Génesis 49:14 - Biblia Dc en Mixe de Quetzaltepec

¹⁴ Isacar jëtu'un yë'ë tä tu'uk yë jëyujkën mëti'ipë tsëmy myëye'epyën, ets ënät pyo'kxy ma kyutsuumtaknën.

Biblia Mixe de Quetzaltepec

¹⁴ Isacar jëtu'un yë'ë tä tu'uk yë jëyujkën mëti'ipë tsëmy myëye'epyën, ets ënät pyo'kxy ma kyutsuumtaknën.

Génesis 49:14 ပူးပေါင်းရင်းမြစ်များ

Génesis 30:18

Yë Lea jëtu'un ojts y'ënä'äny: Ya'atë u'unk ja txëëwatëty Isacar, jä'ä ko Dios jëtu'un të xykyumayës mëëtkyëjxm koos ntuunpë të nkë'ëyäky ma Jacobën.

Génesis 49:15

Ko ojts t'ijxy ko ja naax kajpn janty'oy ets oy yajtukmëwin'ijxtëwë ets wya'anëty po'kxtakn. Ënet yë jyëxk ojts tyäky ets ja tsëmy kë'ëy tpa'atwa'këy, nitii ojts tkakäjpxy ets nyäpyëjktakë mëtuunpën.

1 Crónicas 12:32

Ma ja Isacar ja jyä'äyën, mëti'ipë nyija'awëtyëpën wi'ix ja xëëw po'o myiny kyëtä'äkyën ets tii mëpaat ja Israel ja'ayëty tuntën; jä'ä nyiwinë'ajtë mëti'ipë ojts tniwintsën'atyën nimäjtsk mëko'px ja mëti'ipë nyikopk'ajtën ja jyä'äyëty.

Salmos 68:13

e mijts ojts myajyu'utsy. Jëtu'un ojts mkëxë'ëky tä tu'uk yë pakën mëti'ipë kyäkn këxë'kpën poop pujxn nikoypyën. Ets ja jyëmk yaj'ixy pu'ts pujxn nikuutsypyën.

Salmos 78:70

Ojts näjyëtu'un twin'ixy yë tyuunpë David, mëti'ipë ënety yë'ë tyuunk'ajtypyën yë kupixyny këwent'ajtk.

Deuteronomio 33:18

Ënet ojts tkënu'kxy yë Zabulón ets Isacar, mëët ya'atë aaw ayuk: Mijts Zabulón janty jotkujk mnäjyawëtëty, ko mtsoon mja'tëty, näjyëtu'un mijts Isacar janty jotkujk mnäjyawëtëty ma oypyë ja mtsënaaytyakn kyëxë'ëkyën ma mwit tëjkën.

Jueces 10:1

Ko ojts y'o'knë yë Abimélec, ënät jam tu'uk pyëtsiimy yë ja'ay mëti'ipë xyëëwajtypyën Tolá, yë'ë myaank yë Puá, y'ok'u'unk yë Dodó; ojts tnitsiptuny yë Israel kajpn ets tyajtsoky. Jam ijty tsyëënë Samir ma ja kopkën mëti'ipë nyitënääpyën yë Efraín ja'ay.