Génesis 41:37 - Biblia Dc en Mixe de Quetzaltepec

³⁷ Mëti'ipë ojts tkäjpxyën yë José janty'oy ojts yë yajkutujkpë tmëtoy mëët tu'kë'ëyë jënu'un ënety mëët y'ëne'emyën.

Biblia Mixe de Quetzaltepec

³⁷ Mëti'ipë ojts tkäjpxyën yë José janty'oy ojts yë yajkutujkpë tmëtoy mëët tu'kë'ëyë jënu'un ënäty mëët y'ëne'emyën.

Génesis 41:37 ပူးပေါင်းရင်းမြစ်များ

Hechos 7:10

Ojts ja Dios yajpëtsëmyë amaayjoty jotmayjoty. Mooyë ja wijy'ajt kujk'ajtën ets ojts myëku'ukjawëty ja faraón mëti'ipë jap Egiptë yajkutujkpën, ets nyikajpxpäjtë näjyëtu'un kutuunk ma ja Egiptë kajpnën ets ma ja kutujkëntëjkën.

Proverbios 25:11

Ko ja'ay jää tii tnikäjpxy ma ja aaw ayuk myëyätyën, jëtu'un nyäxy tä ujts tëëmën mëti'ipë aak pu'ts pujxnën ets mëët y'ijxëntëkë ja poop pujxn.

Proverbios 10:20

Yë wa'ats ja'ay jëtu'un yë y'aaw y'ayuk tä poop pujxnën; yë ëxëëkja'aytyëjk yë jyot wyinma'anyëty; nijënu'un kyatsoowpaaty.

Salmos 105:19

Ojts ja Dios ja y'aaw y'ayuk, wyinkëxë'ëky ma ja José ja jyuuky'ajtënën, koonëm y'atëëy mëti'ipë ënety ja José të tnikäjpxyën.

1 Reyes 21:2

Tu'kxëëw ojts yë Ahab t'ënëëmë yë Nabot: Mooykyës yë mkam ma jam xyaj'ityën yë mtsatym kyam, jamës ja një'kxy npëky npänëty nkojëty, paatyës ntsojkën'aty jä'ä ko winkon wyi'imy maajës yë nkutujktaknën. Tyam nmo'ojëty nän yë'ë tsatsymkyam je'eyëp ko jaakwäänë oy, ëkë pën m'ënaanp tyamës nkujuyëty.

2 Samuel 3:36

Ojts tja'akyukëtë ets ka'ap ojts wi'ix t'ëk'ënëmaaynyëtë, jä'ä ko tëkokyë mëti'ipë ja David ënety tyuunpyën, oy t'ixtë.

Josue 22:30

Ko ja teety Finees, ja mëjja'aytyëjkëty ets ja ja'ayëty mëti'ipë kyutënaaytyëpën ja jyiiky myëku'ukëty, mëti'ipë ënety jyämyëët'ajtëpën ja teety Finees, tmëtoowtë wi'ix y'ëna'antën ja Rubén, ja Gad ets nikujkwä'kxy ja Manasés ja jyä'äyëty, ojts oy tja'akyukëtë.

Génesis 41:36

Jëtu'un ja tsajpmok pëjkë'ëky wyë'ëmtëty ma ja kajpnën, këtiipë ja ja'ay y'ooktëty tyëkoytyëty mëët ja yuu xëëw, ma ënety wëxtujk jëmëjt winë ka'ap y'ity wyintëyën mëti'ipë itaanpën Egiptë.

Génesis 41:38

Tä ja yajkutujkpë y'ënëmaayëtë: ¿Jyëkyejpy jëtää ja'ay wiinkpë npatmëty mëti'ipë Dios wyijy'ajtën myëët'ajtëpënë?

Génesis 45:16

Jampaat ojts jëtu'unpë ja aaw ayuk jyä'ty, ma jam ja yajkutujkpë yajkutukyën, ko ja José ënety ja myëkä'äxtëjk të jya'të. Ënet ja yajkutujkpë ojts janty jotkujk nyäjyawëty, jam ma yajkutukyën mëët tu'kë'ëyë jënu'un ënety jam yajpaatën ets y'ënä'ämtën.