Génesis 49:21 - Biblia Dc en Mixe de Quetzaltepec

²¹ Yë Neftalí jëtu'un yë'ë tä jookyën, mëti'ipë jëtijtpën oy tyimmaajëty ets janty oyëty yë y'u'unk y'ëna'k tmëëtëty.

Biblia Mixe de Quetzaltepec

²¹ Yë Neftalí jëtu'un yë'ë tä jookyën, mëti'ipë jëtijtpën oy tyimmaajëty ets janty oyëty yë y'u'unk y'ëna'k tmëëtëty.

Génesis 49:21 ပူးပေါင်းရင်းမြစ်များ

Génesis 30:8

tä yë Raquel y'ënäny: Ya'atë u'unk jä'ä txëëwatëty Neftalí, jä'ä ko tëëjës oy mëk nitsiptuny ma ntsë'ëjësën ets tëëjës nmëmëtä'äky.

Génesis 46:24

Ya'atë yë Neftalí y'u'unk'ajt y'ëna'k'ajt mëti'ipë xyëëwajtën: Jahseel, Guní, Jézer ets Silem.

2 Crónicas 10:7

Tä y'ëtsoowtë ja mëjja'aytyëjk: Pën mijts m'oyjya'ap ya'atë naax kajpn ets myajjotkujk'ajtyp ko xytyunëty mëti'ipë y'amëtoowtëpën, yë'ëjëty xëmë nëjkx oy tsuj mëtunëtë.

Proverbios 5:19

ja oypyë wa'atspë ja to'oxytyëjk. Xëmë mwinkow m'akowëtëty. Xëmë mtsokëtëty mjawëtëty.

Cantares 2:7

Tyam n'amëtow npëjktsowtë miitsëty to'oxytyëjktëjkëty, mëti'ipë jam Jerusalén kukajpnajtëpën, ko këtii xyuxtëty yë to'oxytyëjk mëti'ipës ntsojkpyën. Ixmatstë wä'än tma'ay, kë'ëm wyijëty jëna'a tuknipëjktaakë.

Jeremias 14:5

Yë'ëpaat yë ujtsjëyujk y'ëxmajtsnëp ja y'u'unk mëti'ipë naamnëm mëxu'unk'ajtpën, jä'ä ko ka'ap tii ujtsnë tii jyë'kxëpën.

Deuteronomio 33:23

Jëtu'un ojts tnikäjpxy ja Neftalí: Yë Neftalí tukjotkëtakëp yë Wintsën ets mëj këjää kyënu'kxa'anyë, yë'ë nëjkx tjä'ä'aty yë nëëjot jampaat ëpa'tkë'ëmtsow.

Jueces 4:10

Ënet ja Barac tmëkajpxmujky ja Zabulón ja jyä'äy ets ja Neftalí ja jyä'äy ets tyajtu'ukmujktaay ja ye'etyëjktëjk nimajk mil ojts y'itë. Ja Débora yë'ë ënety jämyëët'ajtëp.

Jueces 4:6

Tu'kxëëw tu'kjëmëjt ojts yë Débora tmëjwoy tu'uk yë ye'etyëjk mëti'ipë Barac xyëëwajtyp, yë'ë myaank yë Abinóam, jam tsyëënë Quedes mëti'ipë Neftalí ja jyä'äy ets t'ënëmaay: Yë Wintsën, Israel ja'ay yë Tyios, yë'ë tyam m'ënëmaayëp ko mnëjkxëty jam kopkjotm ma Tabor itjotën ets xyajmukëty yë ja'ay jam nimajk mil aakyë'ë Neftalí ets Zabulón yë jyä'äy.

Jueces 5:18

E yë Zabulón ets Neftalí yë jyä'äyëty ojts jam tsyoontë tunkëjxm kopkkëjxm ma ënety jam yajpaatën ets ja jyuukyajtën tmëktuuntë jam ma tsip tyunyën.