Génesis 49:18 - Biblia Dc en Mixe de Quetzaltepec

¹⁸ Wintsën n'ëwxijtypyës ets mijts xyaj'ëwaatsëpëtsëmëtyës ets xyajtso'okëtyës.

Biblia Mixe de Quetzaltepec

¹⁸ Wintsën n'ëwxijtypyës ets mijts xyaj'ëwaatsëpëtsëmëtyës ets xyajtso'okëtyës.

Génesis 49:18 ပူးပေါင်းရင်းမြစ်များ

Génesis 49:17

Yë Dan näjyëtu'un yë jyä'äy'atëty tä tu'uk yë tsa'anyën, mëti'ipë tu'u'aay ko'knääpyën, mëti'ipë y'atsu'tsyp tyeky tsyu'utypyën yë kwaay, ets tyajkënaxy mëti'ipë tuk'u'unyääyëpën.

Salmos 119:166

Wintsën, ëjts n'a'ijxyp njëjp'ijxypyës etsës xyajtso'okëty, jä'ä ko ëjts nkuuytyuunpyës yë m'ënä'ämën mtëyajtën.

Salmos 119:174

Wintsën, ëjts ntsojkpyës ets mijts xyajnitso'okëtyës. Ëjts janty jotkujkës nnäjyawëty mëët yë m'ijxpëjkën.

Salmos 119:41

Wintsën, tuk'ijxkës yë mtsojkën mja'awën ets myajnitsokën, jëtu'un ijxtëm të xywyinwanën.

Salmos 123:2

Mëët yë waantakën nu'kxtakën jam nkëx'ixtës ma Tiosën mëti'ipës nWintsën'ajtëpën, jëtu'un tä tu'uk yë mëtuunpë twintë'kxyën yë wyintsën, ets jëtu'un tä tu'uk yë to'oxytyëjk twintë'kxyën yë wyintaj, n'a'ix njëjp'ixtës etsës xypya'ëyow xynyajts'ëyowëtëty.

Salmos 130:5

Yajxon ëmuumtu'ukjot n'ëwxityës yë Wintsën, n'ëwxityës jëtu'un yë nWintsënës, ets y'aaw y'ayuk yë'ëjës ntuk'ijxpejtyp.

Salmos 14:7

Jääpëk jeexyë Israel ja'ay nitsokën tpaatë mëti'ipë jam tso'onpën ma Sión kopkën. Ko ja Wintsën tyaj'oyëty ja nyaax kyajpn ja jyuukyajtën, ënät xyoonta'aka'antë ja Jacob ja y'u'unk y'ok, ets tëkokyë yë Israel kajpn.

Salmos 40:1

Tu'ukyë jam yë njot nwinma'anyës npëjktä'äky ma Wintsënën, ets yë'ë tëë tmëtoy koos nyä'äxy njoky;

Salmos 62:1

Jämyë ma Tiosën npaatyës yë jotkujk'ajtën; ets nitsokënës jam tsyoony ma yë'ëjën.

Salmos 62:5

Jämyë ma Tiosën npaatyës yë jotkujk'ajtën; ets yi'iyës tu'uk ntuk'ijxpejtyp.

Salmos 85:7

Wintsën, tuk'ijxtëk ëëts yë m'oyjot m'oywyinma'any, ets yajnitsoktëkës.

Éxodo 15:2

Ëjts nwin'ëëpy nwinyäxypyës yë Wintsën, jä'ä ko yë'ëjës xymyëkmoopy xymyëjaawmoopy ets yë'ëjës xyajnitsokp. Yë'ëjës nTios'ajtyp paatyës nwin'ëy nwinya'axy. Yë'ë näjyëtu'un yë nteetyës ojts tTios'aty, paatyës nmëjjaw nkënu'kxyjawë.

Proverbios 14:32

Yë ëxëëk ja'ay kë'ëm ëxëëk nyätyunyë ko ëxëëk y'ëti'itsy y'ënä'äny; e yë ja'ay mëti'ipë tëy tëtä'äky winë tyuunpyën, yë'ë kuwanëp ma mëtëy tyu'uye'eyën.

Isaías 25:9

Jä'ä xëëw nëjkx ja aaw ayuk y'ënä'äny: Ya'atë jëtu'un Wintsënajtp mëti'ipë nTios'ajtëmën, yë'ë të ntuk'ijxpäjtëmë ets yë'ë të xyajtsokëmë. Tsojk ntukxoontakëmë ets ntukxo'on ntuk'ijtëmë, jä'ä ko yë'ë tëë xyajtsokëmë.

Isaías 30:18

E yë Wintsën jëjp'ixy jam yajpaaty ets jatëkok mwinpitëty; yë'ë mëk mjatsokëtë, jä'ä ko yë Wintsën nipaye'epy yë mëtëy. Akujk jotkujk ja'ay yajpaatë mëti'ipë y'ëwxijtëpën yë Dios.

Isaías 33:2

Wintsën, pa'ëyoow najts'ëyo'owëtëk ëëtsëty, ëëtsëty jamës ja winma'any npëjkta'aktë ma mijtsën. Mijts ëëts xypyëtëkëtëp winjopy, mijts ëëts xyaj'ëwaatsëpëtsëmtëp ko ntsippaatëtyës.

Isaías 36:8

Nikë tun tu'uk ja käjpxytyu'unën mëët yë nwintsënës, mëti'ipë jam Asiria yajkutujkpën ets tyam nmo'ojëty nimäjtsk mil yë kwaay pën mpatyp yë nyija'ay mëti'ipë tyuk'u'unyëtëpën.

Isaías 8:17

Oy yë Wintsën jyanäyu'utsyë ma Jacob y'u'unk y'okën, ëjts je'eyëmës yë'ë ntuk'ijxpety. Jä'ä ko ma yë'ëjën jamës yë njotkujk'ajtën npaaty.

Lamentaciones 3:25

Yë Wintsën y'oyjya'ap yë ja'ay mëti'ipë tuk'ijxpäjtëpën, mëti'ipë yë'ë nimiinëpën.

Oseas 12:7

Jëtu'un yë Wintsën y'ënä'äny: Yë Canaán ka'ap tii oy tkijpxy, jä'ä ko yë'ë tsyokpy wi'ix yë myëku'uk tsuu'ixëtyën.

Miqueas 7:7

E ëjts Wintsënës ntuk'ijxpejtyp; jamës yë n'ijxën mpëjktä'äky ma Tiosën mëti'ipë yajnitsokpën, jä'ä ko xymyëtoow'itaanpës yë'ë.

Mateo 1:21

Ye'eytyëjk y'ita'any. Jä'ä xytyukxëëwatëty Jesús, jä'ä ko ja jyä'äy tyajpokynyiwa'atsa'any.

Marcos 15:43

tääts ja José myiiny, Arimatea ja'ay; tu'uk ja tsajptëkotyëtë yajjuntë'ajtpë mëti'ipë wintsë'ëkë ijtpën, yë'ë ënety jyëjp'ijxyp ko myina'any ja Dios ja kyutujkën, ënät ojts nyijkx amëk jotmëk ma ja Pilato ets t'amëtooy ja Jesús ja nyi'kx kyopk.

Lucas 1:30

Tääts ja tsajpjotmëtë kukäjpxy y'ënëmaayë: Maria, këtii mtsë'ëkëty. M'oyjya'awëyëp mijts yë Dios.

Lucas 2:25

Jam ënety tu'uk ja ja'ay tsyëënë Jerusalén, Simeónk'ajtp. Oy ets wa'ats jyuuky'äty ma Tiosën, wyintsë'këp ja Dios ets y'owëxijtyp jëna'a ja Israel ja'ay nyitso'oka'antën. Ja Simeón myëët'ajtyp ijty ja Kënu'kxymyëkajtën,

Lucas 2:30

Yë'ë ko tëëjës n'ix ja nitsokën

Romanos 8:19

Tu'kë'ëyë mëti'ipë ja Dios të tyajkojyën jyëjp'ijxtëp ja xëëw ma ja Dios tyajnikëxë'ëkanyën mëti'ipë y'u'unk'ajtypyën.

Romanos 8:25

E mëti'ipë njëjp'ijxëmën ets ka'ap tii n'ijxëmë mëët ja nwiin'ajtëmë, ëyo'owmëp ko jeky n'ëwxijtëmë.

Gálatas 5:5

E ëëtsajtëm mëët ja Kënu'kxymyëkajtën nnija'awëm ko npata'anmëty ja oypyë ja nipaye'eyën ko të nmëpëjkëmë.

1 Tesalonicenses 1:10

ets xyjyëjp'ixtë ko myina'any ja Jesús, ko tsyoona'any jam tsajpjotm ja Dios U'unk, mëti'ipë juukpyëjkën. Yë Jesús yë'ë xyajnitso'oka'anëm ma ja mëj ëyo'onën mëti'ipë miimp wiinkoonpën.