Génesis 36:9 - Biblia Dc en Mixe de Quetzaltepec

⁹ Ya'atë y'u'unk'ajt y'ok'ajt yë Esaú, mëti'ipë txëëwajtën Edom ja'ayëty ets jam ojts tsyëënëtë jyuuky'atë ma ja kopkjot txëëwatyën Seir.

Biblia Mixe de Quetzaltepec

⁹ Ya'atë y'u'unk'ajt y'ok'ajt yë Esaú, mëti'ipë txëëwajtën Edom ja'ayëty ets jam ojts tsyëënëtë jyuuky'atë ma ja kopkjot txëëwatyën Seir.

Génesis 36:9 ပူးပေါင်းရင်းမြစ်များ

Génesis 19:37

Ja mëjpë ja nyëëx ojts tu'uk ja y'u'unk tyajmëxu'unk'aty mëti'ipë xyëëwmooyën Moab, mëti'ipë ojts ja y'u'unk y'ëna'k yajtijtën Moab ja'ayëty.

Génesis 32:3

Ënet yë Jacob mäjtsk tëkëëk tkejxy yë tyuunpë jam Seir ma ja nyaaxjotmën ja Edom, tääts tuk'ëwaanëja'any ja y'äjty Esaú ko tää wyinkony.

Génesis 32:4

Ya'atë aaw ayuk tyuknikäjx: Jëtu'un xy'ënëëmëty yë n'ajtyës Esaú: Yë m'uty Jacob yë'ëjës xytyukmëkäjxëp ya'atë aaw ayuk ets m'ënë'ëmxëty: Jamës të n'ity të ntsëënë ma Labán yë jyëën tyëjkën, jënu'un ya'atë xëëw jëmëjt të nyäxyën.

Génesis 36:10

Ya'atë y'u'unk'ajt y'ëna'k'ajt yë Esaú. Tu'uk txëëwaty Elifaz, yë'ë y'u'unk yë Ada, Esaú tyo'oxytyëjk; wiinkpë txëëwaty Reuel, yë'ë y'u'unk yë Basemat yë Esaú tyo'oxytyëjk.

Génesis 36:43

Magdiel ets Iram. Esaú, mëti'ipë näjyëtu'un yajtijpën Edom. Ya'atë ja'ayëty mëti'ipë xyëëw të yajkajpxnaxtën yë'ë ojts nikopk'atë yë jyä'äyëty ma Edom nyaaxjotmën, jëtu'un ijxtëm yë nyaaxjotmëtyën ma ënety tsyëënëtën jyuuky'atën ets tu'kë'ëyë mëti'ipë ënety jyä'ä'ajtëpën.

Génesis 36:8

Paaty yë Esaú, mëti'ipë näjyëtu'un yajtijpën Edom, ojts jam tsyo'onë ets nyëjkxnë tsënääpyë ma jam ja kopkjot txëëwatyën Seir.

1 Crónicas 4:42

Ëpëky ojts nimëkoxk mëko'px jam Seir nyëjkxtëpë, jä'ä ja Simeón ja y'u'unk y'ok, yë'ë tu'uwinwoowëtë Pelatías, Nearías, Refaías ets Uziel, myaank yë Isí, Simeón jyä'äy,

Abdías 1:1

Mëti'ipë ja Dios ojts tuknijawën ja Abdías käjpxynyajxpë. Tëës yë aaw ayuk tmëtowtë, yë Wintsën yë y'aaw y'ayuk; mëti'ipë ja naax kajpn të tukjëtijtëtyä'äyën ets të y'ënä'äny: Ja'amtë, ja'am ntsiptu'unëmë mëët ja Edom. Jëtu'un yë Dios mëti'ipë Wintsën'ajtpën tnimëtyä'äky yë Edom.

Deuteronomio 2:5

Ets këtii nëkoo xykyë'ënitontëty, jä'ä ko yë'ëjëty ka'apës nitu'knu'unën yë nyaax nkë'ëyakanëtë. Tääpë Seir kopk, yë'ë jyä'ä'ajtëp yë Esaú yë y'u'unk y'ok. Ëjts yë kë'ëm të nmo'otë.

Josue 24:4

e yë Isaac mäjtsk ja myaank y'ijty, Jacob ets Esaú. Yë Esaú yë'ëjës ojts nmo'oy ja Seir tunjot kopkjot ets yë'ë tnaax'atëty; yë Jacob ets y'u'unk y'ëna'k Egiptë ojts nyëjkxtë.