Génesis 42:18 - Biblia Dc en Mixe de Quetzaltepec

¹⁸ e kom tëkëëk xëëw ojts t'ënëëmë: Ëjts ntsë'këpës yë Dios, tuntë ya'atë ets miits npokymyä'kxtëty.

Biblia Mixe de Quetzaltepec

¹⁸ e kom tëkëëk xëëw ojts t'ënëëmë: Ëjts ntsë'këpës yë Tios, tuntë ya'atë ets miits npokymyä'kxtëty.

Génesis 42:18 ပူးပေါင်းရင်းမြစ်များ

Génesis 20:11

Tä yë Abraham y'ëtsooy: Ëjts tyaajës ënety nmay ntajy, ko ka'ap ntij yaa pën yë Dios tsë'ëkë ma ya'atë naax kajpnën, xyaj'ooktëpës ntij koos n'ënanëty, ko yë Sara nto'oxytyëjk yë'ë.

Génesis 39:9

Ma ya'atë tëjkën ni pën yaa kyajëtu'unëty ijxtëm ëjtsën, yë nwintsënës ka'apës tii xytyukmëwintuk'ooky; e mijtsyë tëy jëtu'un ka'ap mëpaat nmëmay nmëtajy, jä'ä ko mijts mto'oxytyëjk'atyë e jëtu'un ¿wi'ixës ko ëxëëkpë mtunëty ets nmëpokytyunëtyës yë Dios?

Génesis 42:19

Pën mijts janty'oy mja'ay'atë, ëxmatstë yaa tu'uk yë mmëku'ukëty ets wiinkpë wä'än tmënëjkxtë yë tsajpmok, mëti'ipë kyäytyëp y'uuktëpën yë mjëëky mmëku'ukëty.

Nehemías 5:15

E ja yajkutujkpëtëjk mëti'ipë ënety jëyëjp të tyuntën je'eyë ijty xëmë ja naax kajpn tuk'atsiptë ja ayajk ako'onën, xëmë ja ja'ay ijty yaj'amëtowtë ja wit meeny këëkwëxtyikxy ja poop pujxn mëti'ipë ja yajkutujkpë nyikayëp nyi'uukëpën. E xëmë ijty winjëpom ja naax kajpn winë tjanty'amëtowtë ets tjantypyëjkëtë. Ëjts ka'apës jëtu'un ja naax kajpn ntuuny jä'ä ko ja Wintsën jä'äs ntsë'këp.

Nehemías 5:9

Etsës ojts njaaktimy'ënëëmëtë: tääpë xytyuntën ninu'un kya'oypëtsëma'any. Ni'ikyënëm jeexyë miits xywinkutsë'ëkëtë ja mTiosëty, këtiipë nëkoo xyajxi'ik xyaj ëwë'ëktëty ja ja'ay mëti'ipë ka'ap nmëkunaax'ajt nmëkajpn'ajtëmën.

Job 1:1

Jam ma Us y'itjotmën, jam ijty tu'uk ja'ay tsyëënë, Job xyëëwajtyp. Oy ijty jyuuky'äty, ka'ap tii tuuntëkoy tkajpxtëkoy, Dios myëtuumpy ets nijëna'a ojts pën tkamëtëkoy.

Éxodo 1:17

E ja to'oxytyëjkëty, mëti'ipë ja'axtëpën mëti'ipë ja myëto'oxytyëjk kyëwent'ajtëpën, ojts ja Dios tsë'ëkëtë, ka'ap jëtu'un tuuntë tä ënety ja mëj'ënä'ämpë të jyanë'ëmxëtën mëti'ipë jap Egiptë tuunpën. Yë'ë ojts tyajwë'ëmtë ja yä'äy ëna'k u'unkëty ets jyuuky'atëty.

Éxodo 18:21

Mëti'ipë tëy mijts mtunëp, win'ix kanaak yë ja'ay mëti'ipë m'a'ijxëpën oy winë tuntë ets tsyë'këtyëp yë Dios ets mëtëy winë tkajpxtë tmëtya'aktë, ijxtëm yë ja'ayëtyën mëti'ipë ka'ap tii yë myëku'uk awin'ëënë tpëjkën ets jëtu'un xytyuknipëkëty ya'atë tuunk, mëti'ipë wyintänëtëpën ja ja'ayëty nitu'kmiljaty, nitu'kmëko'pxjaty, niwëxtyikxymyajkjaty ets nimajkjaty.

Lucas 18:2

Ets y'ënäny: Jää ijty kajpnjoty tu'uk ja paye'epyë mëti'ipë ka'ap tsë'ëkën ja Dios ets naaxwiinyëtë ja'ay.

Lucas 18:4

Kanaak'ok ojts ninëjkxy ja paye'epyë, je'eyëp ko ka'ap nyipaye'eyë. Ok ojts ja paye'epyë myäy tyäjy: Oyës yë Dios nkatsë'ëkë ets naaxwiinyëtë ja'ay nkatsë'ëkë,