Génesis 46:32 - Biblia Dc en Mixe de Quetzaltepec

³² ets ko tëë tmëmiinta'atë yë jyëyujk tsyajpkaajëty, kyupixynyëty ets tu'kë'ëyë jënu'un winë tmëët'atën, jä'ä ko yë'ë tyuunk'ajtëp yë jëyujk këwent'ajtk.

Biblia Mixe de Quetzaltepec

³² ets ko tëë tmëmiinta'atë yë jyëyujk tsyajpkaajëty, kyupixynyëty ets tu'kë'ëyë jënu'un winë tmëët'atën, jä'ä ko yë'ë tyuunk'ajtëp yë jëyujk këwent'ajtk.

Génesis 46:32 ပူးပေါင်းရင်းမြစ်များ

Génesis 47:3

Ënet ja yajkutujkpë tyajtëëy ja José ja myëkä'äxtëjk: ¿Tii miitsëty mtuunk'ajtëp? Tää yë'ëjëty y'ëtsoowtë: Wintsën ëëtsëty kupixyny këwent'ajtk ntuunk'ajtëpës, näjyëtu'un ijxtëm ëjts ja n'ap n'okëtyën.

Zacarías 13:5

ni'ikyënëm nëjkx y'ëna'antë: Ëjts ka'apës nkäjpxynyajxpëty, naaxtuunpë ja'ayës ëjts. Mutsknëmës mpatso'ontä'äky yë naax tuunk.

Isaías 40:11

Jëtu'un myiny tä tu'uk ja'ayën mëti'ipë y'ijx'ijtyp kyëwent'ajtypyën yë kyupixyny, tsyä'änë'kpy yë kyupixyny u'unk; tääts tmu'uxy kyätykyijxy, ëtyä'äkyë'äämpy tyajnëjkxy ja mëti'ipë tim mëxu'unkën.

1 Reyes 9:27

Hiram ojts tyuunpëtëjk tkexy jap kepy nyëëwinyo'opyëjoty, jä'ä kyäjx ja ja'ayëty mëti'ipë nëë'ixyëtyën ets tyukjajtëpën wi'ix ja kepy nëëwinye'epyë tyajjëtitëtyën nëëjoty, tu'ukyë mëët ja Salomón ja tyuunpëtëjk,

1 Samuel 17:15

je'eyë nëjkx jam kyääky yäky ma ja Saúl ja ja'ajtakn jam tmëët'atën mëët ja tsyiptuunpëtëjk. Ja David ënätyë ijty wyimpijtkojnë jam Belén ets ja tyeety ja tsyajppax ets ja kyupixyny tkëwent'ajtë.

Éxodo 3:1

Yë Moisés yë'ë ënety kyëwent'ajtëp ja myë't Jetro kyupixyny, mëti'ipë jam teety'ajtpën Madián, e tëkok ojts jam twojpnëjkxy ma të'ëts'it të'ëtsnaaxën, jam tyimja'ajty ma tu'uk ja mëj kopkën, mëti'ipë ja Dios jyä'ä'ajtypyën, jä'ä txëëwaty Horeb.

Génesis 46:34

Miitsëty jä'ä xy'ënëëmëtëty, ko jëyujk këwent'ajtk tsajpkääky këwent'ajtk mtuunk'ajtëp, jëtu'un ijxtëm ja m'ap m'okëtyën. Jëtu'unts jam miitsëty mtsënaaytyaknpëktëty ma ja it naaxwiinyëtë txëëwatyën Gosen. Jä'ä ko yë Egiptë ja'ayëty ka'ap yë nyäkyutëkëtë mëët yë mëti'ipë tyuunk'ajtëpën yë kupixyny këwent'ajtk.

Génesis 45:10

Jam mtsëënëty ma ja Gosen itjotmën, mëët tu'kë'ëyë m'u'unk m'ëna'k ets mëët yë mjëyujk mtsajpkaa ets tu'kë'ëyë mëti'ipë mëët'ajtypyën jam xyaj'itëty. Jëtu'un winkon m'itëty mëët ëjts.

Génesis 37:2

Yaa yajnimëtyä'äky yë Jacob yë jyuukyajtën ets y'u'unk y'ëna'k. Ko ënety yë José majkmokx mäjtsk yë jyëmëjnë, tu'ukyë ijty mëët yë y'äjtyëjk kyupixyny këwent'atë. Yë y'u'unk y'ëna'k yë Bilhá ets Zilpá, yë tyeety yë y'atsoky tyo'oxytyëjk. Yë José yë'ë ënety tyuk'ëwa'anëtyääpy ja tyeety ko ja y'äjtytyëjkëty ëxëëk winë tuntë.

Génesis 9:20

Yë Noé naaxtuunpë ja'ay ijty, yë'ë ojts ëka'any tpeny tkojy ja ujtstëëm mëti'ipë yajtijpën tsatsymtsya'am.

Génesis 4:2

Ënet ojts ok näjyëtu'un tyajmëxu'unk'aty ja mëti'ipë tyijtën Abel, ja Caín ja y'uty. Yë Abel yë'ë ijty tyuunkajtyp yë kupixyny këwent'ajtk, e yë Caín naaxtuump ijty.

1 Samuel 16:11

Ko t'ijxtaay, tääts tyajtëëy: ¿Ti këtii jam wiinkpë maankë? Tëkoy'ajtp tu'uk, tam ja tsajppax tkëwent'aty. Jëtu'un y'ëtsooy yë Jesé. Tä ja Samuel y'ënäny: Nëjkx yajtsoontë, jä'ä ko pën tëkoy'ajtp tu'uk ka'ap tjëkyepy nyajtso'ontakmëty ya'atë tu'unën kajpxën.

Génesis 46:31

Ënet ja José t'ënëmaay ja myëkä'äxtëjk ets ja tyeety ja jyä'äy: Nëjkxës n'ëk'ixy yë yajkutujkpë etsës nmo'oja'any yë nija'awën, n'ënëëmëja'anyës ko tëëjës yë nmëkä'äxtëjk jya'të etsës yë nteety yë jyä'äy jënu'un ënety jam y'itën Canaán ets yaa y'ita'antë mëët ëjts;

Génesis 46:33

Paaty ko yë yajkutujkpë mëkajpxëtëty ets myajtëwëtëty: ¿Tiituunk miitsëty mtuunk'ajtëp?