Génesis 35:16 - Biblia Dc en Mixe de Quetzaltepec

¹⁶ Ënet ojts nyëjkxtë ma it naaxwiinyëtë txëëwatyën Betel, jëkäm wäänjaty wyi'imy yë Betel mëët yë Efrata, ko ojts yë Raquel yë u'unk maay tyajminy naaxwiiny, tsip ojts tyajmëxu'unk'aty.

Biblia Mixe de Quetzaltepec

¹⁶ Ënät ojts nyëjkxtë ma it naaxwiinyëtë txëëwatyën Betel, jëkäm wäänjaty wyi'imy yë Betel mëët yë Efrata, ko ojts yë Raquel yë u'unk maay tyajminy naaxwiiny, tsip ojts tyajmëxu'unk'aty.

Génesis 35:16 ပူးပေါင်းရင်းမြစ်များ

Miqueas 5:2

E mijts Belén, mëti'ipë näjyëtu'un yajtijpën Efrata, mutskpë kyajpn'atyën ma Judá kyajpnën, jam tu'uk ënä'ämpë pyëtsëma'any mëti'ipë nëjkx yajkutukyën Israel, yë'ë jyä'äy yë tëëyëpë jyuuky'atën.

Mateo 2:18

Yajmëtoow jam Ramá ko ja ja'ay jyë'ëtë ya'axtë; Raquel ja y'u'unk y'ëna'k nyiyäxyp, ets ka'ap tkupëjky ets pën yajjotkujkëtëty, jä'ä ko tëë ënety ja y'u'unk y'ëna'k y'o'kta'atë.

Génesis 48:7

Koos ojts nwinpijnë jam Padán-aram, ojtsës xykyu'o'knë yë mtaak Raquel jam ma nyaaxjotmën yë Canaán; jamës ënety ntimjya'tanëtë Efrata, tääjës ojts jämyë nyajnaaxtëkë jam tu'u'am, mëti'ipë tyam txëëwajtnëpën Belén.

1 Timoteo 2:15

Ja to'oxytyëjk näyajtso'okanëp kë'ëm ma y'ityën taak tsi'tsk, ets ni'ik ko wijy yajpaatëty ma ja mëpëjkënën, ma tsojkën ja'awënën ets ko wa'ats jyuuky'atëty.

Mateo 2:16

Ko ja Herodes tnija'awëy ko ja matsa'a ixtääpyë ënety tëë wyin'ëënyë, tääts ni'ik jyoot'anpëjky ets ojts tni'ënä'ämë ets ni'ëmukë y'ooktëty ja mëxu'unk ye'etyëjkpë jam Belén ets ma ja naax kajpnën wiinkonpë yajpaatën, tëë ënety tpamay ja xëëw po'o jëna'a ja matsa'a ixtääpyë të tnikajpxtën.

Mateo 2:1

Belén ja Jesús ojts myiny kye'exy, Judea y'itjotm. Herodes ënety jam yajkutujkp. Tääts jam Jerusalén jyajtë ja matsa'a ixtääpyë mëti'ipë tso'ontëpën xëëwpëtsëmtsyow.

Salmos 132:6

Jam Efrata ojts yajnikäjpxy y'ity ja kaaxë mëti'ipë ja käjpxytyu'unën myë'ijtypyën, ets tyam jam yajpaaty winwa'atstum ma ja Jaar y'itjotmën.

1 Crónicas 2:19

Ko Azubá y'o'ky, yë'ë Caleb ojts mëët pyiky yë Efrata, mëti'ipë yajmëxu'unk'ajtën yë Hur.

2 Reyes 5:19

Tä ja Elisejë y'ëtsoowë: Nëjkx akujk jotkujk. Jëtu'un ojts ja Naamán jam tsyo'onë. E tam ënety këjäätëkë nyëjkxnë,

Génesis 35:19

Jëtu'un ojts yë Raquel y'ooky tyëkoy ets jam nyaaxtëjkëy tu'u'am, ma ja Efrata y'itjotmën, mëti'ipë tyam txëëwajtnëpën Belén.

Génesis 3:16

Tä t'ënëmaay ja to'oxytyëjk: Mëjwiinëp këjääjëp yë mpëjkën m'ijxën ko u'unk maay xyajmin xyajja'tëty. Ets mëët yë pëjkën ijxën xyajmëxu'unk'atëty yë m'u'unk maay. E mtsojkën ënety jëtu'un mëët'ajtyp ma ja mniye'etyëjkën. Ets yë'ë myëët'atëp yë ënä'ämën kuttujkën ma mijtsën.

Rut 4:11

Tä y'ëtsoowtë ja mëjja'aytyëjk ets ja mëti'ipë ënety jam yajpatëpën: Jëtu'un, tyam ëëts njanty'ixtë. Dios yë'ë yajkutukëp ets to'oxytyëjk mëti'ipë tyam tëkëjaanpën ma mjëën mtëjkën jëtu'un yajpaatëty tä yë Raquelën ets Lea mëti'ipë ntaak'ajt ntsi'tsk'ajtëmën. E mijts nän mëj'äämpy mnaxëty ma Efrata ets Belén nyaaxwiinyëtën.

1 Samuel 4:20

E ko t'ijxtë ja to'oxytyëjkëty ko mëpaatëp y'o'knë, ënät t'ënëmaaytyë: Këtii mtsë'ëkë mjawë, ye'etyëjk m'u'unk'ajtypy. Yë'ë ka'ap y'ëtsooy ets ka'ap tuuny këwentë.

1 Samuel 10:2

Tyam ko ënät yaa näy'ëxmajtsëmëty, jam xypyata'any nimäjtsk yë ja'ay ma nyaax kyajpnën yë Raquel, jam ma txëëw'atyën Selsah mëti'ipë yë Benjamín nyitënääpyën. Yë'ë mtuk'ëwaanëjanëtëp ko ja mjëyujk tëë ja yajpaaty mëti'ipë ënety m'ixtääpyën ets ja mteety ka'ap ja t'ëkmëmaay t'ëkmëtajnë, mijts ja tyam je'eyë mëmaay mëtajënëp.