Génesis 41:46 - Biblia Dc en Mixe de Quetzaltepec

⁴⁶ I'px majk ënety yë José yë jyëmëjt ko ojts yajmënëjkxy ma yajkutujkpën, mëti'ipë ënety ënä'ämpë'ajtpën jap Egiptë. Ënet yë José nyäy'ëxmajtsë mëët yë yajkutujkpë ets tyëjkëy jëtijtpë maajaty ja kajpnën. T'aye'ey t'anaxy maajaty ja naax kajpnë mëti'ipë Egiptë nyitënääpyën.

Biblia Mixe de Quetzaltepec

⁴⁶ I'px majk ënäty yë José yë jyëmëjt ko ojts yajmënëjkxy ma yajkutujkpën, mëti'ipë ënäty ënä'ämpë'ajtpën jap Egiptë. Ënät yë José nyäy'ëxmajtsë mëët yë yajkutujkpë ets tyëjkëy jëtijtpë maajaty ja kajpnën. T'aye'ey t'anaxy maajaty ja naax kajpnë mëti'ipë Egiptë nyitënääpyën.

Génesis 41:46 ပူးပေါင်းရင်းမြစ်များ

Génesis 37:2

Yaa yajnimëtyä'äky yë Jacob yë jyuukyajtën ets y'u'unk y'ëna'k. Ko ënety yë José majkmokx mäjtsk yë jyëmëjnë, tu'ukyë ijty mëët yë y'äjtyëjk kyupixyny këwent'atë. Yë y'u'unk y'ëna'k yë Bilhá ets Zilpá, yë tyeety yë y'atsoky tyo'oxytyëjk. Yë José yë'ë ënety tyuk'ëwa'anëtyääpy ja tyeety ko ja y'äjtytyëjkëty ëxëëk winë tuntë.

Génesis 41:47

Wëxtujk jëmëjt ojts winë y'ity wyintëy ets naaxwiinyëtë janty mayëty yë pëjktä'äky tyäjky.

Génesis 42:8

Oy ënety ja José tëë ja myëku'uk tja'ijxkajpta'ay, ja myëku'uk ka'ap y'ijxkapëtë.

Génesis 45:6

Mëmäjtsk jëmëjt tyam y'ity yë yuu ma naax kajpnën ets ja mëkoxk jëmëjt jyaak ita'any ma ka'ap tii y'ita'any wyintëwa'anyën, oy yë naax kam jyayajni'ip jyayajtunëty.

2 Samuel 5:4

David jä'ä ënety yë jyëmëjt i'px majk ko tyëjkëy tu'uwinwoowpë ets jä'ä ojts tyuny wëxtyikxy jyëmëjt:

1 Reyes 12:6

Ënet ja yajkutujkpë Roboam, tyajtëëy ja mëjja'aytyëjkëty, mëti'ipë ënety jeky të tmëtuntën ja Salomón, Roboam ja tyeety ko jyuuky'äjty, jëtu'un t'ënëmaay: ¿Wi'ix miits m'ëna'antë, wi'ixës tääpë ja'ay n'ëtsowtëty?

1 Reyes 12:8

E ja Roboam ka'ap ojts tkäjpxymyëmëtoy ja mëjja'aytyëjkëty, jä'ä ojts ja myë''ëna'ktëjk t'amëtoy ja winma'any mëti'ipë ënety mëët të yeekyën, japë tu'ukyë mëët tyuunmukyën,

Proverbios 22:29

Mëti'ipë ja'ay oytyuunk tyuunpyën, jam muum tyuunkpaaty ma y'itën yë yajkutujkpëtëjk ets ka'ap jyamëty ma ja'ayëtyën mëti'ipë ka'ap tii tkëjxm'atën.

Daniel 1:19

Ënet ja yajkutujkpë ojts myëëtmëtya'akëtë ets ja yajkutujkpë ka'ap ojts t'ixy nimëti'ipë wyijyëty ja ëna'ktëjk jëtu'un tä ja ëna'këtyën mëti'ipë txëëwajtëpën Daniel, Ananías, Misael ets Azarías, mëti'ipë ojts wyë'ëmtën jam ma ja kutujktaknën ets ja yajkutujkpë tmëtuntëty.

Daniel 1:4

ets twin'ixëty ja ëna'ktëjk mëti'ipë oyëtyën mëkëtyën, mëti'ipë kä'pxyëtyën, mëti'ipë wijyëtyën ets këpetyëtyën ets nyija'awëtyääytyëp winë ets mayëtëp tyuntëty ma ja kutujkëntaknën. Yë'ëjëty nëjkxëp yajtukni''ixëtë ja caldeo ja'ayëty ja y'aaw y'ayukëty ets ja y'ijxpëjkënëty.

Lucas 21:36

Jëjp'ixy xëmë myajpaatëty, ja'amyätstë ja Dios janaam jatsojk, jëtu'un ka'ap montëty mtuktëty oy ja ëyo'on jyatunyë, ets akujk jotkujk xywyinkuwa'akëtëty ja Jesukristë.

Lucas 3:23

I'px majk ënety ja Jesús ja jyëmëjt ko ja tyuunk tyajtso'ontäky. Jëtu'un ja ja'ay y'ëna'antë ko Jesús yë'ë José y'u'unk ets José Elí y'u'unk,

Judas 1:24

Ja tu'kpajkpë ja Dios, mëti'ipë të xyajnitsokëmën, myëët'ajtyp yë mëk'ajtën ets mkëwent'atëtëty këtiipë mka'atëty pokytyum, ets myaja'tëtëty ma ja xyoontakënën, ma yë'ë yajpaatyën tsuj xoontä'äky. Yë'ë patëp ja mëj'ajt oyajtën, ja kuttujkën, ja ënä'ämën, mëët ko ja nWintsën'ajtëm Jesukristë të nmëpëjkëm, tëëyëp, tyam ets xëmëkyëjxm. Jëtu'un y'itëty.

1 Samuel 16:21

Tä ja David jam myiiny ma ja Saulën ets ojts jam wyë'ëmnë, yë Saúl oy tukjotkëtäky yë David, paaty ojts tpëjktä'äky ets yë'ë pyutëkëtëty.