooky jap Egiptë kajpnjoty ja yajkutujkpë ja kyä'äxkopk ets jënu'un ja Egiptë ja'ayëty ja y'u'unk y'ëna'k tmëët'atën mëti'ipë kä'äxkopkën.

Deuteronomio 21:17

Ya'atë kä'äxkopk nëjkxëp ni'ik yë kyuma'ayën yajmo'oy mëti'ipë patëpën. Jä'ä ko yë'ë ënety ëka'any yajwinkëxë'kpy ja jyot myëjaaw ja ye'etyëjk mëti'ipë patëpën ets ja kyuma'ayën kujkwä'kxy nyi'ikëty, jä'ä ko yë'ë kä'äxkopk'ajtp.

Salmos 105:36

Yaj'o'ktaay jap Egiptë tëkokyë kä'äxkopktëjk ma ja Egiptë ja'ayëtyën.

Génesis 29:32

Ënet ja Lea ojts wyi'imy u'unk mëët ets ojts tyajmëxu'unk'aty tu'uk yë y'u'unk mëti'ipë xyëëwmooyën Rubén, tä y'ënäny: Tiosës të xy'ixy koos nmony ntuky, paatyës tyam yë Jacob ni'ikës xytsyoka'any.

1 Crónicas 5:1

Ja Rubén ja y'u'unk y'ëna'k mëti'ipë ja Israel kyä'äxkopk'ajtypyën, jä'ä xyëëwajtë: Hanoc, Falú, Hesrón ets Carmí. Rubén yë'ë ojts jyakä'äxkopk'aty, je'eyëp ko ojts tyajtëkoy ko ojts ja tyeety ja tyo'oxytyëjk ojts tmëëtko'knaayë, tääts ojts yë'ë ja José tmëwë'ëmy ja kä'äxkopk'ajtën, nän yë'ë Jacob Israel myaank. Je'eyëp ko Judá mëj'äämpy ojts ok pyëtsimy, ma yë'ë jyä'äyën jam tu'uk Wintsën y'ijty, ja José yë'ë myëwë'ëm ja kä'äxkopk'ajtën.

1 Crónicas 2:1

Yë Israel y'u'unk y'ëna'k jä'ä xyëëwajtë: Rubén, Simeón, Leví, Judá, Isacar, Zabulón,

Génesis 48:18

Oy ënety ja tyeety tja'ënëëmë: Tatë ka'ap jëtu'un y'oy'atëty, ya'atë yë'ë mëj, pëjkta'ak yë m'a'oykyë'ë ma kyëpajkën.

Génesis 46:8

Ya'atë jëtu'un yë xyëëwëty yë Israel ja'ayëty mëti'ipë ojts nyëjkxtën jap Egiptë, mëti'ipë Jacob y'u'unk'ajt y'ok'ajtën. Yë Rubén mëti'ipë kä'äxkopkën, yë Jacob yë myëtu'uk u'unk.

Apocalipsis 3:14

Nnijayë yë tsajpjotmëtë kukäjpxy jampë yajpaatyën Laodicea: Jëtu'un y'ënä'äny ja mëti'ipë yäjkpyën ja tëyajtën ets mëti'ipë yajkutujkpyën tu'kë'ëyë mëti'ipë ja Dios yajkojën.

Deuteronomio 33:6

Ënet ojts tkënu'kxy ja Rubén mëët ya'atë aaw ayuk: Yë Rubén xëmë yajpaata'any. Ka'ap nëjkx yë xyëëw nijëna'a y'atëkoy, oy jyaniwäänë'atë yë ye'eytyëjtëjkëty.

Génesis 35:22

Jam ënety yë Israel të tsyënaaytyaknpëjknëtë ko yë Rubén ojts tmëëtko'knë yë Bilhá, mëti'ipë ënety ja tyeety të tmëmäjtsk to'oxytyëjk'atyën. Ko yë Jacob tnija'awëy ko ënety jëtu'un yë Rubén të y'ëti'itsy, ënät ojts yajxon jyantyjyoot'anpëky. Yë Jacob yë y'u'unk y'ëna'këty nimajkmäjtsk ojts y'itë.

Génesis 35:23

Mëti'ipë y'u'unk'ajtën mëët yë Lea, jä'ä xyëëwajtë Rubén, ja kä'äxkopk, ok myëxu'unk'ajtë Simeón, Leví, Judá, Isacar ets Zabulón.

Deuteronomio 27:13

E ja jyä'äyëty ja Rubén, Gad, Aser, Zabulón, Dan ets Neftalí, jam nëjkx wya'ak'oyëtë ma ja Ebal kopkën ets pojkën yajnikajpxëty ma ja naax kajpnën.