Génesis 42:36 - Biblia Dc en Mixe de Quetzaltepec

³⁶ Ënet ja Jacob t'ënëmaay ja y'u'unk y'ëna'k: Miitsëty u'unktukës je'eyë xyajwë'ëmnëtë, yë José ka'ap yajpaaty ma ëtsajtëmën, Simeón nän ka'ap e tyam yë Benjamín ënät näjyëtu'un xypyëjkëjantëpës ets xëmë aak'ëjts jëtu'un winë xytyukkëtakpäjtääpy.

Biblia Mixe de Quetzaltepec

³⁶ Ënät ja Jacob t'ënëmaay ja y'u'unk y'ëna'k: Miitsëty u'unktukës je'eyë xyajwë'ëmnëtë, yë José ka'ap yajpaaty ma ëtsajtëmën, Simeón nän ka'ap e tyam yë Benjamín ënät näjyëtu'un xypyëjkëjantëpës ets xëmë aak'ëjts jëtu'un winë xytyukkëtakpäjtääpy.

Génesis 42:36 ပူးပေါင်းရင်းမြစ်များ

Génesis 43:14

Dios mpa'ëyowëtëp tääts tnajtsmatsëty ja tu'ukpë ja mëku'ukëty ets Benjamín, e pën ëjts jëtu'unës ënät u'unktuk nwë'ëmëty, minës jëtu'un n'ëkwë'ëmy.

1 Corintios 10:13

Ka'anëm miits xypyaatë ja ëyo'on jotmay mëti'ipë ka'ap yajmëmëta'akëtyën. Jyëkyejpy miits ëmuumtu'uk ja Dios xymyëpëktëty ko ka'ap mtukpaata'anëtë ja ëyo'on wäänë mëkpë mëti'ipë ka'ap myëmëtaknëtyën ets pën jää ënety ja ëyo'on jotmay xypyaatë, Dios nëjkx mputëkëtë ets xymyënax xyajnaxtëty.

Romanos 8:31

¿Tii ënät njaaktimkyajpxmëp? Pën Dios mëët ëëtsajtëm, ni pën xykyamëmëtakmëty.

Romanos 8:28

Nnija'awëm ëëtsajtëm ko ja Dios yë'ë të tpëjktä'äky winë ets tuk'oy'atëty ja ja'ay mëti'ipë tsojkëpën, mëti'ipë të twoowtsoyën ijxtëm të tuknipëjktaakën.

Mateo 14:31

Ënätyë ja Jesús ojts myätsyë kyë'ëkëjxy ets t'ënëmaay: Yi'inëm mijts ja mëpëjkën xymyëëtëty. ¿Tii ko të mmaaytyëkatsy?

Isaías 41:10

Këtii mtsë'ëkëty, ëjts yajpatpës ma mijtsën, ëjts mijts xyTyios'ajtp. Ëjts mijts nmëjaawmoopy ets nputëjkëp, mëëtës ja nkë'ë nmajts'ity ets xëmë mmëta'akëty.

Isaías 38:10

Tyaajës ënety ëjts të nmay të ntajy: Maas ënety jotkujk njuuky'ätyën jääjës nëjkx ntso'onë; jä'ä ko jëtu'un të nyaj'ëne'emyës koos jam nnëjkxëty ma xëmëkyëjxm ooky nyajpatmëtyën.

Isaías 27:9

Je'eyëp ko ënät tpokymyä'kxa'any yë Jacob, pën pyatuumpy mëti'ipë yaj'amëtoopën: Ko naaxwayën tuunta'ajëty yë wyintsë'këntyakn ma t'ëwtatyën ka'apë Tyiosëtyën, jëtu'un tukpu'ujëtya'ajëty tä jeexyë ja'ay tsaa twaaytyä'äkyën mëti'ipë yajaamkojpyën ets ka'ap nimaa wyë'ëmëty tu'kpuxyën yë kepy mëti'ipë y'ëwtajtypyën, yajma'ta'ajëp yë wyintsë'këntyakn ma poom tukwinjokyën yë tyiosëty.

Eclesiastés 7:8

Ni'ik tsyowpaaty ko nyaj'apatëmëty tu'uk yë tuunk ets këtii ko nyajtso'ontakmëty. Ni'ik tsyowpaaty yë ëwxijtën mä'kxtujkën ets këtii yë jotmëk'ajtën.

Job 7:7

Wintsën yë'ë ja'amyäts koos yë njuukyajtënës jëtu'un yë'ë tä ja'ay myëkxejyën, mëti'ipë ka'ap jyotkujk'atyën.

1 Samuel 27:1

David kä'äpyëm ënety jotkujk nyäjyawëty, paaty ojts myäy tyäjy: Yë Saúl tsojkës yë ëwään jëpom xyaj'ookëty. Ni'ik oy'atëp koos nkä'äkëty, jamës nnëjkxëty ma filistejë ja'ayëtyën. Jëtu'un'äämpy ka'apës xëmë nmayëty ntajëty ets ka'apës nëkoo Saúl xy'ixjëtit xypyajëtitëty ma Israel yë naaxjotmën. Ni'ik oyës ntimnyäjyëpëkëtëty.

Salmos 34:19

Yë ja'ay mëti'ipë oy juukyajtpën kanaakpëky yë ëxëëkpë tmënaxy tyajnaxy, e yë Wintsën yë'ë putëjkëyëp ma tëkokyë ëxëëkpën.

Génesis 47:12

Yë José yë'ë ënety kyääkymyoopy jyi'kxymyoopy yë myëku'uktëjk, ijxtëm ënety tyajmëyatën këëkjëën këëktëjk.

Génesis 45:28

Tä ojts y'ënä'äny: Mëët yi'iyës ko nijawë koos yë nmaank José juuky'ajtp, oyës nëjkx n'ixy naamka'anëm n'ookynyëmës.

2 Corintios 4:17

Ja ëyo'on mëti'ipës yaa nmënajx nyajnajxtëpën, ka'ap yë myëjwiin kyëjääjëty, tsojk nyäxy; wäänë mëj ja mëj'ajtën jaanty'ajtën xytyukpatmëty xëmëkyëjxmëpë.

Génesis 42:37

Ënet yë Rubén ja tyeety t'ënëmaay: Ixmats yë Benjamín, ëjts nkëwent'atëp ets mijts jatëkok nëjkx ntukë'ëtëkë e pën kajts ntukë'ëtëkë jatëkok, nkë'ëyäjkpyës yë n'u'unk nimäjtsk ets xyaj'ookëty.

Jeremias 31:15

Jëtu'un yë Wintsën y'ënä'äny: Jam tu'uk mëto'owën të tsyoony Ramá, ja'ay jam jëëpy yaxp mon tuk. Yë Raquel jam nyiyäxyp yë y'u'unk y'ëna'k ets ka'ap të tsoky pën yaj'ëmonëtëty, jä'ä ko tëë ja y'u'unk y'ëna'k y'o'kta'ay.

Génesis 44:12

Ënet ja putu'unëpë tuk'ijxëtyääy tukwo'onëtyääy ja xa'k ets t'ëk'ixa'any maa yajpaatyën ja a'ukën, tyajtso'ontäky ma ja mëjpën ets tyajjëjpkëjxy ma ja mutskpën. E ja a'ukën jap ojts yajpaaty ma ja Benjamín ja xya'kën.