Génesis 41:51 - Biblia Dc en Mixe de Quetzaltepec

⁵¹ Ja y'u'unk ja më''ëka'anypë myiinyën naaxwiiny, jä'ä txëëwmooy Manasés ets y'ënäny: Tiosës të xytyukja'atyëkoy ja nmonyë ntukyës ets ja ëxëëkpë tsaatsypë mëti'ipës të nmënaxy të nyajnaxyën ets ja njëëky nmëku'ukës, nteetyës ntaakës.

Biblia Mixe de Quetzaltepec

⁵¹ Ja y'u'unk ja më''ëka'anypë myiinyën naaxwiiny, jä'ä txëëwmooy Manasés ets y'ënäny: Tiosës të xytyukja'atyëkoy ja nmonyë ntukyës ets ja ëxëëkpë tsaatsypë mëti'ipës të nmënaxy të nyajnaxyën ets ja njëëky nmëku'ukës, nteetyës ntaakës.

Génesis 41:51 ပူးပေါင်းရင်းမြစ်များ

Salmos 30:5

Yë'ë tsojk'am yë tsyip y'äkë tmëët'aty, yë'ë y'oyjyot ijtëëp xëmë maapaat njuuky'ajtëmën. Pën jë'ëyëm yaxëm koots, komjëpom jotkujk nyajpaata'anëmë.

Proverbios 31:7

Wä'än t'uuktë, këtiipë nëkoo tmëmay tmëtajtëty ja y'ëyo'on jyotmayëty.

Salmos 30:11

Jä'ä ko tëë xyaj'awinpity yë një'ëyënës nyaxënës äjtsën pujtën; tëës yë nwit xytyuknijääntu'uty mëti'ipë kuumpën u'kxpën etsës të xtyukxoxy mëti'ipë ja'ay myëxëëw'ijxypyën.

Deuteronomio 33:17

Ko yë José y'ëna'k'ajty oy mëk ojts jyä'äy'äty, jëtu'un mëk jyä'äy'äjty tä yë tsajpkaa u'unkën, mëk yajpaty, tä tu'uk yë tsajpkaani'kxën tunkëjxmëpë. E yë'ëts ënät tyam miimp ets tjä'ä'ata'any ja naax kam mapaat ja naaxwiinyëtë y'ëwtityën. Yë'ë yaj'antijtëp yë Efraín yë jyä'äy, yë Manasés yë jyä'äyëty.

Génesis 41:30

ets ok myina'any näjyëtu'un wëxtujk jëmëjt ma ka'ap tii y'ita'any wyintëwa'anyën. Ni pën nëjkx tkaja'amyetsy wi'ix ënety winë të y'ëk'ijt të y'ëkwintëëpën ma Egiptë nyaaxjotmën, jä'ä ko ja yuu xëëw yë'ë yajma'ta'ajäämpy ja naax kajpn.

Isaías 65:16

Ko ënety pën ma naax kajpnën t'amëtoy ja näkyënu'kxë, Dios y'amëtowëp, mëti'ipë tëyajtën winë tyuunpyën; ko ënety pën tii tnikajpxa'any ëkë tnikajpxpäta'any, Dios nëjkx ja xyëëw tkajpxpatëyë, mëti'ipë tëyajtën winë tyuunpyën. Ja ëyo'on jotmay mëti'ipë ënety të y'ityën, nëjkxëp yajja'atyëkooytyääynyë, ets ka'ap nëjkx maa y'ëkyaj'ijxnë.

Isaías 57:16

Ëjts ka'apës xëmë nnaax nkajpn yë pyoky ntukwinmëtowa'any, ets ka'apës xëmë ntukjoot'anpëka'any; këtiipë ja'ay myontëty tyuktëty mëti'ipës të nyajkojyën.

Salmos 45:10

Mëtoow'it, mijts u'unk mijts nëëx; yajxon ja'akyukë mëti'ipë yam ntuk'ënëëmëjäämpyën: Ja'atyëkoy yë mteety mtaak ets tëkokyë yë mjëëky mmëku'uk,

Génesis 48:5

E tyam ënät yë mmaank Efraín ets Manasés, mëti'ipë të myintën naaxwiiny yaa Egiptë, maas ënety ka'anëm nminyëm yaa ma mijts myajpaatyën, ëjts yë njä'ä'ajtëp. Jëtu'unës yë njawëtë tääjës njawëtën yë Rubén ets Simeón.

Génesis 41:50

Ka'anëm ënety ja yuu xëëw tsyo'ontä'äkynyëm, ko yë José yë tyo'oxytyëjk, mëti'ipë xyëëwajtypyën Asenat, tyajmëxu'unk'ajty nimäjtsk yë y'u'unk myääy.

Génesis 41:52

Ja mëmäjtskpë jä'ä txëëwmooy Efraín ets y'ënäny: Tiosës yë u'unk maay të xymyo'oy ma ja naax kajpnën maas mëk të n'ëyoyën.

Génesis 48:1

Ko jëtu'un ja xëëw jëmëjt nyäjxy, ënät yë José ojts yajtuk'ëwaanë ko ënety jam ja tyeety pyëjkënë. Ënet ojts ja José ja tyeety ninëjkxy mëët nimäjtsk ja myaank, mëti'ipë xyëëwajtëpën Manasés ets Efraín.

Josue 14:4

Yë José yë y'u'unk y'ok mäjtskpëky ënety nyäwyä'kxyë, tu'kpëky mëti'ipë ja Manasés jyä'äy'äjtypyën ets tu'kpëky mëti'ipë ja Efraín jyä'äy'äjtypyën, e jä'äts ja Leví ja'ayëty ka'ap ojts nitu'knu'un yajmo'otë ja nyaaxëty; yi'iyë yajmooytyë ja kajpn ma tsyëënëtëtyën ets wäänë ja naax ma tyajtänëtyën ja jyëyujk tsyajpkaajëty.

Josue 17:1

Ya'atë jëtu'un ja itjot naaxjot mëti'ipë ojts tyuka'ajëtën ja Manasés ja jyä'äy, mëti'ipë kyä'äxkopk'ajtypyën yë José. Mëjëyëjp ja Maquir mëti'ipë kyä'äxkopk'ajtypyën yë Manasés, yë Galaad yë tyeety. Tsip'ixy ijty yajxon, yë'ë ojts tyuka'ayë ja Galaad ja y'itjot nyaaxjot jampë yajpaatyën Galaad ets Basán, a'oytsyow wyi'imy ma ja Jordán mëjnëëjën.

1 Samuel 1:20

Tä ja Aná ja y'u'unk myääy tyajja'ajty naaxwiiny ets txëëwmooy Samuel. Jä'ä ko ja Wintsën ënety të tpëjktsoy.

Job 11:16

nëjkxëp xyjyä'äytyëkoy ja m'ëyo'on mjotmay; jëtu'un nëjkx xyjyä'äytyëkoy tä yë nëë pyëyi'ikyën,