Génesis 41:14 - Biblia Dc en Mixe de Quetzaltepec

¹⁴ E ënät ja yajkutujkpë ojts nikäxë ja José, tä tim ënätyë tyajpëtsëëmtë pujxn tëkoty. Ojts ja José kyuwaay tyajkeepyë ets ojts yë wyit tjääntëkatsy, tä jëtu'un ja yajkutujkpë twinkuwa'këy.

Biblia Mixe de Quetzaltepec

¹⁴ E ënät ja yajkutujkpë ojts nikäxë ja José, tä tim ënätyë tyajpëtsëëmtë pujxn tëkoty. Ojts ja José kyuwaay tyajkeepyë ets ojts yë wyit tjääntëkatsy, tä jëtu'un ja yajkutujkpë twinkuwa'këy.

Génesis 41:14 ပူးပေါင်းရင်းမြစ်များ

2 Samuel 19:24

Ojts näjyëtu'un jyëjpaatë'ëkyë ja Mefi-bóset, yë Saúl yë myaank, maju'unëm yë David jam tsyo'onyën kajpntum ets jatëkok jyä'äjty. Yë Mefi-bóset ka'ap ënety të kyë'ëpujy të tyekpyujy, nän ka'ap ënety të nyäy'awaayjepyë, ni wyit ënety të tkapujy.

2 Reyes 25:29

Jëtu'un'äämpy ja Joaquín ojts ja wyit tjäänë mëti'ipë jap pujxn tëkoty myë'ijtypyën ets jä'ä mëët kyääynyë y'uknë ja Babilonyë yajkutujkpë, jëtu'un ojts jyaakjuuky'äty.

Ester 5:1

Kom tëkëëk xëëw ojts ja Ester nyäxyoxyë mëët ja wit tujkxy mëti'ipë to'oxytyëjktëjk wyit'ajtëpën mëti'ipë nyiye'etyëjk'ajtëpën ja yajkutujkpë ets ojts tninëjkxy ja yajkutujkpë jam ma yajkutukyën. Jap nyäjxy tëjkwiiny, jap wya'ak'a'awëy wintuuytsyow ma ja yajkutujktaknën.

Éxodo 10:16

Ja mëj'ënä'ämpë ënätyë tnikäjxëy yë Moisés ets Aarón, tä t'ënëmaay: Pokyës jëtu'un të njanty tyuny ma mTiosëtyën ets ma miitsëtyën.

Eclesiastés 4:14

Oy n'ëna'anmëty ko ënety tpaaty ja xëëw jëmëjt yë ëna'k ja'ay kyutëkëjäämpy tääpë yajkutujkpë, oy ënety jyapëty pujxn tëkoty pyëtsimy, ëkë oy ënety jënu'un të y'ëyoy të jyotëkoy, tëëjës n'ixy ko jëtu'unpë ja'ay pyätyp yë näypyutëkë ma mayjyä'äyën.

Isaías 61:10

Ëjts ntukxoontäkpyës yë Wintsën. Jotkujkës nnäjyawëty mëët yë Wintsën, jä'ä ko yë'ëjës të xyajtso'oky ets të xyajmëtä'äkyës. Jëtu'unës tä tu'uk ye'etyëjkën mëti'ipë pëkaanpën ets tpëjktä'äky yë kyujän ëkë tä tu'uk to'oxytyëjkën mëti'ipë pëkaanpën ets nyantsëm oyëtypë yajpëjktä'äky.

Isaías 61:3

Ja ja'ayëty mëti'ipë yajpatëpën mon tuk jam Sión, ka'ap nëjkx ja kuyjaam y'ëknätyukuwëjënëtë, yë'ë yajmo'ojantëp yë kujän mëti'ipë yajkutujkpëtëjk kyujän'ajtëpën, jotkujk nëjkx nyäyjyawëtë jëtu'un tä ja'ay jotkujk nyäjyawëtyën ko on pa'akxu'kpë txuuk'aty, ëy xoontä'äky jää itaanp ets ka'ap nëjkx pën kyumay kyutajë. Ets nëjkx yajtijtë xoj kepy mëti'ipë të myëtä'äkyën, mëti'ipë ja Wintsën të tkojyën ets yë'ë nëjkx mëët yajtuk'ixy yë myëj'ajt y'oyajtën.

Daniel 2:25

Ënet ja Arioc ojts twoownëjkxy ja Daniel jam ma ja yajkutujkpën Nabucodonosor ets t'ënëmaay: Ma yë jutië ja'ayëty tëëjës tu'uk npaaty yë ja'ay mëti'ipë nyija'apën wi'ix yë mkuma'ay nyiwijyën.