Génesis 38:10 - Biblia Dc en Mixe de Quetzaltepec

¹⁰ Yë Wintsën ka'ap jëtu'un oy t'ijxy ko jëtu'un yë Onán y'ëti'itsy, paaty ojts ja jyuukyajtën tpëjkë.

Biblia Mixe de Quetzaltepec

¹⁰ Yë Wintsën ka'ap jëtu'un oy t'ijxy ko jëtu'un yë Onán y'ëti'itsy, paaty ojts ja jyuukyajtën tpëjkë.

Génesis 38:10 ပူးပေါင်းရင်းမြစ်များ

Génesis 46:12

Yë Judá jä'ä y'u'unk y'ëna'k xyëëwajtë: Er, Onán, Selá, Fares ets Zara. Er mëët yë Onán jam ënety të y'ooktë Canaán. E yë y'u'unk y'ëna'këty yë Fares jä'ä xyëëwajtë Hesrón ets Hamul.

Hageo 1:13

Ënet ja Hageo, yë Wintsën yë kyäjpxynyajxpë, ojts y'ënë'ëmxëtë mëët yë Dios xyëëwkyëjxm: Jëtu'un yë Wintsën y'ënä'äny: Ëjts Wintsën, jëtu'unës yam nnikäjpxy ko yajpatpës mëët miitsëty.

Jeremias 44:4

Kanaak ok njakejxyës yë nkäjpxynyajxpës ma miitsëtyën ets jeexyë m'ënë'ëmxëtë ko këtii xytyuntëty mëti'ipës n'ëxëëk'ijxypyën.

Proverbios 24:18

jä'ä ko yë Dios ka'ap t'oyjyawëty ko jëtu'un t'ixëty, yë tsyip y'äkë nëjkxëp jam tjëëpëky ma yë'ëjën.

Proverbios 14:32

Yë ëxëëk ja'ay kë'ëm ëxëëk nyätyunyë ko ëxëëk y'ëti'itsy y'ënä'äny; e yë ja'ay mëti'ipë tëy tëtä'äky winë tyuunpyën, yë'ë kuwanëp ma mëtëy tyu'uye'eyën.

1 Crónicas 21:7

Yë Dios ka'ap tukjotkëtäky ya'atë jëtu'unpë winma'any, paaty tkexy ja ëyo'on ma Israel kajpnën.

2 Samuel 11:27

Ko jëtu'un ja monyëtukyë nyiwatsë, ënät ja David ojts twoownë jam ma ja tyëjkën ma ja kutujkëntëjkën ets mëët pyijky, ja to'oxytyëjk ojts tu'uk ja u'unk maay tyajminy tyaja'ty naaxwiiny. E ja Wintsën ka'ap oy t'ijxy ijxtëm ënety ja David të y'ëti'itsyën.

1 Samuel 2:25

Pën yë ja'ay myëtëkoopy yë myëku'uk, yë Wintsën jyëkyejpy nyipaye'eyëtëty, e pën tu'uk yë ja'ay myëtëkoopy yë Dios. ¿Pën jää nëjkx y'ëknipaye'eyë? Yë'ëjëty ka'ap tmëtoowkujkëtyë oy jëtu'un ja tyeety jya'ënëmaayëtë, jä'ä ko yë Wintsën tëë ënety tuknipëjktaakë ko yaj'ooka'anëtë.

1 Reyes 17:20

Tääts tyëjkëy jëëytyak nu'kxtakpë, mëk jyänty kyäjpxy, tmënpëjktsoy ja Wintsën ëmuumtu'ukjot: Wintsën, mëti'ipës n'ëwtajtypyën. ¿Ka'ap yowë tyim oy'ajnë ets mijts ya'atë to'oxytyëjk o'ktëy xytyimtunëty, maas nja'ajtä'äkyën, ko xyaj'ookanë ja y'u'unk?

1 Crónicas 2:3

Ja Judá y'u'unk y'ok jä'ä xyëëwajtë: Er, Onán ets Selá. Ja tyaakëty ya'atë nitëkëëkpë ëna'këty, jä'ä ijty xyëëwajtyp Sua, Canaán ja'ay. E yë Er mëti'ipë Judá kyä'äxkopk'ajtypyën ëxëëk ijty jyä'äy'äty paaty ojts yë Wintsën pyëjkëty yë jyuukyajtën.