Génesis 40:19 - Biblia Dc en Mixe de Quetzaltepec

¹⁹ kom tëkëëk xëëw yë mëj yajkutujkpë tnipaye'eyä'äny yë mpoky ets myajyo'ktëyä'äny ma tu'uk yë kepyën, yë joon jëyujk yë'ë mnini'kx nëjkx tsyu'utsyë.

Biblia Mixe de Quetzaltepec

¹⁹ kom tëkëëk xëëw yë mëj yajkutujkpë tnipaye'eyä'äny yë mpoky ets myajyo'ktëyä'äny ma tu'uk yë kepyën, yë joon jëyujk yë'ë mnini'kx nëjkx tsyu'utsyë.

Génesis 40:19 ပူးပေါင်းရင်းမြစ်များ

Génesis 40:22

e mëti'ipë ja tsajpkääky nyiwintsën'ajtypyën, ojts ni'ënä'ämë tääts yajyo'ktëyëty, jëtu'un ijxtëm ënety yë José të tyajniwijyën.

Gálatas 3:13

Tëë ja Kristë xyajpëtsë'ëmëmë ma ijty kajpxpoky n'ijtëmën, jä'äkyëjxm ko ja Kristë ojts nyätyukjä'ätijyë ja kajpxpojkën mëti'ipë ënety ëëts njä'ä'ajtëmën, jëtu'un këxja'ay myiny: Kajpxpoky tu'kë'ëyë winë y'ity mëti'ipë kepykyijxy këx'o'kpën.

Hechos 20:27

jä'ä ko tëë xëmë ntuk'ëwaanëtë mëti'ipë ja Dios tsyojkpyën, ka'apës tii të nkuyu'utsy.

Ezequiel 39:4

E mijts, mëët yë mtsiptuunpëtëjk ets ja naax kajpn mëti'ipë mjämyëët'ajtëpën, ooky nëjkx kya'ata'atë ma Israel kopkën. Jam nkë'ëyaka'antë ets nëjkx mtsu'utsëtë lut majkwejkxy, kaa ets tsa'any.

Proverbios 30:17

Mëti'ipë ja'ay ja tyeety y'ëxëëk'ijxypyën ets je'eyë ja tyaak tnëxi'iky tukxi'iky ko myëjja'ayënë, tääpë jëtu'unpë ja'ay nitëjkëyëp ets lut tsyu'tspëtsë'ëmxëtëty yë wyiin ets witsn y'awoon y'apotëtëty.

2 Samuel 21:10

Ënet ja Rizpa o'ktëy nyäxyojxë, ja Aiá nyëëx; yë'ë pyëjktak yë tukwit mëti'ipë tëë ëxëëk jyajtaaynyën mëët ja monyëtukyë mëti'ipë ënety myënajxyp yajnajxypyën, jamts tsaakëjxm nyäjyëpijptakë. Jam jëtu'un ja xëëw jëmëjt tyajnajxy tyimtso'ontäky ma ja pëjktä'äky cebadë ënety myëjaawë'ëkyën koonëm ja ja'ay tpëjkmujktaay tuunmujktaaytyë ja pyëjktä'äkyëty ets pyotmtëjkëy, ka'ap tuktsu'ty ja lut majkwejkxy ja o'kpë.

2 Samuel 21:6

yë'ëjës ntsojktëp etsës niwëxtujk yë jyä'äy xytyukkë'ëtëkëtëty, etsës jam ntëyë'ëktëty Wintsën wyintum jam Guibeá ma ja Saúl tnitänën, ja Saúl mëti'ipë yë Wintsën kë'ëm wyin'ijxën. Ja yajkutujkpë ojts tkupëky ja mëti'ipë yajtukmëmëtyakën,

1 Samuel 17:46

E tyam yë'ëts yë Wintsën mkë'ëyakanëp ëjts nkë'ë'amjotmës, tyam nyaj'ookäämpy yam ets nëëpuxa'anyës yë mkëpajk. E tëkokyë yë jyot nyini'kxëty yë tsiptuunpëtëjkëty mëti'ipë filistejë ja'ayëtyën, ooykyës yam ntuk'ajëpijpëtya'aja'antë yë joon jëyujk, jëyujk ëwa'anëtypë mëti'ipë jëtijtëpën aayjoty ujtsjoty. Jëtu'unts nijawëtëty tëkokyë yë ja'ayëty naaxwiinyëtë apëtsëmy ko tää tu'uk yë Dios yajpaaty ma Israel ja'ayëtyën.

1 Samuel 17:44

Ëpëky t'ënëmaay: Nimiinkës yaa winkon, wä'änës yë mxixy yë'ë nmo'oy yë joon jëyujk ets nyätyuk'ix nyätyukmëyatëtëty, ëkë jëyujk mëti'ipë ëwa'anëtyën, aayjotypë ujtsjotypë jyëtitën.

Josue 10:26

Yë Josué ojts tyaj'ooky ja nimëkoxkpë ja yajkutujkpëty ets tkutëëy ma tu'uk yë kepyën, tu'ukjaty jam ojts tyajxëëwnaxy.

Josue 8:29

Ja yajkutujkpë Aí kepykyëjxm yë Josué tkutëëy ets jëtu'un y'o'ky koonëm ja xëëw kyëtäky, tääts ni'ënä'ämëy ets tyajënaktëty ets jam tsaanipiwtëty ma ja kajpn yajnitëkën. Tsyampaat tääpë tsaanipiy yajpatpnëm jam.

Génesis 41:13

E jëtu'un të tyuny të jyätyë ijxtëm ojts y'ënä'änyën. Ëjts tëëjës jatëkok ja ntuunk npaaty ets ja tu'ukpë ojts ja jyänty yajyo'ktëy.

Génesis 40:17

Yë katsy mëti'ipë këjxm ijtpën myëët'ajtyp ënety yë tsajpkääky janty xu'kxëtypë, mëti'ipë ja yajkutujkpë kyäyäämpyën. E yë joonëty jëyujkëty yë'ë ënety jyänty jyë'kxtëp mëti'ipës nkukë'ë'ajtypyën.

Génesis 40:13

kom tëkëëk xëëw yë yajkutujkpë mijts jatëkok mja'amyätsa'anyë ets mpëjta'aka'anyë ma mtuunkën, tääts je'eyëm jatëkok ja y'a'ukën xytyukkë'ëkonëty, tä ijty xytyuunk'atyën.

Génesis 40:18

Ënet yë José y'ëtsooy: Yë mkuma'ay tyaa nyiwija'any: yë tëkëëk katsypë tsajpkääky, tëkëëk xëëw yë'ë,

Génesis 40:20

Kom tëkëëk xëëw yë yajkutujkpë yë xyëëw tpaty ets mëj nyänyixëëwtuunë wyoowtaay tu'kë'ëyë ja'ayëty mëj'äämpyëtypë. Jam ma mayjyä'äy ënety të myuktën, jam ojts yë yajkutujkpë tnikäxë yë pujxntëjkja'ayëty, mëti'ipë nyiwintsën'ajtëpën yë uuky ets tsajpkääky, tääts pyëtsëmtëty pujxn tëkoty.