Génesis 46:5 - Biblia Dc en Mixe de Quetzaltepec

⁵ Tä yë Jacob ojts tsyo'onë jam Beerseba ets ja y'u'unk y'ëna'këty y'u'unk tyo'oxytyëjkëty ojts pyäjtnëtë ma ja keypywyintëkäämpën, mëti'ipë ënety ja yajkutujkpë të tkexyën.

Biblia Mixe de Quetzaltepec

⁵ Tä yë Jacob ojts tsyo'onë jam Beerseba ets ja y'u'unk y'ëna'këty y'u'unk tyo'oxytyëjkëty ojts pyäjtnëtë ma ja keypywyintëkäämpën, mëti'ipë ënäty ja yajkutujkpë të tkexyën.

Génesis 46:5 ပူးပေါင်းရင်းမြစ်များ

Génesis 21:14

Komjëpom, ënät yë Abraham tni''ijxëy yë tsajpkääky ets ka'ayën ukën ets tukë'ëtëjkëy yë Agar ets nyëjkxnëty ets näjyëtu'un tmooy yë y'u'unk Ismael, ënät ojts tsyo'onë yë Agar jam ma Abraham yë tyëjkën, ni yë'ë tkanijawë mëti'ipë tu'u nyijkxyp jam ma ja të'ëts'itjot txëëwatyën Beerseba.

Génesis 45:19

Ënä'äm yë mtuunpëtëjk ets yaa tyimtsoontëty ets wä'än tmënëjkxtë yë jëyujkëty ets kepy wintëkäämpë jam Canaán ets ja mteety myintëty mëët ja y'u'unk y'ëna'k y'u'unk tyo'oxytyëjkëty,

Génesis 45:21

Yë Israel yë y'u'unk y'ëna'këty jëtu'un ojts tjantytyuntë, ojts myo'ojëtë yë José yë kepy wintëkäämpë, mëti'ipë ënety yë yajkutujkpë të tni'ënä'ämën ets näjyëtu'un yë jë'kxy pëky, mëti'ipë myëtu'uye'eytyëpën.

Génesis 45:27

E ko yajtukmëmëtyaktaay tu'kë'ëyë ijxtëm ënety ja José të y'ënä'änyën ets ko t'ijxy ja kepy wintëkäämpë nikanaak mëti'ipë ënety ja José të tkexyën, ënät yajxon jyänty xyoontäky.

Éxodo 10:24

Tä ja yajkutujkpë ojts tmëkäjpxy ja Moisés ets t'ënëmaay: Nëjkx ëwtatë yë mWintsënëty, mënëjkxtë näjyëtu'un yë m'u'unk m'ëna'këty; e yë'ë tëy yë mjëyujk mtsajpkaajëty, mtsajppax mkupixynyëty yaa xyajwë'ëmtëty.

Éxodo 10:26

E yë njëyujk ntsajpkaajëtyës, nyajnëjkxta'ajantëpës yë'ëjëty. Nitu'uk mëpaat yaa kyawë'ëmy ëjts yë njëyujk ntsajpkaajëty, jä'ä ko nwin'ixantëp ëëtsëty mëti'ipë mëpaat yë Wintsën yajtukwintsë'ëkën. Tyam maas ka'ap jam nja'tënëm ka'apës nijawëtë tiijaty mëyataanp.

Hechos 7:15

Jëtu'un ja Jacob ojts nyëjkxtë Egiptë mëët ja myëku'uktëjk. Jamts y'o'ky ja nteety'ajt n'ap'ajtëmë.

1 Samuel 12:8

Ko yë Jacob ojts mëët yë y'u'unk y'ëna'k jap nyëjkxtë Egiptë ets ëxëëk tyuunëtë yë Egiptë ja'ayëty, ja m'ap m'okëty ka'ap tmëmëta'akantën ja nätsyäätyunë. Paaty ojts ja Wintsën tmëkajpxtë ets tkejxy ja Moisés ets ja Aarón mëti'ipë yajpëtsëëmtën jap Egiptë ja m'ap m'okëty ets yaa tyajmiiny ma tyam yaa mtsëënëtën.