Génesis 49:28 - Biblia Dc en Mixe de Quetzaltepec

²⁸ Ya'atë jëtu'un nimajkmäjtskpë y'u'unk'ajtyp yë Jacob, mëti'ipë yajtijpën näjyëtu'un Israel. Yë'ë ya'atë aaw ayuk kyajpx ko yë y'u'unk y'ëna'k tmooy yë kënu'kxën nitu'ukjaty.

Biblia Mixe de Quetzaltepec

²⁸ Ya'atë jëtu'un nimajkmäjtskpë y'u'unk'ajtyp yë Jacob, mëti'ipë yajtijpën näjyëtu'un Israel. Yë'ë ya'atë aaw ayuk kyajpx ko yë y'u'unk y'ëna'k tmooy yë kënu'kxën nitu'ukjaty.

Génesis 49:28 ပူးပေါင်းရင်းမြစ်များ

Génesis 35:22

Jam ënety yë Israel të tsyënaaytyaknpëjknëtë ko yë Rubén ojts tmëëtko'knë yë Bilhá, mëti'ipë ënety ja tyeety të tmëmäjtsk to'oxytyëjk'atyën. Ko yë Jacob tnija'awëy ko ënety jëtu'un yë Rubén të y'ëti'itsy, ënät ojts yajxon jyantyjyoot'anpëky. Yë Jacob yë y'u'unk y'ëna'këty nimajkmäjtsk ojts y'itë.

Génesis 49:27

Benjamín jëtu'un yë'ë tä tu'uk yë kaajën, mëti'ipë jopyëp nyas'ookë tsyu'tsypyën, e ko jyënäky xyëëwajnë, tääts tjaakyajwa'kxta'ay mëti'ipë të tsu'tsnatëkën.

Génesis 49:29

Tëkok ojts yë Jacob tuk'ëne'emy ya'atë yë y'u'unk y'ëna'k ets t'ënëmaay: Ëjts wäänës njaakjuuky'ata'any täätsës n'o'knëty, koos n'ookëty jamës xyajnaaxtëkëtëty ma jam pyo'kxtën yë n'ap n'okës, jamës jëtu'un n'antijy ma aankën mëti'ipë jam yajpatpën Efrón nyaaxjotm, yë Hit ja'ay.

1 Reyes 18:31

Tä tkoonë'ky majkmäjtsk yë tsaa, jëtu'un tä ënety ja Jacob ja y'ëna'kën, mëti'ipë yë Israel ja'ayëty y'ap'ajtëpën, mëti'ipë ja Wintsën ojts tyajxëëwpetyën Israel.

Ester 8:11

Ma ja nokyën, jap kujayë myiny ma ja Jutiiyë ja'ayëty yajtuknijawëtën; ko oymyaakajpnëty ma muum yajpaatën, ënätyë mëpaat tyu'ukmuktë ets tkuwa'antëty ja jyuuky'ajtënëty; yë'ëjëty, myëët'ajtëp ja kuttujkën ets tyaj'ooktëty ja myëtsip mëti'ipë näjyëtu'un yaj'ookanëtëpën ets tjä'ä'atëty mëti'ipë ënety yajtukni'oktutëpën; wä'än yë'ëjëty ye'etyëjkpë to'oxytyëjkpë, mëjja'ay mutskja'aypyë.

Ester 8:7

Ënet ja yajkutujkpë Asuero t'ëtsoowinpijty ja Ester ets ja Mardoqueo, mëti'ipë Jutiiyë ja'ayëtyën: Ëjts tëëjës ntukë'ëtëjkëtyä'äy ja yajkutujkpë Ester tëkokyë jënu'un yë Amán winë të tmëët'atyën ets mëët ja nyijëën nyitëjk ets ja Amán nän tëë tyimyajyo'ktëy, mëti'ipë ojts tjayaj'o'kta'aja'anyën ja Jutiiyë ja'ayëty.

Ester 8:9

Ja yajkutujkpë ja jyääpyëtëjk ënätyë ojts yajmëkajpxta'atë. I'px tëkëëk ënety ja mëtëkëëk po'opë y'äny, ja Sivan po'o. Tëkokyë mëti'ipë ja Mardoqueo nyi'ënä'ämëyën yajkujaaytyääy ets yajtuknikäjxtë ja Jutiiyë ja'ayëty, yajkutujkpëtëjk ets kutuunktëjk ma ja mëko'px ja i'px wëxtujkpë ja kajpnën, mëti'ipë jam India ets jampaat Etiopíë yajpatpën; aakjëtu'un ja noky yajjaay tä kyajpxtën ets wi'ix ja tja'atën. Ja Jutiiyë ja'ayëty ojts ja nyoky yajtuknikäxtë tä kyajpxtën ets jya'atën.

Éxodo 28:21

Jä'ä ja tsaa xypyëjkta'aktëty majkmäjtsk, jä'ä ko yë Jacob yë y'u'unk y'ëna'k nyimajk mäjtsk'atë. Ma tu'ukjatypë ja tsaajën jam yajkëxtsa'ajëty ja ja'ayxyëëw, jëtu'un tä tii yajkëxtsa'ayën.

Hechos 26:7

Yë'ë ja waantakën mëti'ipës njëjp'ijxtëpën ko tyunëtëty jyatëtëty ma ni'ëmukë ja majkmäjtsk pëkpyë ja Israel y'u'unk y'okën. Paaty xëmë ja Dios nmëtuntës xëëny koots. Mijts, yajkutujkpë, yë'ëjës ja jutiis ja'ay xytyukni'ë'ënëtëp koos yë'ë njëjp'ixtë.

Deuteronomio 33:1

Ka'anëm ënety ja Moisés y'ookynyëm, mëti'ipë ja Dios myëtuunën, ko ja Israel ja'ayëty ojts t'ëkjaakënu'kxnë,

Santiago 1:1

Santiagë, Dios mëtuunpë ets ja Wintsën Jesukristë. Tkajpxpo'kxy ja Israel ja'ayëty, mëti'ipë yajpatëpën oymyaakajpnëty naaxwiinyëtë apëtsëmy.

Apocalipsis 7:4

Jëtu'un të nmëtoyës ko mëko'px ja wëxtyikxy majktaxk mil të yajtsa'atë ja Israel ja'ayëty, ja nimajkmäjtsk pëkpyë ja Israel ja y'u'unk y'ok.