Génesis 37:35 - Biblia Dc en Mixe de Quetzaltepec

³⁵ Yë Jacob yë y'u'unk y'ëna'k ojts jya'ënë'ëmxëty ets jeexyë ka'ap mon tuk y'ëkyajpatnë, e yë'ë ka'ap t'a'ijxëy, ni'ikyë tyëjkëy moonpë tujkpë, ko pën wi'ix y'ënë'ëmxëty ets ijty y'ënä'äny: Nimon nitukëpës yë n'u'unk nmaay ijxtë koonëmës n'ookëty, täätsës mëët jatëkok näpyaatëtëty o'kpë akujky.

Biblia Mixe de Quetzaltepec

³⁵ Yë Jacob yë y'u'unk y'ëna'k ojts jya'ënë'ëmxëty ets jeexyë ka'ap mon tuk y'ëkyajpatnë, e yë'ë ka'ap t'a'ijxëy, ni'ikyë tyëjkëy moonpë tujkpë, ko pën wi'ix y'ënë'ëmxëty ets ijty y'ënä'äny: Nimon nitukëpës yë n'u'unk nmaay ijxtë koonëmës n'ookëty, täätsës mëët jatëkok näpyaatëtëty o'kpë akujky.

Génesis 37:35 ပူးပေါင်းရင်းမြစ်များ

Génesis 25:8

Ënet ojts y'o'knë ma ënety të myëjja'ayënën. Jam ojts nyaaxtëkë ma ja y'aptëjk nyaaxtëkëtën tëëyëp.

Génesis 31:43

Ënet yë Labán t'ëtsooy yë Jacob: Yë to'oxy'ëna'këty ëjts yë n'u'unk ets yä'äy ëna'k u'unkëty ëjts näjyëtu'un yë n'ok'u'unk n'ok'ëna'k, e näjyëtu'un yë jëyujk ëjts yë njä'ä. Tu'kë'ëyë jënu'un ya'atë tyam xy'ixyën aak'ëjts yë njä'ä. E koos n'ëkmay n'ëktajy, ¿wi'ixës jëtää nkë'ëm'u'unk nkë'ëm'ëna'k n'ëktuna'any. Etsës yë n'ok'u'unk n'ok'ëna'k tiijës n'ëktukpaatäämpy?

Génesis 35:29

Mëjja'ay yë Isaac ojts y'o'knë tyëkooynyë, ja nimäjtskpë ja y'u'unk ojts yajnaaxtëkëty, Esaú ets Jacob.

Génesis 42:31

Ënet ëëtsëty të n'ënëëmëtë ko ka'apës jëtu'un nja'ay'atë, nijëna'a ëëtsëty maa nkanëjkxtë kajpntum je'eyë ijxpë wo'ompë;

Génesis 42:38

Tä yë Jacob y'ëtsooy: Yë n'u'unkës ka'ap yë mpanëjkxëtëty, ojts yë y'äjty José y'ooky, e yi'iyë tu'uk jaakwë'ëmp, ko tii jyatëtëty kyëpätëtëty ma mnëëye'eya'an ntu'uye'eya'antën, mijts ënety yë poky mëët'ajtëp ko ya'atë mëjja'ay y'ookëty mëët yë monyëtukyë.

Génesis 45:28

Tä ojts y'ënä'äny: Mëët yi'iyës ko nijawë koos yë nmaank José juuky'ajtp, oyës nëjkx n'ixy naamka'anëm n'ookynyëmës.

Génesis 48:11

Ënet näjyëtu'un yaj'ënëmaay yë José: Ëjts ka'apës ënety n'ëk'ënanë jatëkok n'ixëty mijts, e tyam mijts jatëkok n'ixy npaaty ets Dios jëtää näjyëtu'un ënaanp ets m'u'unk m'ëna'k njaak'ixëtyës.

2 Samuel 12:17

Ja mëjja'aytyëjkëty mëti'ipë ënety yajpatëpën ma ja kyutujktaknën ojts tjaninëjkxtë ets tjä'ënëmaaytyë jeexyë pyëti'iky ets kyäyëty, yë'ë ka'ap tkupëjky ets ka'ap kyääy mëët yë'ëjëty.

2 Samuel 12:23

E tyam ma të y'o'knën, tiijës ntuunta'akëp, oyës jënu'un n'ayuu'atëty etsës nu'kxta'akëty, ka'ap yë'ëkyëjxm ënät jyuukpyëkëty. Ëjts jamës jëna'a mëët näpyaatëtëty, e yë'ë ka'ap tjëkyepy jatëkok yaa min xypyäätyës.

2 Samuel 19:1

Ko ja ja'ay tnija'awëtyë ko ja yajkutujkpë wiinkëm ja y'u'unk Absalón tpa'ëyoownë ets tnijëëy tniyäxnë, ënät ojts ja Joab tuk'ëwaanëtë. E jëtu'un'äämpy ja mëti'ipë ënety tyijtëpën jeexyë ja yajkutujkpë tukxoontä'äky mëët ko të myëta'aktë, monyëtukyë ojts y'awinpity.

1 Crónicas 7:22

Efraín mëk ojts tyeety nyimony nyitukyë, oknëm myiintë ja jyiiky myëku'ukëty ets ojts yajjotkujkta'akëtë jatëkok.

Job 2:11

Tam ijty yë Job tmëët'aty yë myëku'uktëjk mëti'ipë mëët oy nyämyäyën, jä'ä xyëëwajtëp: Elifaz, jam tsyëënë Temán; yë Bildad, jam tsyëënë Súah ets Sofar, jam tsyëënë Naamát. Ko tnija'awëtyë ko tëë Job ja yuu pa'am pyäätyë, ënät ojts tninëjkxtë ets tjämyëët'ata'antë ma jam pyikyë y'ixyën.

Salmos 77:2

Koos ëjts mon tuk nyajpaaty, yë Wintsën yë'ëjës pojën n'ixtääpy ets ninu'unës nkapo'kxy, nxajë'kpyës yë nkë'ë xëëny koots ets njanty Tyios mëkäjpxyës. Yë njot n'anëmës ninu'un kyajjotkujk'aty.

Salmos 77:3

Koos yë Dios nja'amyetsy, täätsës ntëkë yaxpë; ntëkës ënät määpyë tajpë etsës jëtu'unyë nkumon nkutukë.

Eclesiastés 9:10

Mëti'ipë jyëkyejpyën mëpaat xytyunyën tun ets winë aaw winëjot xytyunëty; jä'ä ko jap o'kpëjutjoty ma mnëjkxa'anyën ka'ap jap tii yajtuny yajkäjpxy, ka'ap jap tii yajmëmay yajmëtajy ets ni ijxpëjkën ets ni wijyajtën jap kyä'ty.

Jeremias 31:15

Jëtu'un yë Wintsën y'ënä'äny: Jam tu'uk mëto'owën të tsyoony Ramá, ja'ay jam jëëpy yaxp mon tuk. Yë Raquel jam nyiyäxyp yë y'u'unk y'ëna'k ets ka'ap të tsoky pën yaj'ëmonëtëty, jä'ä ko tëë ja y'u'unk y'ëna'k y'o'kta'ay.