Génesis 39:11 - Biblia Dc en Mixe de Quetzaltepec

^11-12 Tu'uk xëëw ojts yë José tyëkë tëkoty ets ja tyuunk tyaj'apaatëja'any, e kom ka'ap ënety jap pën, ënät ojts ja to'oxytyëjk myätsyë ma ja nyijänën ets y'ënëmaayë: Mëët'ijtkës. Yë José ojts pyëtsimy pëyi'ikyë ets t'ëxmajtsy ja nyijän ma ja to'oxytyëjkën.

Biblia Mixe de Quetzaltepec

^11-12 Tu'uk xëëw ojts yë José tyëkë tëkoty ets ja tyuunk tyaj'apaatëja'any, e kom ka'ap ënäty jap pën, ënät ojts ja to'oxytyëjk myätsyë ma ja nyijänën ets y'ënëmaayë: Mëët'ijtkës. Yë José ojts pyëtsimy pëyi'ikyë ets t'ëxmajtsy ja nyijän ma ja to'oxytyëjkën.

Génesis 39:11 ပူးပေါင်းရင်းမြစ်များ

Génesis 39:10

Oy ënety ja wyintsën ja tyo'oxytyëjk tyäty myäy tyäty tyäjy ko myëëtko'knëtëty ets yë'ë timmëët'atëtëp, ja José ka'ap ja tunyë këwentë.

Job 24:15

Yë ja'ay mëti'ipë yë nyiye'etyëjk ëkë tyo'oxytyëjk ka'ap twinkutsë'ëkën yë'ë y'ëwxijtyp jëna'a kyootsë ets je'eyë wyiin jyëjp t'aju'uxtuky, këtiipë pën y'ixëtëty.

Proverbios 9:17

Yë nëë mëti'ipë yajmä'tspën, wäänë pa'ak jyawë, yë tsajpkääky mëti'ipë yajkääpyën ayu'utsy, ni'ik xu'kx jyawë.

Jeremias 23:24

¿Pën ëkmayëtëp nyäyu'utsëtëty maajës winë n'ixyën? Ëjts tamës nyajpaaty tsajpkëjxm ets naaxwiiny. Ëjts Wintsën, ëjts ënaanp.

Malaquías 3:5

Yë Wintsën mëti'ipë maaytyääyëpën winë jëtu'un y'ënä'äny: Minaanpës ets miitsëty nipaye'eya'antë. Näyjyëtu'un kë'ëm n'ixa'any nmëtowa'anyës wi'ix ënety yajtuntën ja mëti'ipë najtsja'awëtëpën, mëti'ipë ka'ap twintsë'ëkën ja nyiye'etyëjk ëkë ja tyo'oxytyëjk; mëti'ipë nanëkoo ëëwpäjn kajpxpäjn wyäämpyën yë Dios yë xyëëw; mëti'ipë ka'ap tsow tmëjuyën yë tyuunpë, je'eyë mëk tyajtuny; mëti'ipë o'ktëy tyuunpyën ja ku'ookytyo'oxy ets ja ku'ooky u'unk; mëti'ipë yaj'ëyoopyën ja jaaypyaat jaaypyo'kxy ets mëti'ipë ka'ap wyinkutsë'ëkën.

Efesios 5:12

Tsëtyu'un je'eyë xytyukpatmëp ko nnimëtyakmëty mëti'ipë tyuuntëpën ayu'utsy ame'tsyë.

Efesios 5:3

Miitsëty mëti'ipë ja Dios ja'ay'ajtëtëpën jëtu'un mjuuky'attëty ijxtëm pyaat'atyën ko myajpaatë ma ja Dios ja kyajpnën, yë'ëpaat ka'ap xynyimëtya'aktëty ma ja ye'etyëjk to'oxytyëjk kanaak tmëët'atën oypyënëty ëkë ma ëxëëk tuunk tyajtu'uye'eytyën.