Génesis 42:21 - Biblia Dc en Mixe de Quetzaltepec

²¹ ets nyäy'ënanëtë jaxim jayam: Tyam ënät n'ijxëm ets tyam ënät nkëpäjtëm ko ojts ëxëëk ja n'uty'ajtëm ntu'unëmë. Ojts xyjyamënu'kxtakëmë ets jeexyë npa'ëyo'owëm nas'ëyo'owëmë e ëëtsajtëmë ka'ap ja ntu'unëmë këwentë, ojts nja'ijxëm ko ënety mon tuk yajpaaty. Paaty ënät ëëtsajtëm tyam ya'atë ëxëëkajtën npatëm n'ijxëmë.

Biblia Mixe de Quetzaltepec

²¹ ets nyäy'ënanëtë jaxim jayam: Tyam ënät n'ijxëm ets tyam ënät nkëpäjtëm ko ojts ëxëëk ja n'uty'ajtëm ntu'unëmë. Ojts xyjyamënu'kxtakëmë ets jeexyë npa'ëyo'owëm nas'ëyo'owëmë e ëëtsajtëmë ka'ap ja ntu'unëmë këwentë, ojts nja'ijxëm ko ënäty mon tuk yajpaaty. Paaty ënät ëëtsajtëm tyam ya'atë ëxëëkajtën npatëm n'ijxëmë.

Génesis 42:21 ပူးပေါင်းရင်းမြစ်များ

Oseas 5:15

Etsës jatëkok nwinpita'any maas n'ityën, koonëm yë pyoky kë'ëm tja'awëy'itëty ets xy'ixta'atëtyës. Jam ma ënety jë'ë ya'ax yajpaatën, jamës nëjkx xy'ixta'atë.

1 Juan 1:9

Pën nmaaywyajtsëm ja npoky'ajtëmë, jyëkyejpy ntuk'ijxpäjtmëty ja Dios, wa'atspë, ko myä'kxäämpy ja npoky'ajtëmë ets tu'kë'ëyë mëti'ipë të ntuuntëko'oyëmën.

Santiago 2:13

Pën ja myëku'uk ka'ap tpa'ëyoy, näjyëtu'un ja Dios ka'ap pya'ëyowa'anyë; pën ja myëku'uk pya'ëyoopyën, yë'ë ja oyajtën pyatäämpy ko ënety ja paye'eyën y'ity.

Hechos 19:18

Tääts näjyëtu'un mëti'ipë ja Jesús myëpëjktëpën, ojts ja pyoky tmaaywyatstë mayjyä'äy wyintum ko ënety ëxëëk të jyuuky'atë.

Lucas 16:28

Jaaktamës ja nmëkä'äx ja nimëkoxk ets nëëmëty ko wä'än t'ëxmatstë ja ëxëëk winma'any këtiipë yaa näjyëtu'un myintëty ëyoopë ëyoowtaknjoty.

Marcos 9:48

ma ja tënë'k nijëna'a kya'ookyën ets ma ja jëën nijëna'a kyapi'itsyën.

Mateo 7:2

Jä'ä ko yë Dios näjyëtu'un yë mpoky mtukwinmëtowa'anëtë tä ja mmëku'uk ënety ja pyoky të wytyukwinmëtowtën; jëtu'un tä ja mmëku'uk xytsyoktën jyä'äy'atëty näjyëtu'un miitsëty ja'ay'atë.

Jeremias 34:17

Paatyës mëti'ipë Wintsën'ajtpën, jëtu'unës n'ëna'any: Miitsëty ka'apës të xymyëmëtowtë, ka'ap të xy'ëxmatstë ets të xyaj'ëwaatsëpëtsëmtë ja mjëëky mmëku'ukëty mëti'ipë të xyajmëtuntën; e ëjts yë'ëjës nnajtsmatsëjäämpy yë tsip käjpxy, yuu xëëw ets pa'am ëyo'on, mëti'ipë ëxëëk myajjat myajkëpätëtëpën ets naax kajpn tsyë'ëkëtëty. Ëjts Wintsën, ëjts ënaanp.

Jeremias 2:19

Mkë'ëm ëxëëk winma'any o'ktëy mnätyuktunanëp, mëët ko xykyamëj'ixy ja Wintsën. Mëmay mëtaj wi'ix xykyujatëja'anyën ets wi'ix ta'amëm xyajja'awëkyëta'aka'anyën mëët koos të xy'ëxmatsy ets koos të xykyamëjpëjktä'äky ëjts yë mWintsën Dios. Ëjts Wintsën mëti'ipë maaytyääyëpën winë, ëjts ënaanp.

Jeremias 2:17

Paaty jëtu'un të mjaty jä'äkyëjxm koos ëjts të xy'ëxmatsy, ëjts yë mWintsën Dios mëti'ipë ijty mtu'uwinwoowëpën.

Proverbios 28:17

Yë ja'ay mëti'ipë të yaja'ay'ookyën, xëmë je'eyë kyä'äka'any koonëm y'ookëty. Wä'än tnëjkx, ka'ap pën t'ëtukëty.

Proverbios 21:13

Mëti'ipë ja'ay ka'ap tja'akyukën ko yë ëyoopëja'ay myënu'kxtä'äkyë, ka'ap näjyëtu'un pën pyutëkëtëty ko ja näypyutëkë tjayajmëyatëty.

1 Reyes 17:18

Ënet ja ku'ookytyo'oxy t'ënëmaay ja Elías: ¿Tii tsipës ëjts mëët mijts nmëët'ajtyp, mijts mëti'ipë Wintsën myëtuumpyën? ¿Ëkë je'eyës mijts nëkoo ja nnëë npoky xypyaye'eyanë etsës ja n'u'unk nmaay y'ookëty tyëkoytyë?

2 Samuel 12:13

David ojts tkupëky ja pyoky ijxtëm ënety ja Natán të y'ënë'ëmxëtyën ets y'ënäny: Ëjts nja'apës ko tëëjës njantypyokytyuny ma Wintsënën. Ets ja Natán y'ëtsoowë: Yë Wintsën ka'ap myijtsëty mtëytyuna'anyë ets ka'ap mtimyaj'ooka'anyë.

Jueces 1:7

Tääts y'ënäny: Ëjts tëkë'px majkës ojts näjyëtu'un yë kyë'ëkaa tyekykyaa njëjptsujkë yë yajkutujkpëtëjkëty. Ets yë'ëjës ojts ntukjë'kxtë mëti'ipës nkaaypyäjnpa'tkë'p ka'apën. E tyam näjyëtu'unës yë Dios të xytyuny tääjës yë'ë ntuuntën. Tää ojts jam tyajnëjkxtë ma Jerusalén kajpnën ets jam tyaj'o'ktë.

Génesis 41:9

Ënet y'ënäny, ja mëti'ipë ja uuky nyiwintsën'ajtypyën: Tyamës nja'amyetsy ko ojts tëkok ëxëëk n'ëtë'ëtyës.

Jeremias 4:18

Mëët ko yi'iyë të xytyuny mëti'ipë ëxëëkën, paaty o'ktëy të mjaty; mëët ko të mtuuntëkoy, paaty të mjoottëkëty ja ëyo'on ets tëë ja mwinma'anytyëkoy.

Génesis 45:3

Ënet ja José t'ënëmaay ja myëkä'äxtëjk: Ëjts jëtu'un José. ¿Jamës ja nteety jyuuky'ätynyëmë? Tä ojts nyäy'ëtsë'ëkëtë ko ojts tjawëtë ko tam twin'u'unyëtë ets ka'ap ënety t'ëkjëkyäjpnë y'ëtsowtëty.

Génesis 50:15

Ko ënety tëë yë Jacob y'o'knë, ënät ja José ja myëkä'äxtëjk ojts myäytyë tyajtë: Wä'änxyëp jëtää yë José y'ekyë ets ënät ëxëëk xy'ëktu'unënëty, tuunwinpitëty ijxtëm ojts ëxëëk ntu'unëmën.

Génesis 44:16

Tä yë Judá y'ëtsooy: ¿Wi'ix ëëtsëty mijts n'ëk'ëtsowtëty? ¿Wi'ix ëëtsëty n'ëk'ëna'antëty, ko ka'ap tii ëxëëkpë ntuntë nkajpxtë ets ka'ap ëëtsëty npokymyëët'atë? Yë Dios yë'ë tëy wa'ats nyija'ap, ko ëëtsëty pokymyëëtës nyajpaatë. Tyaa ënät ëëtsëty mijts xykyë'ë'am'atë, yajtuuntëkës ijxtëm mijts xytyimtsokyën, tu'ukyë mëët mëti'ipë ënety myëët'ajtypyën ja a'ukën xya'kjoty.