Génesis 49:27 - Biblia Dc en Mixe de Quetzaltepec

²⁷ Benjamín jëtu'un yë'ë tä tu'uk yë kaajën, mëti'ipë jopyëp nyas'ookë tsyu'tsypyën, e ko jyënäky xyëëwajnë, tääts tjaakyajwa'kxta'ay mëti'ipë të tsu'tsnatëkën.

Biblia Mixe de Quetzaltepec

²⁷ Benjamín jëtu'un yë'ë tä tu'uk yë kaajën, mëti'ipë jopyëp nyas'ookë tsyu'tsypyën, e ko jyënäky xyëëwajnë, tääts tjaakyajwa'kxta'ay mëti'ipë të tsu'tsnatëkën.

Génesis 49:27 ပူးပေါင်းရင်းမြစ်များ

Génesis 35:18

Yë Raquel tim o'këtaknëp ënety jamnë, ko ojts jyaak mëkxejy, ënät tjaakxëëwmooy ja u'unk Ben-oni, e yë tyeety jä'ä xyëëwmooyë Benjamín.

Génesis 46:21

Yë Benjamín yë y'u'unk y'ëna'k jä'ä xyëëwajtë: Belá, Béquer, Asbel, Guerá, Naamán, Ehi, Ros, Mupim, Hupim ets Ard.

Génesis 49:26

Yë mteety ni'ik të mkënu'kxyë këtiinëm jyëtu'unëty ojts yë nteetyës xykyënu'kxyës. Mëj këjää yë mteety yë kënu'kxën të mo'oyë, mapaat yë tun kopk y'ëwtityën mëti'ipë winë xëëw winë jëmëjt ijtëëwtëpën, ya'atë jëtu'un yë kënu'kxën xëmë itaanp ma José yë kyëpajkën, mëti'ipë ojts yajwin'ixyën ma jyiiky myëku'ukën.

Génesis 49:28

Ya'atë jëtu'un nimajkmäjtskpë y'u'unk'ajtyp yë Jacob, mëti'ipë yajtijpën näjyëtu'un Israel. Yë'ë ya'atë aaw ayuk kyajpx ko yë y'u'unk y'ëna'k tmooy yë kënu'kxën nitu'ukjaty.

Jeremias 5:6

Paatykyëjxm nyipëtsëma'anëtë kaa jam yukjotm ets yaj'ooka'anëtë, jam të'ëts'itjotm pa'uk jam nipëtsëmanëtëp ets tyuktsu'utsëja'anëtë, jam kyajpn winkon kuuyxyëpëjy nëjkx pyapo'o pyaputëtë ets y'atsu'uts tyuktsu'utsëtëty, mëët jä'äkyëjxm ko të pyokytyuntë ets kanaak yë jyiiky myëku'uk të tkë'ëyaktë.

Ezequiel 22:25

Ja kajpn mëti'ipë ja kyutujkpëtëjk jëtu'un ja'ay'ajtëpën tä kaajën, mëti'ipë muutëpën ni'tstëpën ets t'atëj t'amootëtë y'o'kpë; mëti'ipë tsyu'typyën yë ja'ay nyaaxjoty kyajpnjoty, mye'tsyp ja wit meeny ets ja myëk'ajtën mëti'ipë yu'utsy yaj'ijtëpën ets may ja to'oxytyëjk ku'ooky tyajwë'ëmy.

Ezequiel 22:27

Yë ënä'ämpëtëjkëty mëti'ipë yajpatëpën ma ya'atë kajpnën jëtu'un jyä'äy'atë waxën mëti'ipë piw nuuk tyuunpyën yë y'o'kpë; yaja'ay'ookaanp je'eyë ets tyämäämpy jyä'ätsäämpy ja jot ne'pny ko kyumeenytyä'äky.

Sofonías 3:3

Jëtu'un yë kopktëjkëty ya'axtë jyoktë kaajën ets nyipaye'epyëtëjkëty myu'utë nyiitstë waxën mëti'ipë të'ëts'itjotm yajpatpën, mëti'ipë ka'ap tyajwë'ëmyën yë waay pajk komjëpom.

Mateo 10:16

Ëk'ixtë. Jëtu'un yam miits nkäxtë ijxtëm ja kupixyny nyëjkxtën pa'uk'akujky. Wijy kejy mnäpyëjkta'akëtëty ijxtëm ja tsa'anyën. Yujy mnäpyëjkta'akëtëty ijxtëm ja pakën.

Mateo 7:15

Näkyëwent'atëtë ma tääpë win'ë'ëmpëtëjkëtyën mëti'ipë nätyijëtëp ko Dios myëtuuntëp. Jëtu'un janty yujy janty tëtä'äky mniminëtë kupixynyën, e jap jyootjoty jëtu'un jyä'äy'atë pa'ukën.

Hechos 20:29

Nija'apës, ko yaa ntsoonëtyës, minantëp mëti'ipë win'ëënantëpën ets ja mëpëjkpëtëjk tyajwinma'anytyëkoya'antë. Jëtu'un jyata'antë ijxtëm ja pa'uk tyajkutëkoyën ja kupixyny.

Hechos 8:3

Tääts ja Saulo tpajëtijtäky ja mëpëjkpëtëjk winjëën wintëjk ets atsip tyajpëtsëëmy tyëkoty, wä'än ye'etyëjk to'oxytyëjkëty ets pujxn tëkoty tpëjktaktaaytyë.

Hechos 9:1

Ja Saulo tyim yaj'ookäämpy ënety ja mëpëjkpëtëjk, paaty ojts tninëjkxy ja teety wintsën,

Deuteronomio 33:12

Ënet ojts tkënu'kxy yë Rubén mëët ya'atë aaw ayuk: Mëët yë'ë ko Wintsën tsyoky jyawë jotkujk mjuuky'atëty. Mëti'ipë myëët'ajtypyën mëk'ajtën, yë'ë xëmë mkëwent'atanëp. Yë'ë mkuwa'anëtëp xëmë mapaat mjuuky'ätyën.

Filipenses 3:5

jä'ä koos nmëxu'unk'ajty, kom tuktujk xëëwës ojts ja nye'etyëjk'ajtën yajnatsujk'ëwtity, jutiis ja'ayës ëjts, Benjamínkës nteety'äjtyp n'ap'ajtyp, hebreo ja'ayës ëjts xy'u'unk'ajtp. Ets ijxtëm ja jutiis ja'ay ja y'ënä'ämënëty y'ityën, ëjts ojtsës n'ijxpëjkë ja fariseë ja'ay ja y'ijxpëjkënëty.

Jueces 20:21

E ko ja Benjamín ja'ayëty pyëtsëëmtë jap kyajpnjotyëty, jä'ä xëëw jä'ä tyaj'o'ktë ja Israel ja'ayëty i'px mäjtsk mil.

Jueces 20:25

E ja Benjamín ja'ayëty ko jatëkok tsyo'ontë jap kyajpnjotyëty, ojts yajja'ay'o'kojnëtëpë, jä'ä tyaj'o'ktë ja tsiptuunpëtëjkëty mëti'ipë Israel ja'ayëtyën majkmokx tëkëëk mil.