Génesis 36:8 - Biblia Dc en Mixe de Quetzaltepec

⁸ Paaty yë Esaú, mëti'ipë näjyëtu'un yajtijpën Edom, ojts jam tsyo'onë ets nyëjkxnë tsënääpyë ma jam ja kopkjot txëëwatyën Seir.

Biblia Mixe de Quetzaltepec

⁸ Paaty yë Esaú, mëti'ipë näjyëtu'un yajtijpën Edom, ojts jam tsyo'onë ets nyëjkxnë tsënääpyë ma jam ja kopkjot txëëwatyën Seir.

Génesis 36:8 ပူးပေါင်းရင်းမြစ်များ

Génesis 14:6

e ja Hor ja'ayëty jam ojts yajmëmëta'aktë ma ja kopkjot txëëwatyën Seir ets ojts yajpapo'otë jampaat ma ja joyjotm txëëwatyën Parán, winkon wyë'ëmnë mëët ja të'ëts'itjotm.

Génesis 25:30

ets y'ënëmaayë: Mooykyës wäänë yë mtuka'any tampë xyyaj'oyën. Ëk'ix, mëpaatëpës, yë yuu xyaj'o'knë. Paatykyëjxm yë Esaú yajtijp näjyëtu'un Edom.

Génesis 32:3

Ënet yë Jacob mäjtsk tëkëëk tkejxy yë tyuunpë jam Seir ma ja nyaaxjotmën ja Edom, tääts tuk'ëwaanëja'any ja y'äjty Esaú ko tää wyinkony.

Génesis 32:4

Ya'atë aaw ayuk tyuknikäjx: Jëtu'un xy'ënëëmëty yë n'ajtyës Esaú: Yë m'uty Jacob yë'ëjës xytyukmëkäjxëp ya'atë aaw ayuk ets m'ënë'ëmxëty: Jamës të n'ity të ntsëënë ma Labán yë jyëën tyëjkën, jënu'un ya'atë xëëw jëmëjt të nyäxyën.

Génesis 36:1

Ya'atë y'u'unk'ajt y'ëna'k'ajt yë Esaú, mëti'ipë näjyëtu'un yajtijpën Edom.

Génesis 36:43

Magdiel ets Iram. Esaú, mëti'ipë näjyëtu'un yajtijpën Edom. Ya'atë ja'ayëty mëti'ipë xyëëw të yajkajpxnaxtën yë'ë ojts nikopk'atë yë jyä'äyëty ma Edom nyaaxjotmën, jëtu'un ijxtëm yë nyaaxjotmëtyën ma ënety tsyëënëtën jyuuky'atën ets tu'kë'ëyë mëti'ipë ënety jyä'ä'ajtëpën.

Génesis 36:9

Ya'atë y'u'unk'ajt y'ok'ajt yë Esaú, mëti'ipë txëëwajtën Edom ja'ayëty ets jam ojts tsyëënëtë jyuuky'atë ma ja kopkjot txëëwatyën Seir.

1 Crónicas 4:42

Ëpëky ojts nimëkoxk mëko'px jam Seir nyëjkxtëpë, jä'ä ja Simeón ja y'u'unk y'ok, yë'ë tu'uwinwoowëtë Pelatías, Nearías, Refaías ets Uziel, myaank yë Isí, Simeón jyä'äy,

2 Crónicas 20:10

E tyam, ja Amón ja'ayëty, ja Moab ja'ayëty ets mëti'ipë jam tso'ontëpën ma y'itjotëtyën ja Seir ja'ayëty, ma ojts xynyikäjpxyën ko ka'ap jam ja Israel ja'ayëty nyëjkxtëty ko jap tsyo'ontë Egiptë, je'eyë ojts tnaye'eytyë ets ka'ap wi'ix tuuntë.

2 Crónicas 20:23

Jä'ä ko ja Moab ja'ayëty ets ja Amón ja'ayëty ni'ikyë ojts tnipëtë'knëtë ja Seir ja'ayëty, mëti'ipë jam tso'ontëpën, ko tyaj'o'ktaaytyë tääts aakyë'ë nyänyiwa'këtyë ets nyäyaj'o'këtë jaxim jayam.

Jeremias 40:11

Näyjyëtu'un yë jutiiyë ja'ayëty mëti'ipë jam yajpatëpën Moab, Amón, Edom ets ma wiinkëtypë kajpnën, ojts tnijawëtë ko ënety yë yajkutujkpë të tpëjktä'äky yë Guedalías jam ënä'ämpë.

Abdías 1:1

Mëti'ipë ja Dios ojts tuknijawën ja Abdías käjpxynyajxpë. Tëës yë aaw ayuk tmëtowtë, yë Wintsën yë y'aaw y'ayuk; mëti'ipë ja naax kajpn të tukjëtijtëtyä'äyën ets të y'ënä'äny: Ja'amtë, ja'am ntsiptu'unëmë mëët ja Edom. Jëtu'un yë Dios mëti'ipë Wintsën'ajtpën tnimëtyä'äky yë Edom.

Abdías 1:3

Tëë mwin'ëënyë ja mmëj'ajt mkëjxm'ajtën. Mijts jam muum mjuuky'äty tsaatunkëjxm ëkë muum tsaajutjoty, paaty të mmay të mtajy ko ka'ap jam nipën mkutijnaxëtëty.

Malaquías 1:3

n'ëxëëk ijxës yë Esaú. Ja nyaax kyajpn ja Esaú, mëti'ipë ënety kopkjotmën, aanë'ëk tëëtsë'ëkës ojts nyaj'awinpity ets ja nyaax kyam mëti'ipë ënety myëët'ajtypyën yi'iyë jëyujk ëwa'anëtypë jam tënääpy.

Deuteronomio 2:22

Yaa näjyëtu'un ojts jyäty kyëpety tä yë Esaú yë y'u'unk y'ëna'k tyajkutëkooytyën ja Hor ja'ayëty, jampë ijty tsyëënëtën Seir ets ko tyajkutëkooytyääytyë tääts ojts ja nyaax tniwa'këtë.

Deuteronomio 2:4

Jëtu'un xy'ënëëmëty ja naax kajpn: Tyam yë'ë ënät mtuknaxtëp yë nyaaxjotëty yë Esaú yë y'u'unk y'ok, jampë tsyëënëtën Seir, miits yë mjëëky mëku'ukëty. Yë'ëjëty nyija'awëtyëp wa'ats, ko miitsëty mjotmëkjatyëty ets myajtsë'këtyëp. Jä'ä tëy këtii nëkoo xymyëmayëtëty ets miits kë'ëm näkyëwent'atëtë.

Deuteronomio 2:5

Ets këtii nëkoo xykyë'ënitontëty, jä'ä ko yë'ëjëty ka'apës nitu'knu'unën yë nyaax nkë'ëyakanëtë. Tääpë Seir kopk, yë'ë jyä'ä'ajtëp yë Esaú yë y'u'unk y'ok. Ëjts yë kë'ëm të nmo'otë.

Josue 24:4

e yë Isaac mäjtsk ja myaank y'ijty, Jacob ets Esaú. Yë Esaú yë'ëjës ojts nmo'oy ja Seir tunjot kopkjot ets yë'ë tnaax'atëty; yë Jacob ets y'u'unk y'ëna'k Egiptë ojts nyëjkxtë.

1 Samuel 14:47

Jëtu'un'äämpy ja Saúl jatëkok tpaty ja kyutujktakn ma ja Israel kajpnën ets janaam jatsojk ojts tsyippaaty mëët ja myëtsiptëjk: ja Moab ja'ayëty, ja Amón ja'ayëty, ja Edom ja'ayëty, ja mëjkutujkpë mëti'ipë jam ënä'ämpën Sobá ets ja filistejë ja'ayëty. Oy ma tyimtsippaty xëmë ijty myëtä'äky.