Génesis 35:3 - Biblia Dc en Mixe de Quetzaltepec

³ Jam tyam nja'amëty Betel, maas tu'uk yë wintsë'këntyakn n'oytyuna'anyën etsës yë Dios nwintsë'ëkëja'any mëti'ipës ojts xypyutëkën ma ënety mon tuk nyajpaatyësën ets mëti'ipës xëmë të xyjyämyëët'atyën oyës maa nnaxy ntëkë.

Biblia Mixe de Quetzaltepec

³ Jam tyam nja'amëty Betel, maas tu'uk yë wintsë'këntyakn n'oytyuna'anyën etsës yë Tios nwintsë'ëkëja'any mëti'ipës ojts xypyutëkën ma ënäty mon tuk nyajpaatyësën ets mëti'ipës xëmë të xyjyämyëët'atyën oyës maa nnaxy ntëkë.

Génesis 35:3 ပူးပေါင်းရင်းမြစ်များ

Génesis 28:15

Ëjts mijts mëët n'ity, nkëwent'atäämpy oy ma mtimnyax mtimtyëkëty. Ets nän ëjts mijts nyajwinpitëp jatëkok ma ya'atë naaxjotmën. Ka'ap nmajtstu'uta'any, maanëmës ka'ap nkuuytyunyën ja mëti'ipë të ntukwinwanën.

Génesis 31:3

Ënet ja Jacob myëkajpxë ja Wintsën ets y'ënëmaayë: Wimpit ënät tyam ma ja nyaax kyajpnën ja mteety mtaak ets ma ja mjëëky mmëku'uk jam y'itën ëjts mijts njämyëët'atäämpy.

Génesis 31:42

Ko jeexyë ja Dios xykyani''ijxkëtä'äkyës mëti'ipë yë Abraham y'ëwtajtën, ja Dios mëti'ipës ijty ja nteety Isaac y'ëwtajtypyën, katii nija'awën wä'änxyëp jeexyë jëtu'unyë mijts të xy'ëkwinpakäjxnës. Yë Dios yë'ë të t'ixy, ko ënety ëjts mon tuk nyajpaaty ets koos ënety mëk ntuny n'ëyoy, paaty ya'atë tsu'um të mëkmëkäpxyë.

Génesis 32:24

Ko ja Jacob ojts atu'uk wyi'imy, ënät tu'uk ja ye'etyëjk ja'ay tyëjkëy mëët tsiptuunpë. Jeky ojts tsyiptuntë ijxtë koonëm xyiinyëy.

Génesis 32:7

Ko jëtu'un tmëtooy yë Jacob ënät ojts ja tsë'ëkë tyuktëkëty ets tyëjkëy moonpë tujkpë. Ënet tyajnäywyä'kxyë mäjtskpëky ja jyä'äy, mëti'ipë ënety jam mëëtën; näjyëtu'un tyajwa'kxtaay ja jyëyujk, tsajpkaa, tsajppaxëty ets ja kyupixynyëty.

Génesis 35:4

Tä tukkë'ëtëjkëtyääytyë ja Jacob, tu'kë'ëyë mëti'ipë ënety ka'ap tiosëtyën ets tyajjënajktaaytyë ja tyatsktëyëty, jam ojts ja Jacob tnitajta'ay ma tu'uk yë xoj'ëjxën, jam winkon Siquem.

Génesis 35:7

Tä ojts tu'uk tyaj'oyë yë wintsë'këntyakn ets jä'ä txëëwmooy El-betel, paaty jëtu'un txëëwmooy jä'ä ko jam ojts yë Dios t'ixy, ko ënety ja y'äjty tkuke'eky.

Génesis 48:15

Ënet ojts yë José yajkënu'kxy mëët ya'atë aaw ayuk: Yë Dios mëti'ipë ojts t'ëwtatën tmëmëtowtën yë Abraham ets Isaac, mëti'ipës nteetyajtën, Ja Dios mëti'ipës të xykyënu'kxyën xëmë, koos nmiiny naaxwiiny ets tyampaat.

Salmos 107:6

E jam ma ënety jëtu'un mon tuk yajpaatën, jam ojts yë Wintsën tmëkajpxtë, tä ojts yajpëtsëmëtë jotmayjoty,

Salmos 107:8

Kukajpxëtë yë Dios mëëtkyëjxm ko oy winë tuny ets naaxwiinyëtë ja'ay jotkujk jyuuky'atëty.

Salmos 46:1

Dios yë'ë xykyuwa'anëm xyajtsokëm ets yë'ë xymyëkmo'oy xymyëjaawmo'oyëm; mëti'ipë putëjkëpën ko mon tuk nyajpatmëty.

Salmos 50:15

Mëkajpxkës ko ënety mijts mon tuk myajpaaty; ëjts mijts nyajnitso'okëp ets jëtu'unës mijts xy'oyjawëty.

Salmos 91:15

Koos xymyëkajpxëty, n'ëtsowäämpyës; ëjts kë'ëm yajpaataanp mëët yë'ë. Nyajpëtsëmäämpyës ma ënety myony tyukyën etsës nyajnaxa'any kumay;

Proverbios 3:6

Dios yë'ë mtimjyotnakon'atëp oy tii xytyimtunëty, ets yë'ë myajnëjkxëtëp ma ja tu'ujën mëtëypyë.

Isaías 30:19

Mijts Sión kajpn, ma jam mtsëënën Jerusalén, ka'ap m'ëk jëëy m'ëk yaxnëty. Ja Wintsën myëët'atäämpy ja pa'ëyo'owën najts'ëyo'owën ko ënety tmëtoy mjë'ëy myä'äxy, je'eyë tmëtoowpaatëty ko ënety xy'amëtoy ja näypyutëkë, ënätyë mputëkëja'anyë.

Isaías 43:2

Pën nëë muum mtuknaxäämpy, ëjts tam'ataanpës mëët mijts; pën mëjnëë mninaxäämpy, ka'ap mnëëji'kxa'any; pën jëën mtuknaxäämpy, ka'ap mtsa'aja'anyë; oy jënu'un ja jëën jyayäänëty, mijts ka'ap nitii mjata'anyë.

1 Samuel 10:3

E ko wäänë mjaaktu'uye'eyëty, jam ma txëëwatyën Tabor, nitëkëëk jam yë ja'ay xypyata'any mëti'ipë pa'tëjkëtyëpën Betel ets nëjkx t'ëwtata'antë yë Dios, tu'uk tmënëjkxy tëkëëk yë tsajppax, tu'uk tëkëëk yë tsajpkääky ets tu'uk yë'ë myënëjkxyp yë tsatym nyëë po'oxuyjoty.