Génesis 42:15 - Biblia Dc en Mixe de Quetzaltepec

¹⁵ ets ya'atë ënät mëët n'ëkjanty'ijxmëty. Yajxon miitsëty yam n'ënëëmëtë ko ka'ap yaa mtsoontëty, koonëm xyajmintëty ja m'utyëty ja mutskpë.

Biblia Mixe de Quetzaltepec

¹⁵ ets ya'atë ënät mëët n'ëkjanty'ijxmëty. Yajxon miitsëty yam n'ënëëmëtë ko ka'ap yaa mtsoontëty, koonëm xyajmintëty ja m'utyëty ja mutskpë.

Génesis 42:15 ပူးပေါင်းရင်းမြစ်များ

Génesis 42:12

José ni'ikyë y'ënaan'ëtëtsy: Ka'ap tyiyajtënëty m'ëna'antë, miitsëty je'eyë të mintë ijxpë tuunpë ma ya'atë naax kajpnën, pën tii myëët'ajtyp oy ëxëëk.

Génesis 42:14

Ënet ja José y'ënaankojnëpë: Jëtu'un ijxtëm n'ëna'anyënës je'eyë mijts mintë ijxpë tuunpë,

Génesis 42:16

Wä'än miitsëty nitu'uk pën nëjkx tyajtsoony, ja nimaypyë wä'än twë'ëmtë tsumy. Tsojk n'ëkjanty'ijxëm pën janty tëy m'ëna'antë, e pën ka'ap tyiyëty, jää jyänty yaj'ixëty ko miitsëty ijxpë tuunpë je'eyë të mintë. Ja mëj yajkutujkën xyëëwkëjxmës yam jëtu'un n'ëna'any.

Génesis 42:20

Ets xyajmintëty ja m'utyëty mutskpë ets n'ëkjanty'ijxmëty pën tëy mkajpxtë, e pën ka'ap, m'ooktëp ënät. Ënet tkupëjktë ja José ja y'ayuk,

Génesis 42:30

Ja ja'ay mëti'ipë jap ënä'ämpë'ajtpën Egiptë, janty ëxëëkëty të xy'ëktimmyëkajpxnëtës, etsës të xy'ënëëmëtë ko ëëtsëty je'eyës jap nëjkxtë kyajpnjoty ijxpë wo'ompë ets n'ixa'antës tii myëët'ajt kyamëët'ajtëp.

Génesis 42:34

ets xyajmintëty ja m'uty mëti'ipë mutskën, jëtu'untsës nmëpëkëty ko miitsëty oy yë mjot mwinma'any xyjyänty myëët'atë ets ka'ap je'eyë mintë ijxpë wo'ompë; nyaj'ëwaatsëpëtsëmëpës ja mëku'ukëty ets miitsëty jotkujk mnaxtëty mtëkëty naaxjoty kajpnjoty.

Génesis 42:7

José ojts t'ixkäpy ja y'äjtytyëjk, ko t'ijxy; jëtu'un ojts nyäpyëjktä'äkyë ijxtëm jeexyë ka'ap t'ixkäpyën ets tyajtëëy: Miitsëty ¿Maaxë mtsoontë? Canaán ëëts ntsoontë tsajpmok njuyantëpës, jëtu'un y'ëtsoowtë yë'ëjëty.

Génesis 43:3

E ja Judá y'ëtsooy: Ja ja'ay jëtu'un të xy'ënëmaaytyës wa'ats: Pën këtii yaa ja m'uty xyajmintë ja mutskpë, këtiis yaa xytyimnimintëty.

Génesis 43:5

E pën ka'ap xy'ëwa'atsy ets nyëjkxëty mëët ëëtsëty, ka'apës näjyëtu'un nëjkxtëty, jä'ä ko ja ja'ay jëtu'un ojts xy'ënëëmëtës: Pën miitsëty ka'ap xywyoowmintë ja m'utyëty ja mutskpë, këtiis xytyimnimintëty.

Jeremias 5:2

Tää ja'ay mëti'ipë tii nyikäjpxypën yë'ë tyukkajpxpejtyp yë Dios yë jyuukyajtën, je'eyëp ko antaktëp.

Jeremias 5:7

Jëtu'un yë Wintsën y'ënä'äny: ¿Wi'ix n'ëknimä'kxëty mëët ijxtëm të mtimy'ëti'ityën? Yë m'u'unk m'ëna'k tëëjës xy'ëxmajtstaaynyëtë ets ko tii nikajpxtë yë'ë tyukajpxpäjnëtëp yë xyëëw ka'apë tiosëtyën. Ojtsës nyajkaytyë mëjwiin këjää, e yë'ëjëty ka'apës të xy'ëkwinkutsë'kënëtë, wiinktsow të nyëjkxnëtë, jëtu'un tä tu'uk yë to'oxytyëjkën mëti'ipë wiink ye'etyëjk pyanëjkxypyën.

Deuteronomio 6:13

Yë Wintsën yë'ë m'ëwtatëp ets mëtuntëp xëmë ets ko tii xynyikajpxa'antëty mëët yë kuttujkën, yë Dios yë xyëëw myajtuunëtëp.

Santiago 5:12

Yë'ë tim kopkpëky mëku'uktëjkëty, ko ka'ap xykyajpxpaatëty ja Dios, tsajp, naaxwiinyëtë ets oy tyimtiijëty. Ko tii xykyajpxtëty, tim'ëna'antë oy, pën tëy ënety; ets ka'ap pën ka'ap ënety tyiyëty, këtiipë myajpëjkta'aktëty ëyoowtaknjoty.

1 Samuel 1:26

Tääts ja Aná t'ënëmaay ja teety: Wintsën, ëknamä'kx, jëtu'un ijxtëm mijts mjuuky'ätyën jëtu'un tyiyëty, ko ëjts jëtu'un ja to'oxytyëjk mëti'ipë yaa miinën jëëpyë yaxpë ets kajpxtakpë Dios wintuuy, ma ënety yaa mijts myajpaatyën.

1 Samuel 17:55

Ko ja David twinkuwa'këy ja filistejë ja'ay, yë Saúl tëë ënety tyajtëy ja Abner, ja tsiptuunpë Wintsën: Mijts Abner, tuk'ëwa'anëkës, ¿Pën yë David tyeety'äjtyp?

1 Samuel 20:3

Tä ja David ni'ikyë y'ënaan'ëtë'ëtsy: Yë mteety wa'ats tnijawë ko ëëtsajtëm oy näjya'awëmë, paaty yë'ë ka'ap mtuk'ëwa'anxëty këtiipë xywyiinkjawëty. Ëjts nikäjpxypyës yam ets wa'ats yë Wintsën t'ixy koos o'kën jëjp'amës n'ity.