Génesis 45:6 - Biblia Dc en Mixe de Quetzaltepec

⁶ Mëmäjtsk jëmëjt tyam y'ity yë yuu ma naax kajpnën ets ja mëkoxk jëmëjt jyaak ita'any ma ka'ap tii y'ita'any wyintëwa'anyën, oy yë naax kam jyayajni'ip jyayajtunëty.

Biblia Mixe de Quetzaltepec

⁶ Mëmäjtsk jëmëjt tyam y'ity yë yuu ma naax kajpnën ets ja mëkoxk jëmëjt jyaak ita'any ma ka'ap tii y'ita'any wyintëwa'anyën, oy yë naax kam jyayajni'ip jyayajtunëty.

Génesis 45:6 ပူးပေါင်းရင်းမြစ်များ

Génesis 37:2

Yaa yajnimëtyä'äky yë Jacob yë jyuukyajtën ets y'u'unk y'ëna'k. Ko ënety yë José majkmokx mäjtsk yë jyëmëjnë, tu'ukyë ijty mëët yë y'äjtyëjk kyupixyny këwent'atë. Yë y'u'unk y'ëna'k yë Bilhá ets Zilpá, yë tyeety yë y'atsoky tyo'oxytyëjk. Yë José yë'ë ënety tyuk'ëwa'anëtyääpy ja tyeety ko ja y'äjtytyëjkëty ëxëëk winë tuntë.

Génesis 41:35

Ets tyajtu'ukmujkta'ajëty yë tsajpmok ma ya'atë jëmëjt myinyën kyëtä'äkyën, ma winë y'ita'any wyintëwa'anyën ets tpëjkta'aktëty ma tu'uk yë ijtaknën, e yë nwintsënës yë'ë kyë'ë'am'atëp, jam tpëjkë'ëktëty ma naax kajpnën, mëti'ipë ja'ayëty nätyuk'ix nätyukmëyatëtëpën ets mëti'ipë jyë'kxtëp pyëktëpën.

Génesis 41:46

I'px majk ënety yë José yë jyëmëjt ko ojts yajmënëjkxy ma yajkutujkpën, mëti'ipë ënety ënä'ämpë'ajtpën jap Egiptë. Ënet yë José nyäy'ëxmajtsë mëët yë yajkutujkpë ets tyëjkëy jëtijtpë maajaty ja kajpnën. T'aye'ey t'anaxy maajaty ja naax kajpnë mëti'ipë Egiptë nyitënääpyën.

Génesis 41:53

Jëtu'un nyäjxy ja xëëw jëmëjt, ja wëxtujk jëmëjtpë ma y'ijty wyintëëyën winë jap Egiptë.

Génesis 41:54

Ënet ojts tsyo'ontä'äky ja yuu xëëw mëti'ipë ënety wëxtujk jëmëjt itaanpën, jëtu'un tä ënety ja José të t'akäjpxyën. Ojts yë yuu y'ity ma tu'kë'ëyë naax kajpnën, jäpyë yuu ka'ap y'ijty Egiptë; ma Egiptë kajpnën jap'ajtp ënety yë jë'kxy pëky may.

Génesis 41:56

Ko ojts ja yuu xëëw jyä'ty maajaty ja naax kajpnën, ënät ja José tyajku'ëwatstaay ja tsajpmok ma ënety pëjkë'ëky tyaj'ityën ets tooka'any ma ja Egiptë ja'ayëtyën, jä'ä ko ja yuu xëëw ni'ikyë myëjë kyëjääjënyë.

Génesis 47:18

Ko ojts jajëmëjt jëtu'un y'ëknaxy, ënät ojts nyëjkxkojnëtëpë ma ja Joséjën ets t'ënëëmëja'antë: Wintsën ka'ap y'oy'atëty ko mijts mkayajtuk'ëwaanëty ja tëyajtën, ëëtsëty ka'apës yë wit meeny n'ëkmëët'ajnëtë ets njëyujkëtyës mijts yë mjä'änë. Tyam yi'iyë ëëtsëty të njaakmëwë'ëmtë yë nnaax nkamëtyës ets nkë'ëmnini'kxëtyës, ka'ap tiinë tii myajmo'ojëp.

Génesis 47:23

Ënet yë José t'ënëmaay ja ja'ayëty: Tyam yë'ë ënät yë yajkutujkpë jyä'ä'ajtnëp yë mnaax mkamëty, paaty të njuyes. Tyaa ënät ja mtëëmpëty mëti'ipë mni'iptëpën ma ja naax kamën.

Éxodo 34:21

Tëtujkxëëw mtuntëty mye'eytyëty, e ko wyëxtujkxëëwpätëty mpo'kxnëtëp jää, oy jyääjëty ma ënety tnixëëw'atyën ja nipën kojën, ëkë ma yajpëjkë'ëky yajtuunë'ëkyën ja pëjktä'äky.

Isaías 30:24

Yë'ëpaat ja mjëyujk mtsajpkaa nëjkx jyë'kxtë pyëktë ku'uxyë ets nëjkx xyajtuny akujk jotkujk ma mkam mtu'ujën.

Deuteronomio 21:4

ets tyajnëjkxtëty ma tu'uk yë nëëwokën, mëti'ipë nëëmëëtën ets ka'ap jam pën nyi'ipy kyojy, jam tyaj'ooktëty ja tsajpkaa, jëtu'unyë nëjkx tyo'ktëjtë.

1 Samuel 8:12

Pënëty nëjkx tpëjktä'äky ets tniwintsën'atëty nitu'kmil ja tsiptuunpë ets mëti'ipë nëjkx tniwintsën'atëty niwëxtyikxymyajk je'eyë. Nëjkxëp näjyëtu'un tpëjktä'äky mëti'ipë ja kyam tyu'u pëjktakxëtëpën ets mëti'ipë nëjkx ja pëjktä'äky tyajpëtë'ëktën; ëpëky nëjkx tpëjktä'äky pën yaj'oyëtëpën ja ti'px, ja ku'umën, ja yenypyujxn ets ja pujxnwintëkäämpë mëti'ipë myëtsiptuuntëpën.