Génesis 47:6 - Biblia Dc en Mixe de Quetzaltepec

⁶ Yë naaxwiinyëtë mëti'ipë Egiptë jyä'ä'ajtypyën yë'ë näjyëtu'un jyä'ä'ajtëp, paaty mijts mo'o yë it naaxwiinyëtë jam Gosen, tampë it naaxwiinyëtë yë'ëjën wäänë oy mëti'ipë naax kajpn jyä'ä'ajtypyën, jamts tsyëënëtëty jyuuky'atëty. Ets pën mnija'ap ko yë mmëkä'äxtëjk oy tkëwent'atë yë jëyujk, tukëwent'atë yë njëyujk ntsajpkaajës.

Biblia Mixe de Quetzaltepec

⁶ Yë naaxwiinyëtë mëti'ipë Egiptë jyä'ä'ajtypyën yë'ë näjyëtu'un jyä'ä'ajtëp, paaty mijts mo'o yë it naaxwiinyëtë jam Gosen, tampë it naaxwiinyëtë yë'ëjën wäänë oy mëti'ipë naax kajpn jyä'ä'ajtypyën, jamts tsyëënëtëty jyuuky'atëty. Ets pën mnija'ap ko yë mmëkä'äxtëjk oy tkëwent'atë yë jëyujk, tukëwent'atë yë njëyujk ntsajpkaajës.

Génesis 47:6 ပူးပေါင်းရင်းမြစ်များ

Éxodo 18:21

Mëti'ipë tëy mijts mtunëp, win'ix kanaak yë ja'ay mëti'ipë m'a'ijxëpën oy winë tuntë ets tsyë'këtyëp yë Dios ets mëtëy winë tkajpxtë tmëtya'aktë, ijxtëm yë ja'ayëtyën mëti'ipë ka'ap tii yë myëku'uk awin'ëënë tpëjkën ets jëtu'un xytyuknipëkëty ya'atë tuunk, mëti'ipë wyintänëtëpën ja ja'ayëty nitu'kmiljaty, nitu'kmëko'pxjaty, niwëxtyikxymyajkjaty ets nimajkjaty.

Génesis 47:11

Jëtu'un'äämpy yë José tmooy yë it naaxwiinyëtë oyëtypë yë tyeety ets myëkä'äxtëjk mëti'ipë Egiptë jyä'ä'ajtypyën, ma tsyëënëtëtyën. Jëtu'un ijxtëm ënety ja yajkutujkpë të tni'ënä'ämën. Jëtu'un yë tyeety ets myëkä'äxtëjk ojts nyaaxpaatë jam ma ja it naaxwiinyëtë txëëwatyën Ramsés.

Proverbios 22:29

Mëti'ipë ja'ay oytyuunk tyuunpyën, jam muum tyuunkpaaty ma y'itën yë yajkutujkpëtëjk ets ka'ap jyamëty ma ja'ayëtyën mëti'ipë ka'ap tii tkëjxm'atën.

2 Crónicas 26:10

Ojts näjyëtu'un potsy tyajkojy jam të'ëts'itjotm, ojts may nëëjut tyaj'ëwa'atsy, jä'ä ko yë'ë may ijty jëyujk tsajpkaa tmëëtëty; jam joyjotm ets jam kopkëjxm. Tam ijty näjyëtu'un tmëëtëty may tuunpë ma kyam tyu'ujën jam tunjotm ets maajaty y'ääy y'ujts tyaj'ityën, yë'ë oy ijty tsojkën'aty naax tuunk.

Éxodo 18:25

Ojts twin'ixy ja ja'ayëty mëti'ipë winë oy tyuuntëpën jam ma ja Israel kajpnën ets tmooy ja ënä'ämën kuttujkën ma ja ja'ayëtyën tu'kmiljatypë, nimëko'pxjatypë, niwëxtyikxymyajkjatypë ets ma ja nimajkjatypyën.

Génesis 47:4

Të nmintë ëëts yaajëty ets yaa n'ita'antës ntsëënëja'antës ma ya'atë naax ma ya'atë kajpnën, jä'ä ko jam Canaán yuu jam oy jëtijtp ets ka'ap jam yë aay ujtsnë mëti'ipës yë njëyujkëty jyë'kxtëp pyëktëpën, paaty yam yë mëyajtën n'amëtow npëjktsowtës ets mijts xy'a'ixëty ntsëënëtëtyës jam ma Gosen y'itjotmën.

Juan 17:2

Jä'ä ko mijts të xymyo'oy ja kuttujkën ma tëkokyë naaxwiinyëtë ja'ayëtyën, ets tmo'oja'any ja juukyajtën tëkokyë mëti'ipë të xymye'eyën.

Proverbios 21:1

Yë jyot wyinma'any yë yajkutujkpë, jëtu'un tyu'uye'ey tä tu'uk yë mëjnëëjën, jä'ä ko Wintsën kë'ëm yajtu'uye'epy ijxtëm tsokyën.

1 Samuel 21:7

E jä'ä xëëw tam'ajtp ënety tu'uk ja Saúl ja tsyiptuunpë wintsën mëti'ipë ënety jam të wyi'imyën ma ja tsajptëjkën, Edom ja'ay jä'ä, jä'ä xyëëwajtyp Doeg, yë'ë nyiwintsën'ajtyp ja ja'ayëty mëti'ipë kyëwent'ajtëpën ja Saúl ja jyëyujk tsyajpkaa.

Éxodo 9:21

E mëti'ipë ka'ap ojts ninu'un timmyëpëktë ja aaw ayuk, jëtu'unyë t'ëxmajtstaaytyë winë ëwaatsëtuuy.

Éxodo 9:10

Tä yë Moisés mëët yë Aarón ojts tjantywyooktë ja kuyjaam ma tu'uk yë jëëntooytyaknën ets ojts tninëjkxtë ja yajkutujkpë, jamts ojts ja Moisés tyujkwëjy ja kuyjaam ets tëkokyë ja'ayëty ets jëyujkëty pyuutsë'ktaaytyë.

Génesis 47:16

Tä yë José y'ëtsoowëtë: Pën ka'ap yë wit meeny xy'ëkmëët'ajnëtë, yajmintë yë'ë mjëyujkëty ets yë'ë ntukwinkupëjkmëty yë tsajpmok.

Génesis 34:10

Yaa mtsëënëtëty, ma ëëtsëty yë nnaax nkajpnëtyën, jëtu'un tä jeexyë miitsëty xyjyä'ä'atën, tuntë ye'eytyë yaa ets juytyë këpätë mnaax mkamëty.

Génesis 20:15

ets t'ënëmaay: Ëk'ix nkajpnjotyës yaa mijts myajpaaty, win'ix yë it naaxwiinyëtë mëti'ipë mtsojkën'ajtypën ets jam mtsëënëty mjuuky'atëty.

Génesis 13:9

Ijxtëm xy'ixyën tää naaxwiinyëtë jyätyë, win'ix mëti'ipë mtsojkën'ajtyp. Tyam npëjktsoy ets xytyunëty yë mëyajtën, xy'ixta'ajëty yë mnaax mkam ets ëpëkyäty n'ijtmëty. Pën mijts mnëjkxp anëkëjxytsyow, ëjts kunak'äämpyës nëjkxëty. E pën mijts mnëjkxp kunak'äämpy, ëjts anëkëjxytsyowës nëjkxëty.

Génesis 13:10

Ënet ja Lot nyajts'ijxëy jam joyjotm ma ja Jordán mëjnëëjën ets t'ijxy ko ka'ap jam tyëkoy'äty yë nëë, tsuj jyänty kyëxë'ëky, tä tu'uk yë jë'kxykyamën mëti'ipë japën Egiptë, jampaat jyä'ty ma ja Zoar kajpnën. Jëtu'un ënety ya'atë naax kajpn yajpaaty ma ka'anëm ja Dios ja Sodomë kajpn ets Gomorra kajpn tyajkutëkoynyëmën.

Génesis 45:10

Jam mtsëënëty ma ja Gosen itjotmën, mëët tu'kë'ëyë m'u'unk m'ëna'k ets mëët yë mjëyujk mtsajpkaa ets tu'kë'ëyë mëti'ipë mëët'ajtypyën jam xyaj'itëty. Jëtu'un winkon m'itëty mëët ëjts.

Génesis 46:34

Miitsëty jä'ä xy'ënëëmëtëty, ko jëyujk këwent'ajtk tsajpkääky këwent'ajtk mtuunk'ajtëp, jëtu'un ijxtëm ja m'ap m'okëtyën. Jëtu'unts jam miitsëty mtsënaaytyaknpëktëty ma ja it naaxwiinyëtë txëëwatyën Gosen. Jä'ä ko yë Egiptë ja'ayëty ka'ap yë nyäkyutëkëtë mëët yë mëti'ipë tyuunk'ajtëpën yë kupixyny këwent'ajtk.

Génesis 47:5

Ënet yë yajkutujkpë t'ënëmaay yë José: Yë mteety ets mmëkä'äxtëjk tëë mniminyë ets y'ita'antë tu'ukmukyë mëët mijts.

1 Reyes 11:28

Yë Jeroboam amëk jotmëk ijty jyä'äy'äty ets winë aaw winëjot winë tuny; ko ja Salomón jëtu'un t'ijxy ënät ojts yë'ë tpëjktä'äky ets tnikopk'atëty ja José ja y'u'unk y'ok.

Jeremias 40:4

Ëk'ix, tyam ntukë'ëkäjtu'utëty tääpë pujxntä'äky mëti'ipë mkë'ëtsum'ajtypyën. Pën m'ënaanp mmina'any mëët ëjts jam Babilonyë, ëjts mijts nkëwent'atëp; e pën kajts mmina'any jam Babilonyë, mëpaat mwë'ëmëty. Tam xymyëëtëty tääpë itjot naaxjot: mijts ix ma xy'oy'ixy.