Génesis 49:24 - Biblia Dc en Mixe de Quetzaltepec

²⁴ E yë José mëk yë kyë'ë y'aaw tyaj'ity ets ka'ap yë tyi'pxn t'ëxmatsy. Nkukajpxëpësë yë Dios mëti'ipë Jacob y'ëwtajtypyën. Nkukajpxëpësë yë xyëëw yë nkëwent'ajtpë'ajtëm, mëti'ipë Israel xëmë këwent'ajtëpën.

Biblia Mixe de Quetzaltepec

²⁴ E yë José mëk yë kyë'ë y'aaw tyaj'ity ets ka'ap yë tyi'pxn t'ëxmatsy. Nkukajpxëpësë yë Tios mëti'ipë Jacob y'ëwtajtypyën. Nkukajpxëpësë yë xyëëw yë nkëwent'ajtpë'ajtëm, mëti'ipë Israel xëmë këwent'ajtëpën.

Génesis 49:24 ပူးပေါင်းရင်းမြစ်များ

Génesis 45:11

Yaa mijts yë jë'kxy pëky nmo'oja'any mëët tu'kë'ëyë m'u'unk m'ëna'k ets tu'kë'ëyë mëti'ipë jam mijts mëët m'ityën. Jä'ä ko jaak'itaamnëm yë yuu xëëw ja mëkoxk jëmëjt.

Génesis 45:5

Tuntë mëyajtën këtii ëxëëk mnäyjyawëtë ets këtii mnätyukjoot'anpëkëtëty aak miitsëty koos xytyo'ktë. Jä'ä ko Dios jëtu'unës ojts xykyexyës jëyëjp, këtiipë mijts yë mjuukyajtën tyëkoytyëty.

Génesis 45:7

E Dios yë'ëtsës jëwyiin të xykyexy, këtiipë ja mtikts m'aats kyutëkoytyëty naaxwiiny ets nyajtso'okëtyës mëj winma'any këjääwinma'any ja mjuukyajtënëty.

Génesis 47:12

Yë José yë'ë ënety kyääkymyoopy jyi'kxymyoopy yë myëku'uktëjk, ijxtëm ënety tyajmëyatën këëkjëën këëktëjk.

Génesis 48:15

Ënet ojts yë José yajkënu'kxy mëët ya'atë aaw ayuk: Yë Dios mëti'ipë ojts t'ëwtatën tmëmëtowtën yë Abraham ets Isaac, mëti'ipës nteetyajtën, Ja Dios mëti'ipës të xykyënu'kxyën xëmë, koos nmiiny naaxwiiny ets tyampaat.

Génesis 49:23

Yë ja'ayëty mëti'ipë ti'pxtëpën, ëxëëk jyänty myëtsip'atyë ets tsyip'ixyë ets janaam jatsojk yajjotkëxyë.

Génesis 50:21

Paaty miitsëty këtii mtsë'ëkëtëty. Ëjts yam miitsëty nmo'ojantëp mëti'ipë mkaytyëp m'uuktëpën ets mëti'ipë jyë'kxtëp pyëjktëpën näjyëtu'un yë m'u'unk m'ëna'këty. Jëtu'un ojts jatëkok yë José yë myëku'uktëjk tyajjotkujkë, ko ojts tmëëtmëtyä'äky mëët yë oy'aaw oy'ayuk.

2 Samuel 5:2

e tä të y'ityën, oyën ja Saúl ënety jä'ä jya'ënä'ämpë, mijtsyëm ijty mtu'uwinye'eypy ja naax kajpn ko muum tsyippaaty. Tëë kë'ëm ja Wintsën y'ënä'äny ko mijts jëtu'un mwinye'epy ja Israel kajpn ets xy'ënä'ämëty.

2 Reyes 13:16

Ets ja Elisejë y'ënëmaayë: Jëjp'ixy m'itëty ets ënät mti'pxë'ëkëty. Tam ënety ja yajkutujkpë xyajjë'ëky ko ja Elisejë tkë'ëmajtsy ja yajkutujkpë

Nehemías 6:9

Yë'ëjëty jä'äjëtën ojts tjawinma'any'atë ets jeexyë xy'ëtsë'ëkëtës ets jeexyë ja tuunk yaj'ëxmatsy ets jeexyë ka'ap wyintu'upëky; e ëëtsëty ni'ikyënëmës ja ojts amëjaaw ntuuntsoontë.

Job 29:20

Yë nmëj'ajtënës xëmë y'ajämëja'any ets nmëjaawës ka'ap nijëna'a kyukëxëja'any.

Salmos 118:22

Ja tsaa mëti'ipë ojts ja tëjk kojpë ka'ap tsoktën, yë'ë të y'awinpity tsaakopk mëti'ipë ja tëjk myëtënääpyën.

Salmos 132:1

Wintsën, ja'amyäts yë David, ets ijxë wi'ix tmënaxy tyajnaxyën yë ëxëëkpë tsaatsypë. Ja'amyäts ko yë'ë ojts tnikäjpxy ko tukkajpxpejty yë Dios yë xyëëw, ets ko ojts tukmëtoy ja y'aaw y'ayuk ja Dios mëti'ipë Jacob y'ëwtajtypyën.

Salmos 132:5

pën ka'apës yë Wintsën yë tyëjk npatë, mëti'ipë Jacob y'ëwtajtën.

Salmos 18:1

Wintsën, mijts nmëk'ajtën'ajtyp; mijts ntsojkpy nja'ap.

Salmos 18:30

Yë Dios yë nyë'ë tyu'u mëtëy yë'ë, ets ja mëti'ipë të twinwanën jyëkyejpy n'a'ijx njëjp'ijxmëty. Dios kyuwäämpy nyixäjpy yë ja'ay mëti'ipë tuk'ijxpäjtëpën.

Salmos 23:1

Yë Wintsën yë'ëjës xykyëwent'ajtp, ka'ap nitii nyajtëkoy'ätyës.

Salmos 27:14

Tuk'ijxpät yi'iyë yë Wintsën. Jotmëk it. Këtii mmay mtajy. Tuk'ijxpät yë Wintsën.

Salmos 28:8

Yë Wintsën yë'ë nyaax kyajpn mëjaaw'ajtëp. Näyjyëtu'un ja yajkutujkpë mëti'ipë të twin'ixyën, jam yë näypyutëkë ets tsoktakn tpaaty ma yë'ëjën.

Salmos 44:7

mijts ojts xypyutëkëtës ets nmëmëtaktës ja nmëtsip, mijts myajtsëtyu'unpat mëti'ipë ënety ëëtsëty xymyëtsip'ajtëpën.

Salmos 73:23

E ëjts ka'ap mijts të ntimy'ëxmatsy tu'ukyë, xëmë të nmëjwa'kpety. Ojtsës mijts xymyätsy mëët yë m'a'oykyë'ë,

Salmos 80:1

Mëti'ipë wyoow'ijtyp wyijts'ijtypyën yë Israel, mëët ko oy yë José xytyu'uwinwoy xytyu'uwinwitsy jëtu'un tä ja'ay yë kyupixyny oy twojpjëtityën, ets ko yë mkutujkën xymyëëtëty itkujky ma Wintsën kyukexyën, mëtoow'it.

Salmos 89:1

Wintsën, xëmës n'ëna'ana'any n'ëyjyotyës ko mijts janty'oy yë jot winma'any xymyëëtëty, janaam jatsojkës nikajpxa'any nnimëtya'aka'any ko mijts aak'oy winë xytyuny.

Éxodo 3:6

Ets ojts tjaaknikäjpxy: Ëjts jëtu'un ojts xyTios'atë yë m'ap m'okëty. Ëjts jëtu'un xyTios'ajtë yë Abraham, Isaac ets Jacob. Yë Moisés ënätyë ojts nyäwyinkumo'kxëty, jä'ä ko yë'ë ojts tsë'ëkë, ko ja Dios jeexyë t'ixy,

Isaías 1:24

Paaty y'ënä'äny yë Wintsën mëti'ipë maaytyääyëpën winë: Ja kutujkënmëëtpë yajpaatyën jam Israel, jëtu'un tnikäjpxy: Wä'än jäpaat jëtu'un tuunkojy tjajtkojyë. Ëjts ntukumëtowäämpyës yë nmëtsipës. Ëxëëkës yam ntuna'any.

Isaías 28:16

Paaty ja Wintsën y'ënä'äny: Ëjts npëjkta'akäämpyës yam tu'uk yë tsaa jam Sión, tu'uk yë mëjtsaa, oytsyaa ets tsoowpaatypë, mëti'ipë mëj'äämpy itëpën, ets yë'ë potsy ëjx'atëp. Pën ënety tyukjotkujk'ajtypyën, nëjkxëp jam tpaaty ja po'kxtakn.

Isaías 29:24

Mëti'ipë ënety ka'ap tii oy tja'akyukëtën nëjkxëp wyijytya'aktë; ets mëti'ipë ënety ka'ap tii oy tmëpëktën, nëjkxëp y'ijxpëktë.

Isaías 41:10

Këtii mtsë'ëkëty, ëjts yajpatpës ma mijtsën, ëjts mijts xyTyios'ajtp. Ëjts mijts nmëjaawmoopy ets nputëjkëp, mëëtës ja nkë'ë nmajts'ity ets xëmë mmëta'akëty.

Isaías 49:26

Ëjts atsipës ntuktsu'utsa'any ja kyë'ëm nini'kx ja ja'ay mëti'ipë ëxëëk mtuunëpën, etsës nyajmu'uka'anyë mëët ja kyë'ëm ne'pyny tä jeexyë ta'amnëë t'uukyën. Jëtu'un tëkokyë ja'ay nijawëtëty ko ëjts Wintsënajtp, ëjts mnitsokpë'ajtyp, mëti'ipë maaytyääyëpën winë ma Jacob nyaax kyajpnën.

Isaías 60:16

Nëjkxëp ja naax kajpn myajkay myaj'uukyë, ets mtukniminanëp ja yajkutujkpëtëjk ja wit meeny; täänëm nëjkx xy'ijxpaaty ko ëjts Wintsënajtp, ets yajnitsokp, ëjts xymyääytyääpyës winë, mëti'ipë Jacob jyotmëk'ajtypyën, ets ko ëjts yaj'ëwaatsëpëtsëëmp.

Zacarías 10:12

Ëjts nëjkx nmo'otë yë jot mëjaaw ets tyu'uye'eytyëty mëët yë nxëëwës, ëjts Wintsën, ëjts ënaanp.

Zacarías 3:9

Ëjts tëëjës yë Josué ntukwinkukonë tu'uk yë mëjtsaa mëti'ipë wëxtujk yë pya'ajën, jamtsës nkëxja'aja'any tu'uk yë winma'any. Ets tu'kxëëyë nëjkx yë naax kajpn njo'tsta'ayës yë nyëë pyoky.

Mateo 21:42

Ënet ja Jesús y'ëtsoowëtë: ¿Ka'anëm xykyajpxtë ja Dios ja y'aaw y'ayuk mëti'ipë ënaanpën?: Ja tsaa mëti'ipë ja pojtspëtëjk ojts t'ixka'atstën, jä'ä tyam të nyäxy potsy myëtënääpyë. Ja Wintsën jëtu'un të tuny, ets ëëtsajtëm mëj'ixy n'ijxmëty.

Marcos 12:10

Këtii xykyajpxtënëm ja Dios ja y'aaw y'ayuk këxja'aypyë mëti'ipë ënaanpën: Ja tsaa mëti'ipë ja pojtspë ojts tpäxtën, nikë jä'ä tyam të y'awinpity mëjtsaakopk ma potsy'ëjxën.

Lucas 20:17

E ja Jesús ojts wyintë'kxëtë ets y'ënëmaayëtë: ¿Tii ja Dios ja y'aaw y'ayuk tyijpy ko y'ënä'äny?: Ja tsaa mëti'ipë ja pojtspë ojts tpäxtën, yë'ë të nyäxy tsaakopk.

Hechos 4:11

Yë Jesús yë'ë tyam jëtu'un të nyäxy ijxtëm ja tsaakopkën, mëti'ipë miitsëty, ja pojtspëtëjk ojts xy'ixka'atstën. E tëëts ja y'awinpity jëtu'un ijxtëm tu'uk ja mëjtsaakopkën mëti'ipë myëtënääpyën ja jëën tëjk.

Romanos 14:4

¿Mpën mijts ko xypyoky'ixy ja ja'ay mëti'ipë Dios myëtuumpyën? Pën oy ëkë ëxëëk winë tuny, yë'ë kë'ëm nyija'ap. E yë'ë oy wyë'ëma'any, jä'ä ko yë Wintsën myëët'ajtyp yë mëk'ajtën ets oy yajwë'ëmëtëty.

Efesios 2:20

Jëtu'un miitsëty ijxtëm ja potsyën; ets ja ijxpëjkpëtëjk ets ja Dios ja kyäjpxynyajxpëtëjk jëtu'un ijxtëm ja potsy ëjxën; ja Jesukristë yë'ë jëtu'un ijxtëm ja tsaajën mëti'ipë ja potsy myëtënääpyën.

Deuteronomio 32:4

Yë Wintsën yë'ë xykyuwa'an xykyënu'kxëm, yë'ë aak'oy winë tuny, ko tii tuny aakyë'ë mëti'ipë mëtëyën. Yë'ë Tios'ajtp ets yë'ë tëy'ajtën'ajtp, yë'ë nijëna'a winë tëkatsy tkatuny, yë'ë tyuunpy mëti'ipë oyën ets mëtëyën.

Deuteronomio 33:27

Yë Tiosën xëmëpë y'ityën yë'ë mtsoktakn'ajtyp, yë myëk'ajtën yë'ë mnätyukputëkëtëp. Jä'ä ko yë'ë ojts tyajke'eky tyajputy yë mmëtsip, ets mnëmaayë ets xytyimyajkutëkooytya'ajëty.

Deuteronomio 34:9

E yë Josué yë myaank, yë Nun, tëë ënety yë Moisés yaj'ijxpëkyë ets wa'ats tnija'awëtyä'äy wi'ix ja naax kajpn tu'uwinye'eyëtyën; tëë ënety ja Moisés ja kuttujkën myo'oyë ma jyaak juuky'ätynyëmën, paaty ja Israel ja'ayëty ojts y'ëna'antë ets yë'ë tmëmëtowa'antë, tä ja Moisés ënety të tyuk'ëne'emyën ja Wintsën.

Colosenses 1:11

N'amëtow npëjktsowtës ja Dios ets mjotmëkmo'ojëtëty mëët tu'kë'ëyë ja myëj'ajtën y'oyajtën; jëtu'un winë xymyëmëta'aktëty amëk jotmëk, akujk jotkujk ets mëët ja mä'kxtujkën

2 Timoteo 4:17

E Ojtsës ja Wintsën Jesús xypyutëkë ets xymyooyës ja mëjaaw ets ja oy'aaw oy ayuk nkajpxwa'kxëtyës ets tmëtowtëty ja ja'ay mëti'ipë ka'ap jyutiis'atën. Jëtu'unës ja Dios xyaj'ëwa'atspëtseemy jam tsimptum o'këntum,

Josue 17:18

Tëkokyë jënu'un xy'ixtën tääpë yuk'it miits nëjkx xyjyä'ä'atë ets ja aay kepy jampë yajpaatën, miits nëjkx xytyuk'oy'atë. E ja Canaán ja'ayëty nëjkxëp xy'ijxwojpta'atë oy ënety xyjya'ixtë ja pyujxnwintëkäämpë mëti'ipë myëtsiptuuntëpën.

Jueces 1:22

Ënet ojts ja José ja jyä'äy tnitëkëtë ja Betel kajpn mëti'ipë ijty tëëyëp yajtijpën Luz, jëyëjp ojts tkäjxtë ja'ay ijxpë tuunpë. Yë Wintsën ojts pyutëkëtë.