Génesis 45:7 - Biblia Dc en Mixe de Quetzaltepec

⁷ E Dios yë'ëtsës jëwyiin të xykyexy, këtiipë ja mtikts m'aats kyutëkoytyëty naaxwiiny ets nyajtso'okëtyës mëj winma'any këjääwinma'any ja mjuukyajtënëty.

Biblia Mixe de Quetzaltepec

⁷ E Tios yë'ëtsës jëwyiin të xykyexy, këtiipë ja mtikts m'aats kyutëkoytyëty naaxwiiny ets nyajtso'okëtyës mëj winma'any këjääwinma'any ja mjuukyajtënëty.

Génesis 45:7 ပူးပေါင်းရင်းမြစ်များ

Génesis 45:5

Tuntë mëyajtën këtii ëxëëk mnäyjyawëtë ets këtii mnätyukjoot'anpëkëtëty aak miitsëty koos xytyo'ktë. Jä'ä ko Dios jëtu'unës ojts xykyexyës jëyëjp, këtiipë mijts yë mjuukyajtën tyëkoytyëty.

Génesis 47:12

Yë José yë'ë ënety kyääkymyoopy jyi'kxymyoopy yë myëku'uktëjk, ijxtëm ënety tyajmëyatën këëkjëën këëktëjk.

Génesis 50:20

Miitsëty jëtu'un ojts mjamay mjatajtë ets nyätyijyë ëxëëk xytyuna'antës e yë Dios yë'ë të tyajtëkatsy yë ëxëëkpë mëët yë oypyë ets ntunëtyës mëti'ipë tyam m'ijxtëpën mkoowtëpën: ets jëtu'un tsyo'okëty may yë ja'ay yë jyuukyajtën.

1 Crónicas 11:14

e ko yë Eleazar jëtu'un t'ijxy, atu'uk twinkuwa'këy ja filistejë ja'ayëty jam kam'itkujkm, tääts yë'ë myëtäky, ja filistejë ja'ayëty ojts kyäkta'atë. Jëtu'un'äämpy ja Wintsën tyajmëtäky ja Israel ja'ayëty.

Salmos 18:50

Yajmëta'ak tsipjoty ja m'ënä'ämpë mëti'ipë kë'ëm të xywyin'ixyën; mëët'at xëmë yë David ets y'u'unk y'ok mëët yë tsojkën ja'awën.

Salmos 44:4

Mijts, mëti'ipës nmëj ënä'ämpë'ajtypyën, mëti'ipës nTios'ajtypyën, Mijts të xyajmëtä'äky yë mnaax mkajpn;

Hechos 7:35

Oy ënety ja Moisés të yajnëëmë: ¿Pën të mpëjktä'äkyë yajkutujkpë ets paye'epyë?, Dios yë'ë ojts kyexyë yaj'ëwaatsëpëtsëëmpë ets tu'uwinwoopë ko myëkajpxë ja tsajpjotmëtë kukäjpxy ma ja kepy ënety wyintooypyetyën.

Jueces 15:18

E yë Sansón yajxon ënety tsyëtsënë, ënät ojts tmëkäjpxy yë Wintsën ets t'ënëmaay: ¿Wintsën wi'ixpëmës nja'awëkyëtä'äky koos mijts të xyajmëtä'äky maas të ntsippaatyën, e ka'ap yowë tyim'oy'ajnë etsës ënät mijts tyam xyaj'ookëty mëët yë nëëtëëtsë ma ya'atë ëxëëkja'ayëtyën yë kyë'ë y'aawëtyën ka'apë m'ëwtatyën?