Génesis 42:24 - Biblia Dc en Mixe de Quetzaltepec

²⁴ Ënet ja José twinwa'ktuty ja jyiiky myëku'uk ets ojts nyijkxy yaxpë. E ko jatëkok wyimpijty, tää ojts jatëkok tmëkäjpxy, ënät ojts ja Simeón jä'ä tyajwë'ëmy ets tkë'ëtsuumy tekytsyuumy, tam jëtu'un ja myëkä'äx t'ixtë

Biblia Mixe de Quetzaltepec

²⁴ Ënät ja José twinwa'ktuty ja jyiiky myëku'uk ets ojts nyijkxy yaxpë. E ko jatëkok wyimpijty, tää ojts jatëkok tmëkäjpxy, ënät ojts ja Simeón jä'ä tyajwë'ëmy ets tkë'ëtsuumy tekytsyuumy, tam jëtu'un ja myëkä'äx t'ixtë

Génesis 42:24 ပူးပေါင်းရင်းမြစ်များ

Génesis 43:30

Ënet yë José jyänty nyäjya'awëyë jotkujk, ko yë y'uty t'ijxy ets nyäjya'awëy ya'axaanp yowë, tä jyänty kyupëyë'këy ënätyë tyëkoty ets jap tyëjkëy yaxpë.

Hebreos 4:15

Jä'ä ko ja nteety wintsën'ajtëmë, xypya'ëyo'owëm yë'ë ets nyija'awëp wi'ix nkamëtakëmën, jä'ä ko näjyëtu'un të yajpëjktä'äky wi'ix jeexyë pyokytyunyën, jëtu'un ijxtëm ëëtsajtëm nyaj'ijxmajtsëmën.

1 Corintios 12:26

Pën jam muum tu'kpëky ja ni'kx kopk y'ëyoy, näjyëtu'un ja wiinkëtypë y'ëyowta'atë; ets pën jam muum tu'kpëky oy y'ity, tu'ukyë oy yajpata'atë.

Romanos 12:15

Mëëtxoonta'aktë mëti'ipë ijtëpën xoontëpën; mëëtjë'ë mëëtya'axtë mëti'ipë jëëytyëp yaxtëpën.

Lucas 19:41

Ko t'ijxpaty ja Jerusalén kajpn jam winkon, tääts ja Jesús niyäxy,

Isaías 63:9

Ma ja y'amay jyotmayëtyën. Ka'ap yë Wintsën kyutëkats tkejxy mëti'ipë të yajtso'okëtën; kë'ëm yë Wintsën të tyimminy ets të tyajtso'oky. Jä'äkyëjxm ko tmëët'aty tsojkën ja'awën ets pa'ëyo'owën najts'ëyo'owën, paaty të tyajtso'oky, kyë'ëkëjxy të tmatsy ets të tyajpëtë'ëky. Jëtu'un xëmë winë tuny.

Génesis 43:23

Tä yë putu'unëpë y'ëtsooy: Jotkujk itë, këtii mtsë'ëkë mjawëtë, yë mTiosëty mëti'ipë m'ëwtajtëpën ets mëti'ipë yë mteetyëty y'ëwtajtypyën, yë'ë ojts tpëjktä'äky yë meeny ma mxa'këtyën, ëjts ojtsës ja meeny n'ëxajë, mëti'ipë ojts xytyukkujuytyën. Tä ja putu'unëpë ojts tyajpëtsëmy ja Simeón pujxn tëkoty ets ojts twoownëjkxy ma ënety jam ja myëku'ukëtyën.

Génesis 43:14

Dios mpa'ëyowëtëp tääts tnajtsmatsëty ja tu'ukpë ja mëku'ukëty ets Benjamín, e pën ëjts jëtu'unës ënät u'unktuk nwë'ëmëty, minës jëtu'un n'ëkwë'ëmy.

Génesis 34:25

E yë Jacob yë myaankëty mëti'ipë xyëëwajtëpën Simeón ets Leví, yë Dina yë y'äyëty, ojts tsyoontë ets ojts nyëjkxtë kajpnjotm kom tëkëëk xëëw, jä'ä xëëw ojts tpëktë ma ënety ja ye'etyëjktëjk ja pëjkën ijxën jam tmënax tyajnaxtën ko të yajtsuktën, tääts tkupujxtaaytyë jënu'un ënety jam yajpaatën; jä'ä ko yë'ëjëty ka'ap ënety jëtu'unyë tnayajninaxa'antë ijxtëm ja Siquem të y'ëti'ityën ma ja y'utyëtyën Dina.

Génesis 42:23

Yë'ëjëty ka'ap ënety nijawëtë ko ja José wa'ats tja'akyukë mëti'ipë myëtyaktëpën, yë José wiink ayuk ënety tyukmëkäjpxyp ja y'äjtytyëjk, ëpëky tmëëtëty ja wiinkpë ja ja'ay mëti'ipë kajpxwatsëyëpën ja y'ayuk.

Génesis 45:1

José ka'ap ojts y'ëknämyajts'ijtënë ma ja mayjyä'äyën, mëti'ipë mëët tyuunmukyën, paaty yujk'ënany: Pëtsëëmta'atë yaa. Paaty ko ojts nyäkyajpxkëxë'ëkyë ma ja myëkä'äxtëjkën, ni pën ënety jap kyayajpaaty tëkoty.

Génesis 45:2

Tä tyëjkëy yajxon yaxpë, mëk jyänty yäxy, tä nija'awëtyääytyë ja Egiptë ja'ayëty, jampaat ojts ja nija'awën jyä'ty ma ja yajkutujkpë yajkutukyën.