Génesis 47:18 - Biblia Dc en Mixe de Quetzaltepec

¹⁸ Ko ojts jajëmëjt jëtu'un y'ëknaxy, ënät ojts nyëjkxkojnëtëpë ma ja Joséjën ets t'ënëëmëja'antë: Wintsën ka'ap y'oy'atëty ko mijts mkayajtuk'ëwaanëty ja tëyajtën, ëëtsëty ka'apës yë wit meeny n'ëkmëët'ajnëtë ets njëyujkëtyës mijts yë mjä'änë. Tyam yi'iyë ëëtsëty të njaakmëwë'ëmtë yë nnaax nkamëtyës ets nkë'ëmnini'kxëtyës, ka'ap tiinë tii myajmo'ojëp.

Biblia Mixe de Quetzaltepec

¹⁸ Ko ojts jajëmëjt jëtu'un y'ëknaxy, ënät ojts nyëjkxkojnëtëpë ma ja Joséjën ets t'ënëëmëja'antë: Wintsën ka'ap y'oy'atëty ko mijts mkayajtuk'ëwaanëty ja tëyajtën, ëëtsëty ka'apës yë wit meeny n'ëkmëët'ajnëtë ets njëyujkëtyës mijts yë mjä'änë. Tyam yi'iyë ëëtsëty të njaakmëwë'ëmtë yë nnaax nkamëtyës ets nkë'ëmnini'kxëtyës, ka'ap tiinë tii myajmo'ojëp.

Génesis 47:18 ပူးပေါင်းရင်းမြစ်များ

Génesis 47:17

Ënet yë Egiptë ja'ayëty ojts tmënëjkxtë yë kyëwaayëty, kyupixynyëty, tsyajpkaajëty ets kyëruktsëty ma José ets tukwinkupëka'antë ja tsajpmok, tu'kjëmëjt ojts jëtu'un yë José tjë'kxymyo'oy yë Egiptë ja'ayëty.

Génesis 47:19

Juuytyëkës ëëtsëty ets ja nnaax nkamëtyës ets jëtu'un ja tsajpmok mijts xymyo'otëtyës xykyäxtëtyës. Mëtuunpë ëyoopë ëëtsëty n'itëty ma yajkutujkpën ets ko naaxtuntëtyës yë'ë ënety jëtu'un yajmëëtuunp; je'eyëp ko ëëtsëty winë xymyo'otëty mëti'ipës një'kxtëp npëktëpën ets mëti'ipë yajni'ip yajtunëpën, këtiipë yë naax kam nëkoo wyintëkoyëty. ¿Wi'ix ko mijts xytyimyaj'ook xytyimyajtëkoytyëtyës tu'knax mëët yë nnaax nkamëtyës?

2 Reyes 6:26

Tëkok yë yajkutujkpë jam ënety nyäxy tyëkë ma potsykyopkën, ko tu'uk yë to'oxytyëjk jap ëpa'tkë'p tyëjkëy yaxpë jojkpë: Yajkutujkpë, tun mëyajtën putëjkëkës.

Jeremias 38:9

Wintsën, mëti'ipë tääpë ja'ay të tuntën, mëjpoky yë'ë. Tääpë Jeremías yuu'ookëp ënät jap nëëjutjoty, jä'ä ko ka'ap maanë yë jë'kxy yaa kajpnjoty.