Génesis 46:28 - Biblia Dc en Mixe de Quetzaltepec

²⁸ Ka'anëm ënety yë Jacob jya'të Egiptë, ko tkejxy jëyëjp yë Judá ets nëjkx ja José t'ixy ets nyiminëtëty jyëjpye'eyë'ëkëtëty jam ma ja it naaxwiinyëtë txëëwatyën Gosen. Ko jyajtë jam Gosen,

Biblia Mixe de Quetzaltepec

²⁸ Ka'anëm ënäty yë Jacob jya'të Egiptë, ko tkejxy jëyëjp yë Judá ets nëjkx ja José t'ixy ets nyiminëtëty jyëjpye'eyë'ëkëtëty jam ma ja it naaxwiinyëtë txëëwatyën Gosen. Ko jyajtë jam Gosen,

Génesis 46:28 ပူးပေါင်းရင်းမြစ်များ

Génesis 45:10

Jam mtsëënëty ma ja Gosen itjotmën, mëët tu'kë'ëyë m'u'unk m'ëna'k ets mëët yë mjëyujk mtsajpkaa ets tu'kë'ëyë mëti'ipë mëët'ajtypyën jam xyaj'itëty. Jëtu'un winkon m'itëty mëët ëjts.

Génesis 49:8

Mijts Judá mtukxoonta'akanëp yë mjëëky mëku'uk, jëtu'unyë mmëtsip xyo'kmëmatsëja'any. Yë mjëëky mmëku'uk yë'ë kë'ëm mwinkoxtänëtëp ets mwinkutsë'ëkëtëty.

Génesis 46:34

Miitsëty jä'ä xy'ënëëmëtëty, ko jëyujk këwent'ajtk tsajpkääky këwent'ajtk mtuunk'ajtëp, jëtu'un ijxtëm ja m'ap m'okëtyën. Jëtu'unts jam miitsëty mtsënaaytyaknpëktëty ma ja it naaxwiinyëtë txëëwatyën Gosen. Jä'ä ko yë Egiptë ja'ayëty ka'ap yë nyäkyutëkëtë mëët yë mëti'ipë tyuunk'ajtëpën yë kupixyny këwent'ajtk.

Génesis 43:8

Tää yë Judá t'ënëmaay yë tyeety Israel: Pën juuky'ata'anëm, ëxmats yë m'u'unk wä'änës mëët nëjkxtë, ëjts nkëwent'atëp ets tyämyës nëjkxtëty. Jëtu'un ka'ap nyuu'o'kmëty ni mijts ets ni ëëtsëty ets ni yë'ë n'u'unk'ajt n'ëna'k'ajtëmë.

Génesis 31:21

Ojts tmëkäkta'ay tu'kë'ëyë jënu'un ënety tmëët'atyën, poj'am tuknajxtë ja Éufrates mëjnëë ets tuktëjkëtyë ja Galaad kopkjotm.

Génesis 47:1

Ënet ja José ojts ninëjkxy ja yajkutujkpë. Jëtu'un t'ënëmaay ko tëë ja tyeety jyä'ty ets ja y'äjtytyëjk, ko tëë tsyo'onëtë jam Canaán ets tam ënety të jya'të Gosen mëët ja jyëyujk tsyajpkaajëty ets tu'kë'ëyë jënu'un winë tmëët'atyën.