Génesis 4:14 - Biblia Dc en Mixe de Quetzaltepec

¹⁴ Tyamës mijts xy'ëxkexy yaa naaxwiiny. Kopkpëky ko ëjts ënät jëtu'unyë n'anëty npojëty ets nmëjëkäm'atëty. Ets po'kxën nijëna'ajës nka'ixëty. E koos muum pën xypyaatëty tääjës xyaj'ook xyajtëkoyëty.

Biblia Mixe de Quetzaltepec

¹⁴ Tyamës mijts xy'ëxkexy yaa naaxwiiny. Kopkpëky ko ëjts ënät jëtu'unyë n'anëty npojëty ets nmëjëkäm'atëty. Ets po'kxën nijëna'ajës nka'ixëty. E koos muum pën xypyaatëty tääjës xyaj'ook xyajtëkoyëty.

Génesis 4:14 ပူးပေါင်းရင်းမြစ်များ

Génesis 3:24

Ko ënety tëë ja Ye'eytyëjk jap tju'tnë kamjoty, ënät nyäpyëjktakëtë jam awinmtsow ja Wintsën ja kyukäjpxy ets tu'uk yë tëypyujxn jëënmëët wyojpminy wyojpxëpy xiitsow yaatsow, yë'ë kyëwent'ajtëp ja jë'kxykyam. Jä'ä këtiipë pën tmëwinkonëty ja ujtstëëm mëti'ipë myëët'ajtypyën ja juukyajtën.

Génesis 4:13

Ënet yë Caín t'ëtsooy yë Dios: Ëjts ka'apës nmëmëta'akëty jëtu'unpë ëyo'on jotmay mëjpë tsaatsypë.

2 Samuel 14:7

E tyamts ënätnë aak xymyëtsip'ajtnëpës ja njëëky nmëku'uknë, yë'ë tyäty tsyojktëp etsës nkë'ëyakëty ja nmaankës mëti'ipë ojts ja myëku'uk tyaj'ookyën, e tääpë nmaankës yi'iyë tu'uk njaak'u'unk'ajtypyës, ko yë'ë y'ookëty tim këjxp tim najxp ënety ja ntiktsës n'aatsës ets ka'ap pën y'ëkwë'ëmnëty pën ja näykyumayë yamo'ojëpën ets pën yajjuuky'it yajtsuxk'itëp ja niye'etyëjkës ja xyëëw.

Salmos 109:10

Wä'än yë y'u'unk y'ëna'k jëtu'unyë t'antë tpojtë ets t'amëtowtë yë wit meeny muum. Wä'än tyaj'ëxwoptë ma ja tyëjkëtyën mëti'ipë tëë xit ko'ow jyajtaaynyën.

Salmos 109:12

Ka'ap pën pya'ëyowëtëty jëtu'un yë'ë ets näjyëtu'un yë y'u'unk y'ëna'k mëti'ipë të wyë'ëmtën ku'ooky.

Salmos 143:7

Wintsën, ëtsoowinpijtkës pojën, ëjts xejykyukëjxëpës. Këtiis yë mputëjkën xytyukwintuk'ookëty këtiipës n'ookëty ntëkoyëty.

Proverbios 14:32

Yë ëxëëk ja'ay kë'ëm ëxëëk nyätyunyë ko ëxëëk y'ëti'itsy y'ënä'äny; e yë ja'ay mëti'ipë tëy tëtä'äky winë tyuunpyën, yë'ë kuwanëp ma mëtëy tyu'uye'eyën.

Proverbios 28:1

Yë ëxëëk ja'ay nëkooyë jyänty kye'eky jyänty pyuty oy pën kyapapo'oyë; yë wa'ats ja'aytyëjk akujk jotkujk tyimnäjyawëtë jëtu'un tä kaajën.

Isaías 8:22

Ko nëjkx jyanaxku'ixëtë, yi'iyë pyaatantëp ja monyëtukyë ets kupi'its kukoots wyë'ëma'antë.

Jeremias 52:3

Paatykyëjxm ojts yë Wintsën tukjoot'anpëky yë Jerusalén kajpn ets Judá kajpn ets timy'ixkejxy. Ja Sedequías tkäjpxykyumëtoownajxy yë Babilonyë yajkutujkpë.

Oseas 13:3

Paatykyëjxm jëtu'un jyata'antë tä nëëma'a yaj'ixyën jopyëp; tä maanik kyä'äyën ets ënätyë tyëkoy; tä aaykyëta'ak wyimpapojyën; tä jok pyëtsimyën jëëntooytyaknjoty.

Mateo 25:41

Ënet ja yajkutujkpë t'ënëëmëja'any ja ja'ayëty mëti'ipë yajpatëpën anajnytsyow: Winwa'ktutëkës, miitsëty yë'ë mpat mnitëjkëyëtëp ets ëxëëk mjatëty, nëjkxtë jap jëënjoty ma jëën nijëna'a kyapi'itsyën, mëti'ipë të yajtuknipëjktaakën yë mëjku'u mëët yë y'anklëstëjk.

Mateo 25:46

Ja ëxëëk ja'ay ëts jap yë nyëjkxa'antë ëyoowtaknjoty, e ja wa'ats ja'ayëty jap ja nyëjkxa'antë ma juukyajtën yajpaatyën xëmëkyëjxmëpë.

Deuteronomio 28:64

Yë Wintsën jëtu'unyë nëjkx mwojpwa'kxëtë naaxwiinyëtë apëtsëmy. Jam wiink naax wiink kajpn wiink tios nëjkx xy'ëwtajnëtë. Jä'ä ja awinax mëti'ipë tsaa ets kepy mëët y'oytyunyëtyën; mëti'ipë ja m'ap m'ok ka'ap nijëna'a t'ixyajtën.

Deuteronomio 28:65

Ko ënety jam myajpatnë wiink naax wiink kajpn, ninu'un nëjkx mkajotkujk'aty ets ninu'un nëjkx jam mkapo'kxy. Jä'ä ko yë Wintsën yë'ë nëjkx t'ëwa'atsy ets je'eyë xëmë mtsë'ëkëty mjawëty, ja mwiin mjëjp nëjkxëp kyiixë'knë, mjatsokëp jam ja jotkujk'ajtën.

2 Tesalonicenses 1:9

Yajtëytyunantëp xëmëkyëjxm ets jëkäm yajpëjkta'aka'antë ma ja Wintsën ka'ap y'ixëtëty, ma ka'ap tpaatëtyën ja Wintsën ja myëj'ajtën jyääntyajtën ets myëk'ajtën.