Génesis 39:14 - Biblia Dc en Mixe de Quetzaltepec

¹⁴ ënät tmëkajpxmujky ja tyuunpë, mëti'ipë ënety jamëtyën ets t'ënëmaay: Ëk'ixtë, ja hebreo mëti'ipë wyoowmiinën ja nniye'etyëjkës, je'eyë xynyëxik xytyukxiknës. Tëë xynyitëkës ntëkoty ets atsip të xyjyamëët'ita'anyës, e ëjts ënetyës të nyujkyä'äxy.

Biblia Mixe de Quetzaltepec

¹⁴ ënät tmëkajpxmujky ja tyuunpë, mëti'ipë ënäty jamëtyën ets t'ënëmaay: Ëk'ixtë, ja hebreo mëti'ipë wyoowmiinën ja nniye'etyëjkës, je'eyë xynyëxik xytyukxiknës. Tëë xynyitëkës ntëkoty ets atsip të xyjyamëët'ita'anyës, e ëjts ënetyës të nyujkyä'äxy.

Génesis 39:14 ပူးပေါင်းရင်းမြစ်များ

Génesis 10:21

Sem, yë y'äjty yë Jafed nän tam ijty yë y'u'unk. Tu'kë'ëyë y'u'unkëty yë Éber yë'ë y'u'unk y'ok yë Sem.

Génesis 14:13

E tu'uk yë ja'ay mëti'ipë ënety të kyäktso'okyën ma ja tsipën, ojts myiny ma ja Abram, hebreo ja'ay jam yajpaatyën, jampë tsyëënën xojjoypyë'am ma tjä'ä'atyën yë Mamré ja Amor ja'ay. Tääts yajtukmëmëtyäky ko ënety yë Lot të yajmatsy ets të yajmënëjkxy. Yë Mamré tu'kmëkä'äx ënety mëët yë Escol ets Aner, yë'ëjëty oy ënety mëët yë Abram nyäyaj'itëtë ets näpyutëjkëtëp ko muum tsyippaatë.

Génesis 39:13

Ko t'ijxy ko tëë ja José ja wyit tyukmë''ëxmatsëty kyë'ëkëjxm,

Génesis 39:15

Ko jëtu'un të tmëtoy nyujkyä'äxyës amëjaaw, tääts të pyëtsimy pëyi'ikyë, ix tyaa ja wyit jëtu'unyë të tnipëyë'ktu'uty.

Génesis 39:17

Tä näjyëtu'un tukmëmëtyäky ets t'ënëmaay: Yë tuunpë hebreo, mëti'ipë ojts xyajja'tyën, yë'ë jap të tyëkë ntëkotyës etsës të xyjyamëët'ita'any atsip.

Génesis 39:7

Jëtu'un tu'kxëëw tu'kjëmëjt ja wyintsën yë tyo'oxytyëjk ojts ja José janty'oy t'ixy, ënät y'ënëmaayë: Mëët'ijtkës.

Génesis 40:15

Ëjts jamës ojts tsoony ma hebreo ja'ayëtyën yë nyaaxjotëtyën, e ëjts ka'apës nitii poky të ntuny, koos yaa tsumy xyaj'itë.

Salmos 120:3

¿Tii mnapaatëp mijts aaw yä'än ko je'eyë m'anta'akëty?

Salmos 35:11

Tä ja'ay mëti'ipë poky nyikajpxëpën ka'apë myëtëyëtyën ets ënät tyajtëwtë ka'apës nijawën.

Proverbios 10:18

Antakp yë ja'ay mëti'ipë ka'ap tyajkëxë'ëkyën ko myëku'uk t'ëxëëk'ixy, ets tsuuwinma'any yë'ë ko yajnikäjpxy yajnimëtyä'äky xii yaa muum yë pi'tskäjpxy.

Isaías 51:7

Mëtoow'itë ya'atë aaw ayuk, miitsëty ninu'un xynyijawëtën mëti'ipë mëtëyën, miitsëty naax kajpnëty mëti'ipë kyupëjktëpën ja n'ijxpëjkënës. Këtii xymyëjpëjkta'aktëty oy pën wi'ix m'ënë'ëmxëtëty, këtii xymyëmon xymyëtukëty ko m'ojëtëty,

Isaías 54:17

Je'eyëp ko ka'ap ni pën myäyë tyajkojëty ja tujn pujxn mëti'ipë jeexyë mijts myaj'atëkooyëpën. Aak amonyë nëjkx ja'ay xyajwë'ëmta'ay mëti'ipë ënety mni'ë'ënëyëpën. Nyajmëtäkpyës ja ja'ay mëti'ipës oy xymyëtuunpën. Jëtu'un ja Wintsën y'ënä'äny.

Ezequiel 22:5

Jëkämpë ets wiinkonpë naax kajpn nëjkxëp mnëxi'iky mtukxi'ikyë, kajpn tëëpë mëj'äämpy nyäxyën mëët ko wiink tios të xy'ëwtaty ets ko ëxëëk të m'ëtë'ëtsy të m'ëna'any.

Mateo 26:59

Ja teety wintsëntëjk, ja mëjja'aytyëjk ets ja ijxpëkyjyä'äytyëjkëty yajxon ja winma'any t'ixta'atë wi'ix ja Jesús tyajpokytyëkëja'antën ets tyaj'ooka'antë.

Mateo 5:11

Jotkujk miitsëty myajpaatëty ko ja'ay m'ojëtëty mya'axëtëty ets m'ixjëtit mpajëtitëtëty ets mnipëtë'ëkëtëty ets mni'antaakëtëty mëët ëjtskyëjxm.

Lucas 23:2

Jamts tni'ë'ënëtyë ets y'ënantë: Tëës ya'atë ja'ay nkupaatëtë ko t'akajpxë ja naax kajpn. Jëtu'un y'ënä'äny ets ka'ap yajmo'ojëty ja këpäjtën ja yajkutujkpë kopk César ets nän ënaanp ko yë'ëty Kristë, yajkutujkpë.

2 Corintios 6:8

Jëna'ajëtyës pën xykyamëj'ixtë ets jëna'ajëty pën xyajjotma'atës; jëna'ajëty nyajnimëtya'aktës ëxëëk oyës ja mëtëypyë njanimëtya'aktë.

1 Pedro 2:20

Pën yë'ë myajtuktëytyuuntëp ko jam tii xytyuuntëkoytyë, ¿tii oyajtën ënety mtuuntëp oy xykyu'ëyowëtëty ja mpokyëty? Pën jä'äts mku'ëyo'owëtëp ko oy tii xytyuntë ets mmä'kxtuktë, yë'ë jëtu'unpë ja Dios y'oyjya'ap.