Génesis 35:7 - Biblia Dc en Mixe de Quetzaltepec

⁷ Tä ojts tu'uk tyaj'oyë yë wintsë'këntyakn ets jä'ä txëëwmooy El-betel, paaty jëtu'un txëëwmooy jä'ä ko jam ojts yë Dios t'ixy, ko ënety ja y'äjty tkuke'eky.

Biblia Mixe de Quetzaltepec

⁷ Tä ojts tu'uk tyaj'oyë yë wintsë'këntyakn ets jä'ä txëëwmooy El-betel, paaty jëtu'un txëëwmooy jä'ä ko jam ojts yë Tios t'ixy, ko ënäty ja y'äjty tkuke'eky.

Génesis 35:7 ပူးပေါင်းရင်းမြစ်များ

Génesis 12:7

Ënet ojts jam yë Dios nyänikëxë'ëky ma Abramkën ets y'ënëmaayë: Ya'atë naaxwiinyëtë yë'ëjës yë m'u'unk m'ok nmo'ojäämpy. Ënet ojts yë Abram pojën t'oytyuny tu'uk ja wintsë'këntyakn, jä'ä ko ënety jam yë Dios të nyänyikëxë'ëkyë.

Génesis 12:8

Ënet ojts yë Abram nyijkxy ma ja it naaxwiinyëtën kopkjotmëpë, mëti'ipë wë'ëmpën a'oytsyow ma Betel kajpnën, jam tpëjktäky yë tsyënaaytyakn. Yë Betel anajnytsyow ënety wyi'imy ma ja tsyënaaytyaknën, e ja kajpn mëti'ipë xyëëwajtypyën Aí a'oytsyow wyi'imy. Ma tääpë ja it naaxwiinyëtën ojts yë Abram tyajkojy jam yë wintsë'këntyakn ets ojts tpa'tmëkäjpxy ja Dios ja xyëëw.

Génesis 28:10

Ënet ja Jacob tsyo'ony jam Beerseba ets ojts ja tu'u tpëky, mëti'ipë ja'ajtpën Harán.

Génesis 28:13

Näyjyëtu'un t'ijxy kootëm ja Dios wyintänëty ets y'ënë'ëmxëty: Ëjts jëtu'un Wintsën, mëti'ipë Tyiosajtën yë mtatwelë Abraham ets mteety Isaac. Mijts nmo'ojäämpy ya'atë naaxjot ma jam mko'knën ets m'u'unk m'ëna'k.

Génesis 28:17

Tä yë Jacob mëk tsyë'këy ets myääy tyäjy: Ya'atë itjot janty wa'atstëm yë'ë ets Tiostëm yë jyä'ä. Yaa jëtu'un ja Dios ja jyëën tyëjk. Ma ja tsajp tmëët'atyën ja nyitëjkëtyakn.

Génesis 28:19

Ma tampë ja it naaxwiinyëtën tam ënety tu'uk yë kajpn, mëti'ipë yajtijpën Luz, yë Jacob ojts ja xyëëw tyajtëkajtsë ets ojts tijy Betel.

Génesis 28:22

Ya'atë tsaa mëti'ipës yam npëjktäkpyën ijxpäjtën yë'ë, Dios jëna'a tyëjk'atëp ets xëmës nmo'oja'any tu'kpëkyjyäty ja majkpë, mijts Dios koos tii npaatëty n'ixëty, mëti'ipës ënety mijts xymyoopyën xykyäjxpën.

Génesis 29:1

Yë Jacob ojts ja tyu'u tpanëjkxy ets ojts jam jyä'ty ma ja naaxwiinyëtë xëëwpëtsëmtsyowpë.

Génesis 31:13

Ëjts jëtu'un Tios'ajtp, mëti'ipë ojts xy'ixyën jam Betel, jam ma ojts xykyënu'kxyën ja tsaa ets waantakën xytyuuny mëët ëjts. Paaty tyam jam ënät. Pëtë'ëk ets mtsoonëty ma ya'atë it naaxwiinyëtën. Nëjkx jatëkok ma ja mnaax mkajpnën ma ojts mëxu'unk'atyën.

Génesis 35:1

Ënet yë Dios t'ënëmaay yë Jacob: Pëtë'ëk ets nëjkx jam mtsëënë Betel, jam xy'oytyunëty tu'uk yë wintsë'këntyakn, mëti'ipë Dios jyä'ä'atëpën, ma ojts nyänyikëxë'ëkyën ma mijtsën ko ënety ja m'ajty Esaú xykyuke'eky.

Génesis 35:15

Ënet ojts txëëwmo'oy ja it naaxwiinyëtë Betel.

Génesis 35:3

Jam tyam nja'amëty Betel, maas tu'uk yë wintsë'këntyakn n'oytyuna'anyën etsës yë Dios nwintsë'ëkëja'any mëti'ipës ojts xypyutëkën ma ënety mon tuk nyajpaatyësën ets mëti'ipës xëmë të xyjyämyëët'atyën oyës maa nnaxy ntëkë.

Éxodo 17:15

Yë Moisés ojts tu'uk t'oytyuny yë wintsë'këntyakn mëti'ipë ojts txëëwmo'oyën, Yë Dios yë'ëjës nwitwintëy'äjtyp,

Ezequiel 48:35

Ja kajpn ja nyapots na'ëwtity jä'ä y'ayeny'atëty tëtujk mil xajpk ets ja naax kajpn jä'ä txëëwajnëty: Yaa yë Wintsën yajpaaty.

Jueces 6:24

Tä yë Gedeón tu'uk yë wintsë'këntyakn jam t'oytyuuny mëti'ipë ja Wintsën tyukmëjja'awëyënën ets txëëwmooy: Yë Wintsën yë'ë jotkuj'ajtën'ajtp. Ya'atë wintsë'këntyakn yajpatp tyampaat jam Ofrá ma ja kajpnën mëti'ipë yë Eliézer yë jyä'äy nyitënaaytyëpën.