Génesis 41:43 - Biblia Dc en Mixe de Quetzaltepec

⁴³ Ënet ojts tyajpety ma ja kepy wintëkäämpën mëti'ipë ijty xëmë paye'eyëpën ets tyajmëjtu'unajxtë tu'kkajpnjoty ets tu'kë'ëyë ja'ayëty tyëjkëtyë yaxpë jojkpë ets y'ëna'antë: yaj'ëwa'atstë tu'u'aaw ma nyaxëtyën yë wintsën. Jëtu'un'äämpy ja José ojts tyëkë ënä'ämpë ma tu'kë'ëyë ja naax kajpnën mëti'ipë Egiptë nyitënääpyën.

Biblia Mixe de Quetzaltepec

⁴³ Ënät ojts tyajpety ma ja kepy wintëkäämpën mëti'ipë ijty xëmë paye'eyëpën ets tyajmëjtu'unajxtë tu'kkajpnjoty ets tu'kë'ëyë ja'ayëty tyëjkëtyë yaxpë jojkpë ets y'ëna'antë: yaj'ëwa'atstë tu'u'aaw ma nyaxëtyën yë wintsën. Jëtu'un'äämpy ja José ojts tyëkë ënä'ämpë ma tu'kë'ëyë ja naax kajpnën mëti'ipë Egiptë nyitënääpyën.

Génesis 41:43 ပူးပေါင်းရင်းမြစ်များ

Génesis 41:42

ënät ja yajkutujkpë nyätyukë'ëji'tstutë ja kyë'ëjiits, mëti'ipë ënety myëët'ajtypyën ja tsa'ayajtën mëët ko yajkutujkpë'aty ets tmooy ja José. Tääts ni'ënä'ämëy ko txoxtëty mëët ja wit oypyë ets mëti'ipë tsowën ets t'oytyuunëtëty näjyëtu'un ja nyantsëm pu'ts pujxnëpë.

Génesis 41:44

Tää ja yajkutujkpë näjyëtu'un y'ënëmaayë: Ëk'ix, oyës n'ëk'ity yaa mëj wintsën ni pën mëpaat kë'ëmwinma'any winë tkatuny ma tu'kë'ëyë Egiptë kajpn tnitänën, pën mijts ka'ap të xynyi'ënä'ämë ets pën ka'ap xy'ëwa'atsy.

Génesis 42:30

Ja ja'ay mëti'ipë jap ënä'ämpë'ajtpën Egiptë, janty ëxëëkëty të xy'ëktimmyëkajpxnëtës, etsës të xy'ënëëmëtë ko ëëtsëty je'eyës jap nëjkxtë kyajpnjoty ijxpë wo'ompë ets n'ixa'antës tii myëët'ajt kyamëët'ajtëp.

Génesis 42:33

Ënet të xy'ënëëmëtës: Tyam y'ëkjanty yaj'ixëty pën oy miitsëty yë mjot mwinma'anyëty xymyëët'atë. Ko yaa nitu'uk wyë'ëmëty yë mmëkä'äxëty ets nitu'uk xymyënëjkxtëty yë tsajpmok, mëti'ipë yë mteety mtaak ets mjëëky mmëku'uk jyë'kxtëpën pyëktëpën,

Génesis 42:6

Yë José yë'ë ënety ënä'ämpë ijtp jap Egiptë ets yë'ë ja tsajpmok tyukmëto'kpy ja ja'ay mëti'ipë miintëpën tsajpmok juupyë. Ko ojts ja y'äjtytyëjk jam jya'të ma yë'ëjën, ënät nyäjyijtakëtë yë'ë wyintum ets nyaaxkoowtë.

Génesis 45:26

Ko tukmëmëtyaktë ja tyeety Jacob ko ja myaank José juuky'ajtp ets yë'ë jap ijtp ënä'ämpë Egiptë, ka'ap yë Jacob tnija'awëy tii tyuunta'akëpën ets ka'ap ojts tmëpëky tsojk mëti'ipë yajtukmëmëtyakpën.

Génesis 45:8

Paaty Dios jëtu'un të xykyexyës ma ya'atë it naaxwiinyëtën ets ka'ap myiits'atë, yë'ëjës të xypyëjktä'äky win'ëëpë wiinkajpxpë ma yajkutujkpën ets wintsën n'itëtyës ma tu'kë'ëyë jyëën tyëjkën ets yajkutujkpë ma tëkokyë Egiptë tnitänën.

Génesis 50:18

Ënet ojts myintë ja myëkä'äxtëjk ets nyaaxkoowtë jam wyintum, nyäjyijtakëtë naaxkëjxy ets y'ënëmaayëtë: Tyaa ëëtsëty nyajpaatë mkë'ëjoty, jëtu'unës xywya'antëty tä mëtuunpë m'ëyoopën ka'apë yajmëjuyën.

Génesis 50:9

Ojts näjyëtu'un yë José pyanëjkxyë may yë ja'ay mëti'ipë kepy wintëkäämpëjoty nëjkxtëpën ets mëti'ipë këwaaykyijxyën ets jëtu'un janty nimay nyäpyatëtë.

Ester 10:3

Yë Jutiiyë ja'ay mëti'ipë xyëëwajtypyën Mardoqueo, jëjp'am ojts y'ity ma ja Asuero yajkutujkyën, mëj'äämpy ojts jyä'äy jyëkyepyë, tëkokyë mëti'ipë Judá ja'ayëtyën; tsojkë ja'awëyë mëk ja myëku'uktëjk, jä'ä ko ojts tmëmay tmëtajy ja nyaax kyajpn ets ojts tkuwa'any ets tnitsiptuny ja myëkunaax myëkukajpn ko ja amay jotmay tpatë.

Ester 3:2

Tëkokyë ja'ayëty mëti'ipë myëtuuntëpën ja yajkutujkpë, aak myëjpëjktaktëp ets aak wyinkoxtënaaytyëp ijty yë Amán, oymyaajëty ko muum wyinnaxëtë aak wintak naaxkoowtëp ja'ayëty, jä'ä ko jëtu'un ënety ja yajkutujkpë të tuknipëjktaakë; e ja Mardoqueo ka'ap tpatuuny jëtu'unpë ja ënä'ämën.

Eclesiastés 4:14

Oy n'ëna'anmëty ko ënety tpaaty ja xëëw jëmëjt yë ëna'k ja'ay kyutëkëjäämpy tääpë yajkutujkpë, oy ënety jyapëty pujxn tëkoty pyëtsimy, ëkë oy ënety jënu'un të y'ëyoy të jyotëkoy, tëëjës n'ixy ko jëtu'unpë ja'ay pyätyp yë näypyutëkë ma mayjyä'äyën.

Daniel 2:48

Ënet ja Babilonyë yajkutujkpë ojts tpëjktä'äky mëj wintsën ma ja Babilonyë kajpnën, ojts näjyëtu'un tmo'oy may yë näynyamo'ojë ets näykyumayë, ojts tuknipëky ets y'itëty yajkutujkpë ma ja y'itjotmën ja Babilonyë ja'ayëty ets yë'ë ojts näjyëtu'un tpëjktä'äky ets tniwintsën'atëty ja ijxpëkyjyä'äytyëjkëty mëti'ipë jam ma ja naax kajpn yajpatëpën.

Hechos 7:10

Ojts ja Dios yajpëtsëmyë amaayjoty jotmayjoty. Mooyë ja wijy'ajt kujk'ajtën ets ojts myëku'ukjawëty ja faraón mëti'ipë jap Egiptë yajkutujkpën, ets nyikajpxpäjtë näjyëtu'un kutuunk ma ja Egiptë kajpnën ets ma ja kutujkëntëjkën.

Filipenses 2:10

jëtu'un tääpë ja xëëw mëj'äämpy nyaxëty, mëti'ipë ja Jesús yajmooyën ets wyinkoxtänëtëty ni'ëmukë mëti'ipë jamën tsajpjotm, naaxwiiny ets naaxpa'tkë'p,