Génesis 37:20 - Biblia Dc en Mixe de Quetzaltepec

²⁰ Mintë wä'än nyaj'o'këmë ets muum n'apëjkëmëty nëëjutjoty ets n'ëna'anmëty ko jëyujk të myätsyë ets të yaj'ookyë. Tä n'ëkjanty'ijxmëty, pën ëk'atëëp ja wyinkuma'ay.

Biblia Mixe de Quetzaltepec

²⁰ Mintë wä'än nyaj'o'këmë ets muum n'apëjkëmëty nëëjutjoty ets n'ëna'anmëty ko jëyujk të myätsyë ets të yaj'ookyë. Tä n'ëkjanty'ijxmëty, pën ëk'atëëp ja wyinkuma'ay.

Génesis 37:20 ပူးပေါင်းရင်းမြစ်များ

Tito 3:3

Tëëyëp näjyëtu'un ijty ntsuu'ajtëmë, ka'ap nmëmëto'owëm ja Dios, tëkoy ijty nyajpatëmë. Ja atsojkën ets mëti'ipë ni'ik ntukjotkëtakëmën yë'ë ijty xyaj'ijtëm ijxtëm ja mëtuunpën ëne'empyë y'ityën. Ëxëëk ijty nja'ay'ajtëmë, ntuk'ëxëëk'ijxëm ijty winë ja nmëku'uk'ajtëmë, ëxëëk ijty nyajpatëmë ets ëxëëk näy'ijxëmë xim yam.

Proverbios 27:4

Yë äkë toyë oy myëkëty, ets joot'an yaj'atëkoopy winë, e yë joot'an'ajtën tsip yë ja'ay tkumä'kxëty.

2 Reyes 2:24

Ja Elisejë ko tni''ijxwinpijty, yajxon t'ijxwatstaay, ets tpojky mëët yë Wintsën yë xyëëw. Tam ënety jëtu'un yajpaatë ko nyipëtsëëmëtë jam yukjotm nimäjtsk mëj osë ets tsyuts'taayëtë, niwëxtyikxy mäjtsk y'o'ktë.

Juan 3:12

Pën ka'ap miits xymyëpëktë ko ntukmëmatya'aktë mëti'ipë yaa naaxwiinyëtën, ¿wi'ix xymyëpëka'antë ko ntukmëmëtya'aktëty mëti'ipë tsajpjotmën?

Proverbios 10:18

Antakp yë ja'ay mëti'ipë ka'ap tyajkëxë'ëkyën ko myëku'uk t'ëxëëk'ixy, ets tsuuwinma'any yë'ë ko yajnikäjpxy yajnimëtyä'äky xii yaa muum yë pi'tskäjpxy.

Proverbios 6:17

ko ja'ay nyämyëjaw nyäjyääntyjyawëty, ko ja'ay wyin'ëëny, ko ja'ay yaja'ay'ooky nanëkookyëjxm,

Proverbios 1:16

jä'ä ko janty näjyotkëjxëtëp ets ëxëëkpë tuntëty. Janty poj'am timtyunankojtë winë, ets ja ne'pny jä'ä tyimtäman tyimjä'ätsantëp.

Salmos 64:5

Aakyë'ë nyäjyotmëkmo'ojëtë ets winë ëxëëk tuntëty; yajxon tnimay tnitajëtë wi'ix muum yë myëku'uk yu'utsytyuuy tyajkëtaw tyajkëpiptëty ets ënät myäytyë tyajtë ko ka'ap pën y'ixëtë,

1 Reyes 13:24

tää ojts nyijxy. E tamtsën ënety jëtu'un tyu'uye'ey ko jam tu'ujotm y'aye'eyëy tu'uk yë mëj kaa, tim näyaj'o'kë; ja käjpxynyajxpë ja nyini'kx jëtu'unyë ojts jam wyi'imy wijtstëy tu'ujotm. E ja krukts ets ja kaa je'eyë nyaaxmë'ixëyë.

1 Samuel 26:2

Ënet ja Saúl poj'am tsyo'ony, mëët ja tsyiptuumpëtëjk nitëkëëk mil aakyë'ë mëti'ipë tsip'ixëtyën ets jotmëkëtyën jam ma Israel kajpnën, jam tnitso'ony ma ja it txëëwatyën Zif ets ja David t'ixta'aja'any.

Proverbios 28:13

Mëti'ipë ja'ay kyuyu'tsypyën yë pyoky, ka'ap oy jyuuky'ata'any; e mëti'ipë nyikäjpxypën ko tyuuntëkoy nëjkxëp yajpokymye'kxy.

1 Samuel 24:20

Tyamës yajxon nijawë ko mijts jëtu'un nëjkx jëna'a myajkutujkpë'aty ets Israel yë nyaax kyajpn nëjkxëp jëna'a yeeky pyety.

Génesis 37:19

Jëtu'un nyäy'ënëmaayëtë xim yam: Ëk'ixtë, xim myiny ja mëti'ipë tyäty wyinkumaapën.

Génesis 37:26

Ënet yë Judá t'ënëmaay yë myëkä'äxtëjk: ¿Tii mpatmëp ko yë n'uty'ajtëm nyaj'o'kmëty ets ënät ok nkuyu'tsmëty, ko ënety ëtsajtëm të n'ëkyaj'o'këm?

Génesis 37:32

ets tuknikäjxtë ja tyeety mëët ya'atë aaw ayuk: Ya'atës të npaatë, ëk'ix yajxon, pën yë'ë m'u'unk yë wyit.

Génesis 37:33

E ko yë Jacob t'ijxwatsy ko yë'ë y'u'unk ja wyit ne'pnymyëëtpë, ënät y'ënäny: Pën yë'ëjës yë n'u'unk yë nyijän, tii jëyujk ënät të myätsyë ets të yaj'ookyë, të y'atsu'uts të tyuktsu'utsëty.

Génesis 45:3

Ënet ja José t'ënëmaay ja myëkä'äxtëjk: Ëjts jëtu'un José. ¿Jamës ja nteety jyuuky'ätynyëmë? Tä ojts nyäy'ëtsë'ëkëtë ko ojts tjawëtë ko tam twin'u'unyëtë ets ka'ap ënety t'ëkjëkyäjpnë y'ëtsowtëty.

Proverbios 1:10

Pën m'ijxyp ko yë pokyjyä'äytyëjk je'eyë nëkoo mwin'ëëna'any mwinxaja'anyë, këtii xy'ëwa'atsëty, u'unk maay.

Isaías 28:15

Ëëtsëty ka'apës yë o'kën tëko'oyën ntsë'ëkëtë jä'ä ko tëëjës yë käjpxytyu'unën mëët ntuntë, paaty tyam oy jënu'un jyaminëty yë ëyo'on jotmay, nitiijës xykyajata'antë; tëëjës nijawëtë ko n'antakmëty jotkujk jam n'ijtmëty, ets ko nwin'ë'ënmëty, npatmëp ja tsoktakn.