Génesis 37:2 - Biblia Dc en Mixe de Quetzaltepec

² Yaa yajnimëtyä'äky yë Jacob yë jyuukyajtën ets y'u'unk y'ëna'k. Ko ënety yë José majkmokx mäjtsk yë jyëmëjnë, tu'ukyë ijty mëët yë y'äjtyëjk kyupixyny këwent'atë. Yë y'u'unk y'ëna'k yë Bilhá ets Zilpá, yë tyeety yë y'atsoky tyo'oxytyëjk. Yë José yë'ë ënety tyuk'ëwa'anëtyääpy ja tyeety ko ja y'äjtytyëjkëty ëxëëk winë tuntë.

Biblia Mixe de Quetzaltepec

² Yaa yajnimëtyä'äky yë Jacob yë jyuukyajtën ets y'u'unk y'ëna'k. Ko ënäty yë José majkmokx mäjtsk yë jyëmëjnë, tu'ukyë ijty mëët yë y'äjtyëjk kyupixyny këwent'atë. Yë y'u'unk y'ëna'k yë Bilhá ets Zilpá, yë tyeety yë y'atsoky tyo'oxytyëjk. Yë José yë'ë ënäty tyuk'ëwa'anëtyääpy ja tyeety ko ja y'äjtytyëjkëty ëxëëk winë tuntë.

Génesis 37:2 ပူးပေါင်းရင်းမြစ်များ

Génesis 10:1

Yaa yë xyëëw myintë mëti'ipë y'u'unk'ajt y'ëna'k'ajtëp Sem, Cam ets Jafed. Ja y'u'unk y'ëna'k ja Noé mëti'ipë ojts pyëktë y'uuktën ets tmëët'ajtë ja y'u'unk y'ëna'këty ma ënety ja mëk komtuu të nyajxnën.

Génesis 2:4

Ya'atë jëtu'un yë nyimëtyä'äky, wi'ix ojts yë tsajp ets naaxwiinyëtë kyojtën. Ko yë Wintsën ojts tyajkojy yë tsajp ets naaxwiinyëtë,

Génesis 30:4

Jëtu'un yë Raquel ojts yë Jacob tmo'oy yë tyuunpë ets tmëët'atëty ijxtëm jeexyë to'oxytyëjk'atyën. Ënet yë Jacob ojts yë Bilhá tmëët'aty,

Génesis 30:9

Ko yë Lea t'ijxy ko ka'ap ënety yë u'unk t'ëkpat t'ëk'ijxnë, ënät ojts tmo'oy yë Jacob ja tyuunpë mëti'ipë xyëëwajtypyën Zilpá ets tmëët'atëty yë Jacob jëtu'un ijxtëm jeexyë to'oxytyëjk'atyën.

Génesis 35:22

Jam ënety yë Israel të tsyënaaytyaknpëjknëtë ko yë Rubén ojts tmëëtko'knë yë Bilhá, mëti'ipë ënety ja tyeety të tmëmäjtsk to'oxytyëjk'atyën. Ko yë Jacob tnija'awëy ko ënety jëtu'un yë Rubén të y'ëti'itsy, ënät ojts yajxon jyantyjyoot'anpëky. Yë Jacob yë y'u'unk y'ëna'këty nimajkmäjtsk ojts y'itë.

Génesis 41:46

I'px majk ënety yë José yë jyëmëjt ko ojts yajmënëjkxy ma yajkutujkpën, mëti'ipë ënety ënä'ämpë'ajtpën jap Egiptë. Ënet yë José nyäy'ëxmajtsë mëët yë yajkutujkpë ets tyëjkëy jëtijtpë maajaty ja kajpnën. T'aye'ey t'anaxy maajaty ja naax kajpnë mëti'ipë Egiptë nyitënääpyën.

Génesis 42:8

Oy ënety ja José tëë ja myëku'uk tja'ijxkajpta'ay, ja myëku'uk ka'ap y'ijxkapëtë.

Génesis 45:6

Mëmäjtsk jëmëjt tyam y'ity yë yuu ma naax kajpnën ets ja mëkoxk jëmëjt jyaak ita'any ma ka'ap tii y'ita'any wyintëwa'anyën, oy yë naax kam jyayajni'ip jyayajtunëty.

Génesis 46:34

Miitsëty jä'ä xy'ënëëmëtëty, ko jëyujk këwent'ajtk tsajpkääky këwent'ajtk mtuunk'ajtëp, jëtu'un ijxtëm ja m'ap m'okëtyën. Jëtu'unts jam miitsëty mtsënaaytyaknpëktëty ma ja it naaxwiinyëtë txëëwatyën Gosen. Jä'ä ko yë Egiptë ja'ayëty ka'ap yë nyäkyutëkëtë mëët yë mëti'ipë tyuunk'ajtëpën yë kupixyny këwent'ajtk.

Génesis 5:1

Yaa jëtu'un kuja'ay myiny ja y'u'unk y'okëty yë Adán. Ko yë Dios ojts tyajkojy yë naaxwiinyëtë ja'ay. Jëtu'un ojts tyajkojy ijxtëm yë Dios kë'ëm y'ixëtyën.

Génesis 6:9

Ya'atë jëtu'un nyimëtyä'äky'äjtyp yë Noé. Ko yë Noé jyuuky'äjty, jëtu'un ojts winë tuny ijxtëm ja Dios y'ëne'emyën. Yë'ë tu'uk ojts oy jyuuky'äty ma ja naaxwiinyëtë ja'ayëtyën.

Juan 7:7

Mëti'ipë ka'ap ja Dios nijawëtën ka'ap tjëkyepy miits m'ëxëëk'ixëtëty; je'eyëp koos xy'ëxëëk'ijxtëpës yë'ëjëty, jä'ä koos nnikäjpxy ko ka'ap tii oy tuntë.

1 Corintios 1:11

Paatyës jëtu'un n'ëna'any jä'ä ko tëëjës xytyuk'ëwaanëtë ja Cloé jyiiky myëku'ukëty ko miits mnämyëtsip'atëtë.

1 Corintios 11:18

Mëtu'kpëky ëjts të nyajtukmëmëtyä'äky ko miits mye'eymyuktë, ma ja Dios xywyintsë'ëkëja'antën, këëkjä'ä xyajtu'uye'eytyë ja mtuunkëty; e ëjts nmëpëjkpyës.

1 Corintios 5:1

Jëtu'un yajnijawëy'äty ko tam ma miitsëtyën nitu'uk mëti'ipë ëtëtsnajxpën. Yë'ë mëj tëko'oyën nyäxy ko ja'ay kyutaak to'oxytyëjk'aty. Jampaat jëtu'unpë ka'ap yajkupëky ma ja ja'ayëtyën mëti'ipë ka'ap ja Dios tmëpëktën.