Génesis 47:22 - Biblia Dc en Mixe de Quetzaltepec

²² Yi'iyë tëy yë José ka'ap tjaakjuuy yë nyaaxëty yë teetytyëjkëty, jä'ä ko yë yajkutujkpë may'äämpyëty ënety tmo'oy mëti'ipë kyäytyëp y'uuktëpën; paaty yë teetytyëjkëty ka'ap ojts yë nyaax tooktë tyaktë, jä'ä ko yë'ë ënety kyääytyëp y'uktëp mëti'ipë yë yajkutujkpë mooyëtëpën.

Biblia Mixe de Quetzaltepec

²² Yi'iyë tëy yë José ka'ap tjaakjuuy yë nyaaxëty yë teetytyëjkëty, jä'ä ko yë yajkutujkpë may'äämpyëty ënäty tmo'oy mëti'ipë kyäytyëp y'uuktëpën; paaty yë teetytyëjkëty ka'ap ojts yë nyaax tooktë tyaktë, jä'ä ko yë'ë ënäty kyääytyëp y'uktëp mëti'ipë yë yajkutujkpë mooyëtëpën.

Génesis 47:22 ပူးပေါင်းရင်းမြစ်များ

Génesis 14:18

Näyjyëtu'un yë Melquisedec, mëti'ipë ënety yajkutujkpën jam Salem ets teety ma ja Wintsën Ni'ik Këjxmëpë, tä tyajpëtsëëmy yë tsajpkääky ets uuky,

Génesis 41:45

Yë yajkutujkpë ojts yë José yë xyëëw tyajtëkajtsë, jä'ä txëëwmooy Safenat-panéah, jëtu'un ijxtëm ënety jap Egiptë kyajpxtën ets tyajpëjky mëët tu'uk ja to'oxytyëjk jä'ä xyëëwajtyp Asenat, yë'ë nyëëx yë Potifera, mëti'ipë ënety tuunpën teety ma tsajptëjkën, jam ma ja kajpn txëëwatyën On. Jëtu'un'äämpy yë José ojts ja naax kajpn tmëwë'ëmy ets t'ënä'ämëty jap Egiptë.

Génesis 41:50

Ka'anëm ënety ja yuu xëëw tsyo'ontä'äkynyëm, ko yë José yë tyo'oxytyëjk, mëti'ipë xyëëwajtypyën Asenat, tyajmëxu'unk'ajty nimäjtsk yë y'u'unk myääy.

Génesis 47:21

Tä ja Egiptë ja'ayëty aakjä'ä myëtuunëtëp ja yajkutujkpë oy tyimmaanaax tyimmaakajpnëty.

Génesis 47:23

Ënet yë José t'ënëmaay ja ja'ayëty: Tyam yë'ë ënät yë yajkutujkpë jyä'ä'ajtnëp yë mnaax mkamëty, paaty të njuyes. Tyaa ënät ja mtëëmpëty mëti'ipë mni'iptëpën ma ja naax kamën.

Génesis 47:26

Jëtu'un ojts yë José tyajwë'ëmy yë ënä'ämën, ko tëkokyë yë naax kajpn kopkpëky ko tmo'otëty yë yajkutujkpë tu'kpëkyäty ma ja mëkoxkjatypyën, jënu'un ënety winë tyaj'it tyajwintëwtën ma ja nyaax kyamëtyën. Ya'atë ënä'ämën kuttujkën je'eyëm tyampaat tpatuntë yë ja'ayëty, yi'iyë yë teetyëjkëty ka'ap nitii ayajk ako'onën tyaktë, jä'ä ko yë nyaaxëty ka'ap ojts tkë'ëyaktë ma yajkutujkpën.

2 Samuel 8:18

E ja Benaías, yë myaank yë Joiadá, yë'ë ijty jam winë y'ijxpy tyuunpy ma ja Queret ja'ayëtyën ets ja peleteëja'ayëtyën mëti'ipë ja David këwent'ajtëpën. Yë David yë y'ëna'k aak teety y'ijtë.

Esdras 7:24

Mëk xyjyä'ämyätstëty ko ja'ayëty mëti'ipë tuuntëpën ma tsajptëjkën, tä yë teetyën, Leví ja'ayëty, tsajptëjk këwent'ajtpëty, tsajptëjk atënääpyëty, pätpë ja'axpëty mëti'ipë tuuntëpën ma tsajptëjkën ka'ap tjëkyepy kyëpätëty ets ka'ap tjëkyepy ni'ikyë tii n'amëto'owmëty.

Nehemías 13:10

Ojts näjyëtu'un nijawë ko ja Leví ja'ayëty ka'ap yajmo'otë ja jyi'kxy pyikyëty ijxtëm jyapaatë'atëtën, paatykyëjxm may ja Leví ja'ayëty ets ëëpë xuxpëty, ëëpë yaxpëty ojts kyäknëtë ets nyëjkxnëtë jatëkok ma ja nyaax kyajpnëtyën.

Mateo 10:10

yë'ëpaat yë jë'kxy pëky këtii nëkoo xymyënëjkxtëty mëti'ipë mëtu'uye'eytyëpën. Këtii ëpëky xymyënëjkxtëty yë mwitëty, mkë'ëkëty ets mtajkëty, jä'ä ko ja tuunpë patëp ets nitëjkëyëp oy kyäyëty y'uukëty.

1 Corintios 9:13

Mnija'awëtëp miits ja ja'ayëty wi'ix jyuuky'atën mëti'ipë tuuntëpën jap mëjtsajptëkoty, yë'ë tyukjuuky'ajtëp mëti'ipë ja ja'ay yojxtëpën ets mëti'ipë tuuntëpën ma ja wintsë'këntyaknën; tsyu'tstëp ja jëyujk tsu'utsy mëti'ipë wintsë'kën'ajtpën.

Gálatas 6:6

Ko tu'uk ja ja'ay t'ëxajëty ja ijxpëjkën ma ja oy aaw oy ayuk ni''ijxpëkën, pyutëkëp ja mëti'ipë yaj'ijxpëjkëpën ma tii tyajmëyätyën.

Deuteronomio 12:19

Ma jam myajpaatën naaxjotm kajpnjotm nijëna'a xykyaja'atyëkoytyëty yë Leví ja'ayëty.

2 Tesalonicenses 3:10

Koos n'ijtë ma miitsëtyën, ojts ntuk'ënä'ämtë: Pën ka'ap tyuna'anyën, nän ka'ap kyäyëty.

1 Timoteo 5:17

Ja mëjja'aytyëjk mëti'ipë nyikopk'ajtëpën ja mëpëjkpëtëjk, paat'ajtëtëp ja wintsë'kën ets ja putëjkën; wäänëni'ik pyaat'atëtë mëti'ipë ja Dios ja y'aaw y'ayuk kyajpxwa'kxtëpën ets yaj'ijxpëjktëpën.