Génesis 42:38 - Biblia Dc en Mixe de Quetzaltepec

³⁸ Tä yë Jacob y'ëtsooy: Yë n'u'unkës ka'ap yë mpanëjkxëtëty, ojts yë y'äjty José y'ooky, e yi'iyë tu'uk jaakwë'ëmp, ko tii jyatëtëty kyëpätëtëty ma mnëëye'eya'an ntu'uye'eya'antën, mijts ënety yë poky mëët'ajtëp ko ya'atë mëjja'ay y'ookëty mëët yë monyëtukyë.

Biblia Mixe de Quetzaltepec

³⁸ Tä yë Jacob y'ëtsooy: Yë n'u'unkës ka'ap yë mpanëjkxëtëty, ojts yë y'äjty José y'ooky, e yi'iyë tu'uk jaakwë'ëmp, ko tii jyatëtëty kyëpätëtëty ma mnëëye'eya'an ntu'uye'eya'antën, mijts ënäty yë poky mëët'ajtëp ko ya'atë mëjja'ay y'ookëty mëët yë monyëtukyë.

Génesis 42:38 ပူးပေါင်းရင်းမြစ်များ

Génesis 37:33

E ko yë Jacob t'ijxwatsy ko yë'ë y'u'unk ja wyit ne'pnymyëëtpë, ënät y'ënäny: Pën yë'ëjës yë n'u'unk yë nyijän, tii jëyujk ënät të myätsyë ets të yaj'ookyë, të y'atsu'uts të tyuktsu'utsëty.

Génesis 37:34

Ënet yë Jacob ojts yë wyit tukëëtsë ets nyätyukxojxë ja wit mëti'ipë kuumpën u'kxpën ets nyätyukniwëjtaayë naaxway; jekpyaat ojts nijë'ëy niyä'äxy ja myaank ko ënety të y'ooky të tyëkoy.

Génesis 37:35

Yë Jacob yë y'u'unk y'ëna'k ojts jya'ënë'ëmxëty ets jeexyë ka'ap mon tuk y'ëkyajpatnë, e yë'ë ka'ap t'a'ijxëy, ni'ikyë tyëjkëy moonpë tujkpë, ko pën wi'ix y'ënë'ëmxëty ets ijty y'ënä'äny: Nimon nitukëpës yë n'u'unk nmaay ijxtë koonëmës n'ookëty, täätsës mëët jatëkok näpyaatëtëty o'kpë akujky.

Génesis 42:13

Ënet y'ëtsoowtë: Ëëtsëty Wintsën jä'ä ëëtsëty nyiwinë'atë nimajkmäjtsk ets tu'uk ëëts ja nteetyëtyës ntukmuktë ets jamës ntsëënëtë Canaán. Ja n'utyëtyës ja mutskpë tëë ja wyi'imy mëët yë tyeety, e ja wiinkpë ka'apës yam mëëtëtynyë.

Génesis 42:37

Ënet yë Rubén ja tyeety t'ënëmaay: Ixmats yë Benjamín, ëjts nkëwent'atëp ets mijts jatëkok nëjkx ntukë'ëtëkë e pën kajts ntukë'ëtëkë jatëkok, nkë'ëyäjkpyës yë n'u'unk nimäjtsk ets xyaj'ookëty.

Génesis 42:4

Yë Jacob ka'ap ojts tkexy yë Benjamín, yë José y'uty, jä'ä ko tyaa ënety myäy tyäjy ko tii y'ëkjajt y'ëkëpäjtënëty.

Génesis 43:13

Oy mnëjkxtëty, mënëjkxtë yë m'uty ets nëjkxtë tampë ja'ay jatëkok ëk'ixtë.

Génesis 44:20

ets ojts ëëtsëty n'ëtsowtë ko nmëët'atës yë nteety ets tëë myëjja'ayënë ets tu'uk yë n'utyëtyës mëti'ipë mutsknëmën, mëti'ipë ojts jää myëxu'unk'atyën ma ënety yë nteetyëtyës të myëjja'ayënën. Jëtu'un ojts mijts n'ënëëmëtë ko yë nteetyëtyës tsyojkpy jya'ap oy yë myaank, jä'ä ko yi'iyë tu'uk jyaak u'unk'ajtyp ma tu'ukyë tukmuktën ja tyaak tyi'tskëty, jä'ä ko ja y'äjty ojts ja y'o'knë.

Génesis 44:22

Ënet ojts mijts n'ënëëmëtë, ko ja n'utyëtyës ka'ap tjëkyepy ja tyeety t'ëxmatsëty, jä'ä ko pën y'ëxmajtsyp, tsojk ja y'ookëty mëët yë monyëtukyë.

1 Reyes 2:6

Paaty yam mijts n'ënëëmë ko mëk ja mjot mkëpajk xyajtunëty këtiipë yë'ë y'akujk'at jyotkujk'atëty ets jëtu'un y'ënaanpëty ko jotkujk y'ookëty.

Job 41:32

Jëtu'un yaj'ixy jap mejyjoty poopëm y'atë'kxy tä yë ja'ay yë pyo'o kyëxë'ëkyën.

Salmos 71:18

Dios, mëti'ipës nTios'ajtypyën, këtiis xy'ëxmats xymyajtstu'utëty oyës ënety të nmëjja'ayënë etsës të nkupo'ojënyë, jä'ä ko ëjts njaaknimëtya'akäämpyës yë mmëjajtën ma ja'ayëtyën tyampë jyuuky'atën ets mëti'ipë juuky'atantëpnëm.

Salmos 90:10

Tëkë'px majk jëmëjt je'eyë njuuky'ajtëmë, e pën oy jeky ntimjyuuky'ajtëmë najääjën jyä'ty majkta'pxën; e oy ënät jëtu'un njajuuky'ajtëmë jeky, ka'ap xoontä'äky nyajpatmëty oywyi'ix njaak yajnajxmëty ja xëëw jëmëjt. Yë xëëw jëmëjt tsojkyë nyäxy, näjyëtu'un ëëts'ajtëmë.

Eclesiastés 1:14

Ets ojts nijawës ko tëkokyë mëti'ipë yaa naaxwiiny yajtuunp yajkajpxpën nëkoopë nyatëkë'aty, mëti'ipë jëtu'un nyapatypyën tä jeexyë poj nmatsa'anëmën.

Eclesiastés 2:26

Yë Dios, yë'ë yäjkpy yë wijyajtën, ijxpëky'ajtën ets xoontakën ets yë'ë myoopy mëti'ipë nyi''ijxkëtäkpyën; e mëti'ipë tuuntëkoopy kajpxtëkoopyën je'eyë yajxon tyajtuny ets tnipëjkpety yë wit meeny ets tuk'oy'atëty yë'ë mëti'ipë ënety nyi''ijxkëtäkpyën. Tääpë nän natëkë winma'any yë'ë ets nëkoopë juukyajtën ntuk'ëyë'kmëty.

Isaías 38:10

Tyaajës ënety ëjts të nmay të ntajy: Maas ënety jotkujk njuuky'ätyën jääjës nëjkx ntso'onë; jä'ä ko jëtu'un të nyaj'ëne'emyës koos jam nnëjkxëty ma xëmëkyëjxm ooky nyajpatmëtyën.

Isaías 46:4

ëjts je'eyëmës ënety n'ixëty ko miitsëty nëjkx mëjja'ayëtë, ko ënety miitsëty tëë mkupo'ojënëtë ëjts je'eyëm nëjkx miitsëty nmajts'itë. Ëjts miitsëty të nyajkojtë ets je'eyëm ntsäänä'an nkona'antë, ëjts miitsëty nmajts'itantëp ets nyajtso'okantëp.