Génesis 43:1 - Biblia Dc en Mixe de Quetzaltepec

¹ Ja yuu ja xëëw ni'ikyë myëjë kyëjääjë,

Biblia Mixe de Quetzaltepec

¹ Ja yuu ja xëëw ni'ikyë myëjë kyëjääjë,

Génesis 43:1 ပူးပေါင်းရင်းမြစ်များ

Génesis 12:10

Tëkok ojts yë yuu xëëw jam y'ity ma ja Abram tsyëënën. Ënet ojts nyijkxy jap Egiptë tsënääpyë tu'kxëëw tu'kjëmëjt. Jä'ä ko ka'ap ënety jam t'ëkpatnëtë tii jyë'kxtëp ets jyuuky'atëty.

Génesis 18:13

Ënet yë Wintsën t'ënëmaay yë Abraham: ¿Tii tyukxikpy yë Sara? ¿Këtii tmëpëky, ko jëtu'un ijxtëm myëjja'ayëtyën jyaak jyëkyejpynyëm yë u'unk maay tyajmëxu'unk'atëtyë?

Génesis 26:1

Jä'ä xëëw jä'ä jëmëjt ojts ja yuu xëëw myiny ma jampë ja it naaxwiinyëtën. Ëpëky näjyëtu'un mëti'ipë ojts y'ëk'ijtpën ma ënety yë Abraham jyaak juuky'ätynyëmën. Paaty ojts yë Isaac jam nyijkxy Guerar, ma jam ja Abimélec tsyëënën, ja yajkutujkpë, filistejë ja'ay.

Génesis 42:5

Yë y'u'unk y'ëna'k yë Israel ojts nyëjkxtë mëët wiinkëtpyë ja'ayëty, mëti'ipë näjyëtu'un jap nëjkxtëpën tsajpmok juupyë, jä'ä ko ma tu'kë'ëyë Canaán nyaaxjotmën jam'ajtp ënety ja yuu xëëw.

Génesis 43:2

ko ojts ja Jacob ets ja y'u'unk y'ëna'k tkaaytyääy t'uktaaynyëtë ja tsajpmok mëti'ipë ënety jap ojts të tyajtsoontën Egiptë, ënät ja Jacob t'ënëmaay ja y'u'unk y'ëna'k: Nëjkxtë jatëkok jaakjuytyë ja tsajpmok jap Egiptë.

Génesis 47:4

Të nmintë ëëts yaajëty ets yaa n'ita'antës ntsëënëja'antës ma ya'atë naax ma ya'atë kajpnën, jä'ä ko jam Canaán yuu jam oy jëtijtp ets ka'ap jam yë aay ujtsnë mëti'ipës yë njëyujkëty jyë'kxtëp pyëktëpën, paaty yam yë mëyajtën n'amëtow npëjktsowtës ets mijts xy'a'ixëty ntsëënëtëtyës jam ma Gosen y'itjotmën.

Lamentaciones 5:10

Jajp toopy ëëts ja njot nini'kxëty jëtu'un tä jëënkopk jyäjyën tyoyën, mëët jëën mëti'ipës mpa'am'ajtëpën.

Deuteronomio 26:5

Ets m'ëna'anëty jam mWintsën wintum: Ëëts yë nteety n'apëty, mëti'ipë arameë ja'ayëtyën, tëëyëp jëtu'unyë ojts jyëtitë, ok ojts jap nyëjkxtë Egiptë ets jap tsyënaaytyaknpëjktë. Japts ojts yajxon nyimayëtë ets tu'uk mëj kajpn y'awinpijtë, tääts ojts myëkta'aktë.