Génesis 46:34 - Biblia Dc en Mixe de Quetzaltepec

³⁴ Miitsëty jä'ä xy'ënëëmëtëty, ko jëyujk këwent'ajtk tsajpkääky këwent'ajtk mtuunk'ajtëp, jëtu'un ijxtëm ja m'ap m'okëtyën. Jëtu'unts jam miitsëty mtsënaaytyaknpëktëty ma ja it naaxwiinyëtë txëëwatyën Gosen. Jä'ä ko yë Egiptë ja'ayëty ka'ap yë nyäkyutëkëtë mëët yë mëti'ipë tyuunk'ajtëpën yë kupixyny këwent'ajtk.

Biblia Mixe de Quetzaltepec

³⁴ Miitsëty jä'ä xy'ënëëmëtëty, ko jëyujk këwent'ajtk tsajpkääky këwent'ajtk mtuunk'ajtëp, jëtu'un ijxtëm ja m'ap m'okëtyën. Jëtu'unts jam miitsëty mtsënaaytyaknpëktëty ma ja it naaxwiinyëtë txëëwatyën Gosen. Jä'ä ko yë Egiptë ja'ayëty ka'ap yë nyäkyutëkëtë mëët yë mëti'ipë tyuunk'ajtëpën yë kupixyny këwent'ajtk.

Génesis 46:34 ပူးပေါင်းရင်းမြစ်များ

Génesis 13:7

Jä'ä ko mëti'ipë ënety jëyujkëwent'ajtpën tsajpkääky kyëwent'ajtëpën ma ja Abramën, xëmë nyäy'ojtëtë mëët ja mëti'ipë jëyujkëwent'ajtp tsajpkääky kyëwent'ajtëpën ma ja Lotën. E yë Canaán ja'ayëty ets Ferez ja'ayëty tam ënety näjyëtu'unëty.

Génesis 13:8

Paaty ojts tu'kxëëw tu'kjëmëjt Abram yë tsyojkmaank Lot t'ënëëmë: Mijts ets ëjts tu'kmëku'uk'ajtëm ëtsajtëm. Paaty ka'ap y'oyëty ko nämyëjëën'ajt nämyëtsip'ajtëmëty. Yë ntuunpë'ajtëm ka'ap mëpaat nyämyëjëën'at nyamyëtsip'atëtë.

Génesis 26:20

E ko ja ja'ayëty t'ijxtë jëtu'un, mëti'ipë kupixyny këwent'ajtëpën ma ja Guerar joyjotmën. Ënet tyëjkëtyë tsiptuunpë mëët ja Isaac ja tyuunpëtëjk. Jä'ä ko tyaa ënety y'ëna'antë, ko ja nëëjut yë'ë jyä'äjëty. Paatykyëjxm ja Isaac ojts ja xyëëw tpëjktäky Tsiptu'unën. Jä'ä ko ënety të tyajtsipta'aktë.

Génesis 30:35

E yë Labán ojts yë wyinma'any tyajwijy, paaty tjëwojptaay ja kyupixyny mëti'ipë ënety jaamëtyën ets moxkeetsyëtyën ets tu'kë'ëyë ja tsajppax mëti'ipë yëkëtyën, tääts tmooytyääy ja myaank.

Génesis 34:5

Yë Jacob ojts tnijawë ko yë Siquem ënety yë Dina të tuk'atsip'aty ets myëëtko'knëtëty, e ja y'u'unk y'ëna'këty jam ënety jyëtitë kamjotm tu'ujotm mëët ja jyëyujkëty, paaty ja Jacob ojts ka'ap tii tnakäjpxynyëm koonëm ja y'u'unk y'ëna'k jyajtë.

Génesis 37:12

Tu'kxëëw tu'kjëmëjt yë José yë myëkä'äxtëjk ojts nyëjkxtë jam ma ja it naaxwiinyëtë txëëwatyën Siquem, yë'ë ojts ninëjkxtë jam yë jëyujk jë'kxy mëti'ipë ja tyeety jyä'ä'ajtypyën.

Génesis 37:2

Yaa yajnimëtyä'äky yë Jacob yë jyuukyajtën ets y'u'unk y'ëna'k. Ko ënety yë José majkmokx mäjtsk yë jyëmëjnë, tu'ukyë ijty mëët yë y'äjtyëjk kyupixyny këwent'atë. Yë y'u'unk y'ëna'k yë Bilhá ets Zilpá, yë tyeety yë y'atsoky tyo'oxytyëjk. Yë José yë'ë ënety tyuk'ëwa'anëtyääpy ja tyeety ko ja y'äjtytyëjkëty ëxëëk winë tuntë.

Génesis 43:32

Ja José ëpëky ojts ja kyä'äyën y'ukën yajni''ixë, e ja Jacob ja y'u'unk y'ëna'k nän ëpëky, ja Egiptë ja'ayëty, mëti'ipë ënety mëët kyäytyën ja José, nän ëpëky ja jyä'äjëty yajni''ijxëtyë. Jä'ä ko yë Egiptë ja'ayëty ka'ap ënety tyajkutuktë kyääymyuk y'ukmuktëty mëët yë hebreo ja'ayëty.

Génesis 45:10

Jam mtsëënëty ma ja Gosen itjotmën, mëët tu'kë'ëyë m'u'unk m'ëna'k ets mëët yë mjëyujk mtsajpkaa ets tu'kë'ëyë mëti'ipë mëët'ajtypyën jam xyaj'itëty. Jëtu'un winkon m'itëty mëët ëjts.

Génesis 45:18

ets xytyuknimintëtyës ja mteety mëët ja y'u'unk y'ëna'k y'u'unk y'ok ets ja y'u'unk tyo'oxytyëjkëty. Ëjts nmo'ojëp yë nyaax kyam yaa Egiptë ets jyi'kxëty pyikyëty oyëtypë, mëti'ipë yaa yajpatp yaj'ijxpën ma ya'atë naax kajpnën.

Génesis 46:32

ets ko tëë tmëmiinta'atë yë jyëyujk tsyajpkaajëty, kyupixynyëty ets tu'kë'ëyë jënu'un winë tmëët'atën, jä'ä ko yë'ë tyuunk'ajtëp yë jëyujk këwent'ajtk.

Génesis 47:11

Jëtu'un'äämpy yë José tmooy yë it naaxwiinyëtë oyëtypë yë tyeety ets myëkä'äxtëjk mëti'ipë Egiptë jyä'ä'ajtypyën, ma tsyëënëtëtyën. Jëtu'un ijxtëm ënety ja yajkutujkpë të tni'ënä'ämën. Jëtu'un yë tyeety ets myëkä'äxtëjk ojts nyaaxpaatë jam ma ja it naaxwiinyëtë txëëwatyën Ramsés.

Génesis 47:3

Ënet ja yajkutujkpë tyajtëëy ja José ja myëkä'äxtëjk: ¿Tii miitsëty mtuunk'ajtëp? Tää yë'ëjëty y'ëtsoowtë: Wintsën ëëtsëty kupixyny këwent'ajtk ntuunk'ajtëpës, näjyëtu'un ijxtëm ëjts ja n'ap n'okëtyën.

Génesis 47:4

Të nmintë ëëts yaajëty ets yaa n'ita'antës ntsëënëja'antës ma ya'atë naax ma ya'atë kajpnën, jä'ä ko jam Canaán yuu jam oy jëtijtp ets ka'ap jam yë aay ujtsnë mëti'ipës yë njëyujkëty jyë'kxtëp pyëktëpën, paaty yam yë mëyajtën n'amëtow npëjktsowtës ets mijts xy'a'ixëty ntsëënëtëtyës jam ma Gosen y'itjotmën.

Génesis 47:6

Yë naaxwiinyëtë mëti'ipë Egiptë jyä'ä'ajtypyën yë'ë näjyëtu'un jyä'ä'ajtëp, paaty mijts mo'o yë it naaxwiinyëtë jam Gosen, tampë it naaxwiinyëtë yë'ëjën wäänë oy mëti'ipë naax kajpn jyä'ä'ajtypyën, jamts tsyëënëtëty jyuuky'atëty. Ets pën mnija'ap ko yë mmëkä'äxtëjk oy tkëwent'atë yë jëyujk, tukëwent'atë yë njëyujk ntsajpkaajës.

Éxodo 8:22

Ko jëtu'un tyunëtëty jyatëtëty, ka'ap jam Gosen nëjkx jëtu'unpë yaj'ixy, maas yë nnaax nkajpn yajpaatyën. Jam nitu'uk yë aktsa'ak kya'ita'any, jëtu'un'äämpy xynyijawëty ko ëjts mëti'ipë Wintsën'ajtpën, ëjts jam yajpatp ma tääpë kajpnën.

Éxodo 8:26

Ënet ja Moisés y'ëtsooy: Ka'ap yowë y'oy'atëty jëtu'un, jä'ä ko yë jëyujkëty mëti'ipës yë Dios ntukwintsë'këtyëpën, yë Egiptë ja'ayëty wa'ats yë tyajnaxtë, ko jëtu'un t'ixtëty ëëts ja nTios ntukwintsë'ëkëtë ja jëyujk mëti'ipë yë'ëjëty kënu'kxy yajnajxtëpën, tsojkës xyaj'ooktëty.