Génesis 40:23 - Biblia Dc en Mixe de Quetzaltepec

²³ Mëti'ipë ja uuky nyiwintsën'ajtypyën ka'ap ojts t'ëkja'amyäjtsnë wi'ix ënety ja José të jya'ënë'ëmxëtyën.

Biblia Mixe de Quetzaltepec

²³ Mëti'ipë ja uuky nyiwintsën'ajtypyën ka'ap ojts t'ëkja'amyäjtsnë wi'ix ënäty ja José të jya'ënë'ëmxëtyën.

Génesis 40:23 ပူးပေါင်းရင်းမြစ်များ

Job 19:14

Yë njëëky nmëku'ukës ets ja'ayëty mëti'ipës mëët oy nämyäyën tëëjës xy'ëxmajtsta'atë; mëti'ipë ijty tsënaaytyëpën maas yë njëën ntëjkën tëëjës xyjyä'äytyëkooynyëtë. Yë ntuunpës jëtu'unës xy'ijxnëtë tä oy pën ja'ayën; ka'apës xy'ëk'ixkajpnëtë.

Salmos 31:12

Jëtu'unës të xyjyä'äytyëkooynyëtë tëës yowë n'o'knë. Jëtu'unës ëjtsnë tä tu'uk yë tu'tsën tëëpë tyukpu'ujëtyääynyën.

Salmos 105:19

Ojts ja Dios ja y'aaw y'ayuk, wyinkëxë'ëky ma ja José ja jyuuky'ajtënën, koonëm y'atëëy mëti'ipë ënety ja José të tnikäjpxyën.

Amós 6:6

mëjatyëty yë m'a'ukën xy'ixtë mëti'ipë mtuk'ukëtyëpën, aakjä'ä mnätyukja'axëtëp ja oyëtypë ja tsooy xyuukyën, ka'ap xymyëmay xymyëtajtë oy wi'ix yë naax kajpn jyatëty.

Génesis 41:1

Kommäjtsk jëmëjt, tu'uk xëëw ojts yë yajkutujkpë wyinkuma'ay, jam nyäjyawëty tyänë ma mëjnëëpa'ajën, mëti'ipë xyëëwajtypyën Nilë.

Génesis 41:9

Ënet y'ënäny, ja mëti'ipë ja uuky nyiwintsën'ajtypyën: Tyamës nja'amyetsy ko ojts tëkok ëxëëk n'ëtë'ëtyës.

Ester 6:3

Ënet ja yajkutujkpë tyajtëëy: ¿Wi'ixën ojts yajkukajpxë tääpë ja'ay ets tii ojts yajmo'oy yë Mardoqueo ko tyajtsoky ja yajkutujkpë Asuero? Nitii kyayajmooy, jëtu'un y'ëtsoowtë ja tyuunpëtëjk.

Salmos 31:13

Wa'atsës nmëtoy ko yë ja'ay ame'tsyë myëtya'aktë: kutsë'ëkë yajpaaty oymyaajëty. Tu'ukyë të nyäkyajpxëtë etsës xyaj'ooka'antë.