Génesis 36:15 - Biblia Dc en Mixe de Quetzaltepec

¹⁵ Ya'atë ojts y'ënä'ämtë ma ja jyä'äyëtyën mëti'ipë y'u'unk'ajt y'ëna'k'ajtën yë Esaú. Ja myëtu'uk u'unk jä'ä xyëëwajt Elifaz; ma Elifaz yë y'u'unk y'ëna'kën, yë myëtu'uk u'unk yë Esaú. Yë'ë ënä'ämpë ijtë Temán, Omar, Sefó Cenaz,

Biblia Mixe de Quetzaltepec

¹⁵ Ya'atë ojts y'ënä'ämtë ma ja jyä'äyëtyën mëti'ipë y'u'unk'ajt y'ëna'k'ajtën yë Esaú. Ja myëtu'uk u'unk jä'ä xyëëwajt Elifaz; ma Elifaz yë y'u'unk y'ëna'kën, yë myëtu'uk u'unk yë Esaú. Yë'ë ënä'ämpë ijtë Temán, Omar, Sefó Cenaz,

Génesis 36:15 ပူးပေါင်းရင်းမြစ်များ

Génesis 36:14

Oholibamá xyëëwajt yë wiinkpë yë tyo'oxytyëjk yë Esaú mëti'ipë yë Oholibamá y'u'unk'ajtën, jä'ä xyëëwajtë Jeús, Jaalam ets Coré; yë Oholibamá yë tyaak'ajt yë Aná ets y'oknëëx yë Sibón.

Génesis 36:16

Coré, Gatam ets Amalec. Ya'atë ojts y'itë ënä'ämpë ma ja Elifaz ja y'u'unk y'ëna'kën, jam ma Edom nyaaxjotmën ets ya'atë yë'ë tyaak'ajtë yë Ada.

Génesis 36:18

Ma y'u'unk y'ëna'kën yë Oholibamá, yë nyëëx yë Aná, yë Esaú mëtëkëëkpë tyo'oxytyëjk; yë'ë ojts jam ënä'ämpë y'itë, Jeús, Jaalam ets Coré.

Génesis 36:4

Yë Ada y'u'unk mëti'ipë mëët t'u'unk'atyën yë Esaú, jä'ä xyëëwajtyp Elifaz, yë Basemat jä'ä y'u'unk xyëëwajt Reuel.

1 Crónicas 1:45

Ko yë Jobab y'o'ky yë'ë ojts kyutëkëty yë Husam, jam kyukajpnëty ma ja Temán y'itjotmën.

Job 2:11

Tam ijty yë Job tmëët'aty yë myëku'uktëjk mëti'ipë mëët oy nyämyäyën, jä'ä xyëëwajtëp: Elifaz, jam tsyëënë Temán; yë Bildad, jam tsyëënë Súah ets Sofar, jam tsyëënë Naamát. Ko tnija'awëtyë ko tëë Job ja yuu pa'am pyäätyë, ënät ojts tninëjkxtë ets tjämyëët'ata'antë ma jam pyikyë y'ixyën.

Job 21:8

Y'ijxtëp wi'ix yë y'u'unk y'ëna'k yääktën pyatën ets y'ok'u'unk y'ok'ëna'k jotkujk yajpaatë pyë'aay.

Job 4:1

Job, yajnija'ap ko mijts wiink jëtää xyjyawë ko pën m'atsipyë ets mne'emyë, je'eyëp ko yë'ë ntuk'ënëëmëjäämpy ko ka'ap tjëkyepy amonyë n'ijtmëty xëmë.

Salmos 37:35

Tëës n'ixy ko yë ëxëëk ja'ay kë'ëm janty mëj nyäyajnaxyë, ets nëkooyë wyinma'any nyätyuk mëjpëjktakënë tä tu'uk yë mëj kepyën nëkooyëpë yoonwä'kxyën,

Éxodo 15:15

Ja wintsëntëjkëty mëti'ipë jam yajpatëpën Edom, jëtu'unyë wyë'ëmta'aja'antë xejytyuky. Näyjyëtu'un ja kopktëjkëty jampë Moab y'itën, näjyëtu'un nëjkx tsyëtyuuypyëjkta'atë mëët ja tsë'ëkë ets ja Canaán ja'ayëty nëjkxëp ja jyotmëk'ajtën tyëkooytya'atë.

Jeremias 49:20

Mëtoow'itë ja winma'any, wi'ixës ëjts Wintsën të ntuknipëjktaakën ntuna'any ja Edom ja'ayëty, mëtoow'itë ja winma'any mëti'ipës ntuknipëjktakëpën maajës o'ktëy ntuna'anyën ja Temán ja'ayëty: Yë'ëpaat yë kupixyny mutskpë tmënëjkxa'antë ets ja nyimëëykyam nëjkxëp y'atëkooytyä'äy.

Jeremias 49:7

Ma ja Wintsën tnikäjpxyën wi'ix ja Edom jyata'anyën: ¿Tii këtii jam Temán pën kyuwijyëtyë? ¿Ti këtii tnijawëtë yë ijxpëkyjyä'äytyëjkëty tii tyuntëpënë? ¿Tëë tyëkooytyä'äy mëti'ipë jyajtëp nyija'awëtyëpënë?

Ezequiel 25:13

Paaty ëjts maas nWintsën'atyën n'ëna'any, ëjts Wintsën: Nnipëtë'ëkäämpyës yë Edom ja'ay ets nyajkutëkoyä'änyës tëkokyë yë ye'etyëjktëjk ets jyëyujk tsyajpkaajëty. Axit ako'owës ntuunta'aja'any yë nyaax kyajpnëty. Tsyo'onta'akëty jam Temán ets jyëjpkëxëty jam Dedán, aak kupuxy y'o'kta'aja'antë.

Amós 1:12

Paatykyëjxmës nyajnitooytya'aja'any yë potsy mëti'ipë nyapots'ajtypyën yë Temán kajpn ets tääpë jëën yë'ë nyo'ktëkooytya'ajäämpy yë kutujkëntëjk mëti'ipë jamën Posrá.

Abdías 1:9

Yë tsiptuunpëtëjkëty, Temán ja'ayëty, nëjkxëp tsyëtyuuypyëktë mëët yë mëktsë'ëkë ets jam kopkjotm ma Esaú y'itjotmën ka'ap nëjkx jam pën wyi'imy juuky.

Habacuc 3:3

Jamtsow yë Wintsën tsyoony ma Temán ets Parán y'itjotmën jamtsow yë Dios wa'atspë myiny. Yë myëj'ajt y'oyajtën jëtu'unyë jam tsajpkëjxm jyajwä'kxy ets ja naaxwiinyëtë ja'ay y'ëwtatyë ets wyin'ëw wyinyä'äxyë.