Génesis 47:19 - Biblia Dc en Mixe de Quetzaltepec

¹⁹ Juuytyëkës ëëtsëty ets ja nnaax nkamëtyës ets jëtu'un ja tsajpmok mijts xymyo'otëtyës xykyäxtëtyës. Mëtuunpë ëyoopë ëëtsëty n'itëty ma yajkutujkpën ets ko naaxtuntëtyës yë'ë ënety jëtu'un yajmëëtuunp; je'eyëp ko ëëtsëty winë xymyo'otëty mëti'ipës një'kxtëp npëktëpën ets mëti'ipë yajni'ip yajtunëpën, këtiipë yë naax kam nëkoo wyintëkoyëty. ¿Wi'ix ko mijts xytyimyaj'ook xytyimyajtëkoytyëtyës tu'knax mëët yë nnaax nkamëtyës?

Biblia Mixe de Quetzaltepec

¹⁹ Juuytyëkës ëëtsëty ets ja nnaax nkamëtyës ets jëtu'un ja tsajpmok mijts xymyo'otëtyës xykyäxtëtyës. Mëtuunpë ëyoopë ëëtsëty n'itëty ma yajkutujkpën ets ko naaxtuntëtyës yë'ë ënäty jëtu'un yajmëëtuunp; je'eyëp ko ëëtsëty winë xymyo'otëty mëti'ipës një'kxtëp npëktëpën ets mëti'ipë yajni'ip yajtunëpën, këtiipë yë naax kam nëkoo wyintëkoyëty. ¿Wi'ix ko mijts xytyimyaj'ook xytyimyajtëkoytyëtyës tu'knax mëët yë nnaax nkamëtyës?

Génesis 47:19 ပူးပေါင်းရင်းမြစ်များ

Génesis 41:36

Jëtu'un ja tsajpmok pëjkë'ëky wyë'ëmtëty ma ja kajpnën, këtiipë ja ja'ay y'ooktëty tyëkoytyëty mëët ja yuu xëëw, ma ënety wëxtujk jëmëjt winë ka'ap y'ity wyintëyën mëti'ipë itaanpën Egiptë.

Génesis 47:15

Ko ënety ja meeny të y'akëjxënë jap Egiptë ets jam Canaán, ënät ja Egiptë ja'ayëty ojts ninëjkxtë ja José ets t'ënëmaaytyë: Mooytyëkës mëti'ipës nkaytyëp n'uuktëpën, ka'ap tyim'oy'ajtnëty koos mijts xytyimyajyuu'o'knëtëty, mëëtkyëjxm koos yë nwit nmeeny të kyëxtë.

Génesis 47:18

Ko ojts jajëmëjt jëtu'un y'ëknaxy, ënät ojts nyëjkxkojnëtëpë ma ja Joséjën ets t'ënëëmëja'antë: Wintsën ka'ap y'oy'atëty ko mijts mkayajtuk'ëwaanëty ja tëyajtën, ëëtsëty ka'apës yë wit meeny n'ëkmëët'ajnëtë ets njëyujkëtyës mijts yë mjä'änë. Tyam yi'iyë ëëtsëty të njaakmëwë'ëmtë yë nnaax nkamëtyës ets nkë'ëmnini'kxëtyës, ka'ap tiinë tii myajmo'ojëp.

Génesis 47:20

Ënet yë José tjuuytyääy yë naax kam jap Egiptë ets yë'ë tjä'ä'atëty yë yajkutujkpë, jä'ä ko yë Egiptë ja'ayëty ojts yë nyaax kyam to'ktaaynyëtë mëët ko ja yuu mëk tja'awëynyëtë. Jëtu'un ja nyaax kyamtëjkëty ojts jä'ä ja yajkutujkpë tkë'ë'ampëjktaaynyë.

Job 2:4

E ja tsajpjotmëtë kukäjpxy mëti'ipë ni'ë'ënëpën jëtu'un ja Wintsën t'ëtsooy: Ko ja'ay ka'ap tii jyäty kyëpetyë oy xëmë nyäjyawëty. Yë ja'ay nyajts'ijxëtyääpy oytyiijëty mëti'ipë myëët'ajtypyën, nëkoo ko kë'ëm nyäyajtso'okyë.

Lamentaciones 1:11

Jëëytyëp yaxtëp ja kunaax kukajpnëty, jë'kxy pëky y'ixtaaytyëp; tëë tyajkta'ay wyit myeeny ma jyi'kxy pyiky tjuyën këtii yuu ookëty. Ix Wintsën wi'ixës o'ktëy njaty nkëpetyën. Ix wi'ixës yë ëyo'on jotmay npaaty n'ixyën.

Lamentaciones 5:6

Koos nkääky n'uuky ntsojktë, jëyëjpës ojts yë Egiptë ja'ayëty ets Asiria ja'ayëty nmëtuntës.

Lamentaciones 5:9

Ëtsë'ëkëtuuyës yë njuukyajtën mpëjkta'aktë koos një'kxy mpëky n'ixta'atë ets tsiptuunpëtëjkëty mëti'ipë jam të'ëts'itjotm jayajpatëpën ka'ap tii tuntë.

Mateo 16:26

¿Tii ja ja'ay nyawa'anëty oy tjaniwaanta'ay tu'kë'ëyë winë yaa naaxwiiny pën yajtëkoopy ja jyuukyajtën? ¿Ëkë jënu'un ja ja'ay ja jyuukyajtën t'ëknikëpäjtu'utëty?