Génesis 47:12 - Biblia Dc en Mixe de Quetzaltepec

¹² Yë José yë'ë ënety kyääkymyoopy jyi'kxymyoopy yë myëku'uktëjk, ijxtëm ënety tyajmëyatën këëkjëën këëktëjk.

Biblia Mixe de Quetzaltepec

¹² Yë José yë'ë ënäty kyääkymyoopy jyi'kxymyoopy yë myëku'uktëjk, ijxtëm ënäty tyajmëyatën këëkjëën këëktëjk.

Génesis 47:12 ပူးပေါင်းရင်းမြစ်များ

Génesis 45:10

Jam mtsëënëty ma ja Gosen itjotmën, mëët tu'kë'ëyë m'u'unk m'ëna'k ets mëët yë mjëyujk mtsajpkaa ets tu'kë'ëyë mëti'ipë mëët'ajtypyën jam xyaj'itëty. Jëtu'un winkon m'itëty mëët ëjts.

Génesis 45:11

Yaa mijts yë jë'kxy pëky nmo'oja'any mëët tu'kë'ëyë m'u'unk m'ëna'k ets tu'kë'ëyë mëti'ipë jam mijts mëët m'ityën. Jä'ä ko jaak'itaamnëm yë yuu xëëw ja mëkoxk jëmëjt.

Génesis 45:7

E Dios yë'ëtsës jëwyiin të xykyexy, këtiipë ja mtikts m'aats kyutëkoytyëty naaxwiiny ets nyajtso'okëtyës mëj winma'any këjääwinma'any ja mjuukyajtënëty.

Génesis 47:1

Ënet ja José ojts ninëjkxy ja yajkutujkpë. Jëtu'un t'ënëmaay ko tëë ja tyeety jyä'ty ets ja y'äjtytyëjk, ko tëë tsyo'onëtë jam Canaán ets tam ënety të jya'të Gosen mëët ja jyëyujk tsyajpkaajëty ets tu'kë'ëyë jënu'un winë tmëët'atyën.

Génesis 47:21

Tä ja Egiptë ja'ayëty aakjä'ä myëtuunëtëp ja yajkutujkpë oy tyimmaanaax tyimmaakajpnëty.

Génesis 47:24

Mëti'ipë tëy mtuntëp, tu'kpëkyjyäty nëjkx xypyupëktëty ma ja mëkoxkjatypyën ets yë'ë ja yajkutujkpë xymyo'otëty, e ja taxkpëkpyë ënety wyi'imyën yë'ë ja mëti'ipë mni'iptëpën ets mëti'ipë mjë'kxtëpën mpëktëpën mëët yë m'u'unk m'ëna'këty ets tu'kë'ëyë jënu'un y'itën ma mjëën mtëjkëtyën.

Génesis 50:21

Paaty miitsëty këtii mtsë'ëkëtëty. Ëjts yam miitsëty nmo'ojantëp mëti'ipë mkaytyëp m'uuktëpën ets mëti'ipë jyë'kxtëp pyëjktëpën näjyëtu'un yë m'u'unk m'ëna'këty. Jëtu'un ojts jatëkok yë José yë myëku'uktëjk tyajjotkujkë, ko ojts tmëëtmëtyä'äky mëët yë oy'aaw oy'ayuk.

Éxodo 20:12

Mwinkutsë'ëkëp yë mteety mtaak ets jëtu'un jeky mjuuky'atëty yaa naaxwiiny naaxkëjxy, ja juukyajtën mëti'ipë yë mWintsën Dios mmooyëpën.

Isaías 22:24

Jam nëjkx ja'ay may oyajtën tpaaty ma yë'ëjën.

1 Tesalonicenses 2:7

Mëët koos ja Kristë y'aaw y'ayuk xytyukkajpxwa'xtë, jyajjëkyejpy eets jeexyë miits n'ënä'ämtë nyajkutuktë. Ka'apës jëtu'un të ntuntë, ni'ikyës të näpyëjkta'akëtë pi'k ëna'kën: Yujyës ni'ikyë të mnäpyëjkta'akëtë ma miitsëtyën ijxtëm ja u'unktaak ja y'u'unk y'ëna'k tkëwent'atyën.

1 Timoteo 4:8

Oy ja ni'kx kopk tjatuk'oy'äty ko näwyo'on näpyojtëmëty, ja pa'ëyo'ow najts'ëyo'owën ni'ik tyuny oymyaajëty, jä'ä ko yë'ë nyimëtyäkpy yë juukyajtën tyampë ets mëti'ipë miimp wiinkoonpën.

1 Timoteo 5:4

E pën jam ja ku'ooky tyo'oxytyëjk ja y'u'unk y'ëna'k ëkë y'ok u'unk y'ok'ëna'k; yë'ë patëtëp tputëkëtëty ja tyaak ëkë ja nyanwelë, jä'ä ko yë'ë të yajyääk të yajpätëtë ma teety taak të txëëwatën. Jëtu'un ja Dios tukjotkëtä'äky.

1 Timoteo 5:8

Pën ka'ap nyämyëmay nyämyëtajyë ets ka'ap ja jyiiky myëku'uk tmëmay tmëtajy, ka'ap jëtu'unpë ja ja'ay myëpëky ets o'ktëy ni'ik y'ëti'itsy këtiinëm ja mëti'ipë ka'ap myëpëktën.

Rut 4:15

Yë'ë nëjkx myajjotkujktä'äkyë ets mwinwitsëtëty ko ënety mëj ja'ayënë mëët jä'äkyëjxm ko yë'ë t'u'unk'aty yë mxäkxy Noemi, mëti'ipë mëk mtsojkëpën mja'awëyëpën, mëti'ipë jëtu'un mëët'ajtypyën tä jeexyë niwëxtujk yë u'unk maay xymyëëtëtyën.