Génesis 35:23 - Biblia Dc en Mixe de Quetzaltepec

²³ Mëti'ipë y'u'unk'ajtën mëët yë Lea, jä'ä xyëëwajtë Rubén, ja kä'äxkopk, ok myëxu'unk'ajtë Simeón, Leví, Judá, Isacar ets Zabulón.

Biblia Mixe de Quetzaltepec

²³ Mëti'ipë y'u'unk'ajtën mëët yë Lea, jä'ä xyëëwajtë Rubén, ja kä'äxkopk, ok myëxu'unk'ajtë Simeón, Leví, Judá, Isacar ets Zabulón.

Génesis 35:23 ပူးပေါင်းရင်းမြစ်များ

Génesis 29:16

Yë Labán mäjtsk ënety yë nyëëx tmëëtëty: yë mëjpë Lea xyëëwajtyp e yë mutskpë Raquel xyëëwajtyp.

Génesis 29:31

Ko yë Dios t'ijxy, ko yë Jacob ka'ap ënety nëkooyë tsyoky yë Lea. Ënet ojts tyajkutuky ets ja Lea ni'ik ja u'unk maay tmëët'atëty, këtiinëm jyëtu'unëty ja Raquel. Ja Raquel nitu'uk ënety ja u'unk maay tkamëëtëty.

Génesis 33:2

Jëyëjp ojts twoowä'kxy ja nimäjtskpë ja tyo'oxytyëjktuunpë mëët ja y'u'unk y'ëna'këty. Mëmäjtsk tääts ja Lea näjyëtu'un ëpëky tpëjktäky nän mëët ja y'u'unk y'ëna'k, ets oknëm ja Raquel ëpëky tpëjktäky mëët ja myaank José.

Génesis 49:3

Mijts, Rubén, mijts nkä'äxkopk'ajtyp, ets mijts nmëtu'uk'u'unk'ajtyp. Mijts ëka'any myajnikëxë'kpy yë nmëjaawës, ets n'u'unkës ntiktsës, mëti'ipë jëyëjp mëxu'unk'ajtën mëët yë oyajtën tsujajtën.

1 Crónicas 12:25

Ma ja Simeón jyä'äyën jä'ä nyiwinë'atë, wëxtujk mil ja tu'kmëko'px aakyë'ë jotmëkja'aytyëjkëty, oytyuny yajxon yajpaatë ets tsyiptuntëty.

1 Crónicas 27:16

Ja ja'ayëty mëti'ipë ënety ja myëku'uktëjk nyikopk'ajtëpën jam ma ja Israel kajpnën, jä'ä xyëëwajtëp: ma ja Rubén jyä'äyën, yë Eliézer, Zicri myaank; ma ja Simeón jyä'äyën yë'ë jam nyikopk'ajt yë myëku'uk yë Sefatías, Maacá myaank;

Éxodo 1:1

Yaa yë xyëëw myintë yë Israel ja'ayëty, yë Jacob yë y'u'unk y'ëna'k mëti'ipë ojts jap nyëjkxtën Egiptë, nitu'ukjaty aakmëët ja y'u'unk tyo'oxytyëjkëty.

Ezequiel 48:30

Nëjkxëp ja naax kajpn yajnapotsy, jä'ä tu'kpa'ajaty y'ayeny'atëty tu'uk mil ja mëkoxk mëko'px xajpk. Ma ja tu'kpa'apën tëkëëk jam yë nyitëjkëtyakn xyaj'oyëtëty, tu'ukjaty nëjkx yajtuknipëjktaakë tu'ukpë ja Israel jyä'äy, jëtu'un nëjkx yajmä'kxy: Ja tëjkëtyakn anëkëjxytsyowpë yë'ë nëjkx tjä'ä'aty yë: Rubén, Judá ets Leví; e xëëwpëtsëmtsyow yë'ë nëjkx tjä'ä'aty yë: José, Benjamín ets Dan; ëpa'tkë'ëytsyow yë'ë nëjkx tjä'ä'aty yë Simeón, Isacar ets Zabulón; e xëëwkëtä'äkytsyow yë'ë nëjkx tjä'ä'aty yë: Gad, Aser ets Neftalí.

Hechos 7:8

Ets ja Dios ja kyajpxtyu'unën ojts tyajwë'ëmy mëët ja Abraham wi'ix ijxwë'ëmy y'ita'anyën, wi'ix ja Abraham mëët ja y'u'unk y'ok yajnatsujk'ëwëtitëtyën ja ye'etyëjkajtën. Paaty ko ja Abraham ja y'u'unk myiiny mëti'ipë xyëëwajtën Isaac, kom tuktujk xëëw ojts tyajnatsujk'ëwtityë ja ye'etyëjkajtën. Näyjyëtu'un ja Isaac ja y'u'unk tuuny mëti'ipë xyëëwajtën Jacob ets ja Jacob näjyëtu'un tuuny ja y'u'unk y'ëna'këty nimajkmäjtskpë.

Deuteronomio 27:11

Jä'ä xëëw ja Moisés ojts näjyëtu'un tu'uk ja ënä'ämën tyajwë'ëmy ma ja naax kajpnën ets t'ënëmaay:

Deuteronomio 33:6

Ënet ojts tkënu'kxy ja Rubén mëët ya'atë aaw ayuk: Yë Rubén xëmë yajpaata'any. Ka'ap nëjkx yë xyëëw nijëna'a y'atëkoy, oy jyaniwäänë'atë yë ye'eytyëjtëjkëty.

Josue 13:15

Moisés ojts ja naax tyajwä'kxy ma ja Rubén ja'ayëtyën, jëtu'un ojts tuknikäkëtyä'äy tä ënety nyimay'atën ja jyä'äyëty,

Josue 15:1

Ja it naaxwiinyëtë mëti'ipë ojts ja Judá ja jyä'äy tyuka'ayën ko yaj'ijxpëtsëëmy, ja tsëpa'an jampaat ojts jyä'ty ma mëët ja Edom nyäpyäätyë; e ëpa'tkë'ëmtsow jampaat jyä'äjty ma ja të'ëts'it txëëwatyën Zin.

Josue 19:1

Ja mëmäjtskpë ja it naaxwiinyëtë mëti'ipë ojts yaj'ijxpëtsëmyën, yë'ë ojts tyuka'ajëtë ja Simeón ja jyä'äyëty. Ya'atë naax jam ënety yajpaaty ma ja Judá ja'ay nyaaxjotëtyën.

Josue 19:10

Ja mëtëkëëkpë ja it naaxwiinyëtë mëti'ipë ojts yaj'ijxpëtsëmyën, yë'ë ojts tyuka'ajëtë ja Zabulón ja jyä'äy. Yë tsyëpa'anëty jampaat nyäjxy Sarid,

Josue 19:17

Ja majktaxkpë ja it naaxwiinyëtën mëti'ipë ojts yaj'ijxpëtsëmyën yë'ë ojts tyuka'ajëtë ja ja'ayëty jënu'un ënety tyu'kjëëky'at tyu'kmëku'uk'atën mëti'ipë jyä'äy'äjtypyën yë Isacar.

Apocalipsis 7:7

nimajkmäjtsk mil ja Simeón ja y'u'unk y'ok, nimajkmäjtsk mil ja Leví ja y'u'unk y'ok, nimajkmäjtsk mil ja Isacar ja y'u'unk y'ok,

Jueces 5:14

Ojts yë Efraín yë jyä'äyëty näjyëtu'un tsyoontë ets ojts nyëjkxtë jam joyjyotm tsiptuunpë, ojts näjyëtu'un pyanëjkxëtë yë Benjamín yë jyä'äy. Ojts tsyoontë yë Maquir yë wyintsëntëjkëty, ets Zabulón yë kyutuunktëjkëty.

Jueces 5:15

Yë Isacar yë jyä'äy ojts näjyëtu'un yë Débora tpanëkxtë; mëk ojts mëët yë Barac nyäpyutëkëtë, ko jam yë Barac ojts nyijkxy joyjotm ojts näjyëtu'un tpanëjkxtë. Tam'ajtëp yë ja'ayëty jotmëkëtypë ma Rubén yë tsyiptuunpëtëjkëtyën.

Jueces 5:18

E yë Zabulón ets Neftalí yë jyä'äyëty ojts jam tsyoontë tunkëjxm kopkkëjxm ma ënety jam yajpaatën ets ja jyuukyajtën tmëktuuntë jam ma tsip tyunyën.

Rut 4:11

Tä y'ëtsoowtë ja mëjja'aytyëjk ets ja mëti'ipë ënety jam yajpatëpën: Jëtu'un, tyam ëëts njanty'ixtë. Dios yë'ë yajkutukëp ets to'oxytyëjk mëti'ipë tyam tëkëjaanpën ma mjëën mtëjkën jëtu'un yajpaatëty tä yë Raquelën ets Lea mëti'ipë ntaak'ajt ntsi'tsk'ajtëmën. E mijts nän mëj'äämpy mnaxëty ma Efrata ets Belén nyaaxwiinyëtën.