Génesis 34:30 - Biblia Dc en Mixe de Quetzaltepec

³⁰ Ënet yë Jacob t'ënëmaay yë Simeón ets Leví: Miitsëty je'eyë nëkoo jëën tsip të xy'ëxkukëtë maas ëjtsën. E yë ja'ayëty jënu'un yaa kyunaax'at kyukajpn'atën ijxtëm yë Canaán ja'ayëty, Ferez ja'ayëty, xymyëtsiptsoontëpës ënät. Tu'ukyë nyämyuka'anëtë, tääts ënät nyajnipëtë'ëkëtyës; e ëjts wäänës yë ja'ay nmëëtëty, xyaj'ooktëpës ënety tu'kë'ëyë mëëtësë n'u'unk n'ëna'k.

Biblia Mixe de Quetzaltepec

³⁰ Ënät yë Jacob t'ënëmaay yë Simeón ets Leví: Miitsëty je'eyë nëkoo jëën tsip të xy'ëxkukëtë maas ëjtsën. E yë ja'ayëty jënu'un yaa kyunaax'at kyukajpn'atën ijxtëm yë Canaán ja'ayëty, Ferez ja'ayëty, xymyëtsiptsoontëpës ënät. Tu'ukyë nyämyuka'anëtë, tääts ënät nyajnipëtë'ëkëtyës; e ëjts wäänës yë ja'ay nmëëtëty, xyaj'ooktëpës ënäty tu'kë'ëyë mëëtësë n'u'unk n'ëna'k.

Génesis 34:30 ပူးပေါင်းရင်းမြစ်များ

Génesis 12:12

E ko ënät m'ixëtëty yë Egiptë ja'ayëty, ëna'antëp ënät: Xiipë to'oxytyëjk yë'ë yowë xiipë ye'etyëjk nyiye'etyëjk'ajtyp ets tsojk ënät xyaj'ooktëtyës ets mijts mwë'ëmëty juuky ets mëët'ita'an mëëtsëënëja'anëtëty.

Génesis 12:2

Ëjts nyajkojäämpyës mëjpë ja naax kajpn mëët ja m'u'unk m'ok. Mijts nkënu'kxäämpyës mëjwiin këjää ets mëj'äämpy nyaj'ita'any ets mëët mijtskyëjxm kënu'kxy nëjkx may yë ja'ay y'itë.

Génesis 12:6

Abram ojts tuknajxta'ay tääpë it naaxwiinyëtën ets jyä'äjty ma jam ja itjot txëëwatyën Siquem, ma ënety jam tu'uk ja xoj kepyën kënu'kxypyë mëti'ipë jyä'ä'ajtypyën yë Moré. Yë Canaán ja'ayëty jamnëm ënety tsyëënëtë ma ja jampë ja it naaxwiinyëtën.

Génesis 13:7

Jä'ä ko mëti'ipë ënety jëyujkëwent'ajtpën tsajpkääky kyëwent'ajtëpën ma ja Abramën, xëmë nyäy'ojtëtë mëët ja mëti'ipë jëyujkëwent'ajtp tsajpkääky kyëwent'ajtëpën ma ja Lotën. E yë Canaán ja'ayëty ets Ferez ja'ayëty tam ënety näjyëtu'unëty.

Génesis 34:2

E jam ënety tu'uk yë ye'etyëjk yajpaaty mëti'ipë txëëwajtypyën Siquem, yë myaank yë Hamor, Heve ja'ay, mëti'ipë ënety mëj'äämpy ijtëpën ma ja jampë ja naax kajpnën. Ënet ja Dina t'atsip'ajty ets myëëtko'knëtëty ets ojts jëtu'un ja näwyinkutsë'ëkë tkamëët'aty ma ja Dina.

Génesis 34:29

Ojts tmä'tsta'atë winë jëënjoty tëkoty jënu'un yë ja'ay jap winë tmëët'atën; tsyuumtaay myajtstaaytyë ja ëna'k'u'unkëty ets ja to'oxytyëjkëty näjyëtu'un.

Génesis 34:31

Tä ojts y'ëtsowtë: ¿Tix wä'än jeexyë jëtu'unyë na'ixtësë, koos yë n'uty jëtu'un tja'awënëtë to'oxytyëjk kujenyën mëti'ipë nätyo'k näyajkëpënë?

Génesis 46:26

Tu'kë'ëyë ja'ayëty jënu'un jya'ajtën jap Egiptë mëët yë Jacob ets aakyë'ë y'u'unk y'ëna'k jyiiky myëku'uk, jä'ä nyiwinë'ajtë tëkë'px tëtujk. Ets ka'ap yajmëtyoy ja y'u'unk y'ëna'këty ja tyo'oxytyëjktëjkëty.

Génesis 46:27

E yë José nimäjtsk yë y'u'unk y'ëna'k y'ijtë, mëti'ipë jap Egiptë mëxu'unk'ajtën. Paaty jap Egiptë jä'ä jap jya'ajtë nitëkë'px majk ja ja'ayëty mëti'ipë yë Jacob jyä'äy'äjtypyën.

2 Samuel 10:6

Tä ja Amón ja'ayëty ojts tja'akyukëtë ko myëtsiptso'ontëp ja David, paatykyëjxm ojts t'ixta'atë ni''i'px mil ja tsiptuunpë aakyë'ë sirië ja'ay jampë kyukajpn'atën Bet-rehob ets Sobá, ëpëky ojts ja yajkutujkpë Maacá tkäjxpë ja tsyiptuunpëtëjk nitu'kmil ets nimajkmäjtsk mil ja Is-tob ja tsyiptuunpë.

2 Samuel 16:21

Ets ja Ahitófel t'ëtsooy ja Absalón: Mëëtko'knë yë to'oxytyëjkëty mëti'ipë yë mteety ijty myëët'ajtypyën, jampë të tyajwë'ëmyën tëjk këwent'ajtpë ma ja kutujkëntëjkën. Jëtu'unts ja ja'ay tnijawëtëty ko mijts tëë yajxon xymyëtsiptsoony yë mteety, jëtu'un'äämpy ja ja'ayëty ni'ikyë mmëjwa'kpätëtëty mëti'ipë mpukajpxëyëpën.

1 Reyes 11:25

Ëxëëk ojts tsip'ixy yë Israel ja'ay ma jyuuky'äjtyën yë Salomón, paatykyëjxm ojts mëët tu'ukyë winma'any tmëët'aty ja Hadad ma ënety jam näjyëtu'un ëxëëk y'ëtëtspën, jä'ä ko ëxëëkëm ja Israel ja'ay tjanty ixy. Jëtu'un'äämpy ja Rezón tyëjkëy ënä'ämpë jam Sirië.

1 Reyes 18:18

Ëjts ka'apës ni pën n'ëxëëk wiinkajpxë, jëtu'un t'ëtsooy yë Elías; mijtsën tëy, mëët yë mja'ay, mëët ko ja Wintsën ja y'ënä'ämën tyiyajtën të xy'ijxmajtsnëtë ets jä'ä oy xymyëjja'awënëtë ja ka'apë Wyintsënëtyën tä ja Baal ja y'awinaxën.

1 Crónicas 16:12

Ja'amyätstë ja mëjpë këjääpë të tuny të tkäjpxyën ets ja ijx ka'ijxënpë, ja'amyätstë näjyëtu'un ja y'aaw y'ayuk mëti'ipë të tyajwë'ëmyën:

1 Crónicas 16:19

Oy ënety nyiwäänë'atë ets jaaypyaat jaaypyo'kxy yajpaatë muum kajpntum yaa naaxwiiny naaxkëjxy.

1 Crónicas 19:6

Jëtu'un'äämpy ja Amón ja'ayëty ojts mëtsip y'awinpitë mëët ja David, ko ënety ëxëëk ja jyä'äy të tuunëtë, paaty ja Hanún ets ja Amón ja'ayëty may tyajmujktë ja poop pujxn ets tjuuytyë pujxnwintëkäämpë mëti'ipë myëtsiptuunantëpën ets tmëjuuytyë näjyëtu'un may ja tsiptuunpë mëti'ipë tso'ontëpën jam Mesopotamia, Sirië, Maacá ets Sobá,

1 Crónicas 2:7

Yë Carmí y'u'unk y'ëna'k jä'ä xyëëwajt: Acar, mëti'ipë ojts y'ëyo'onpëjktä'äkyën jam ma ja Israel ja kajpnën ko tnixajëy mëti'ipë ënety ja Dios të tni'ënä'ämën ets kyutëkooytya'ajëty.

Salmos 105:12

Oyxyëp ënety y'ëkniwäänë'atë ets yajpaatë tä jaaypyaat jaaypyo'kxyën naaxwiiny naaxkëjxy

Éxodo 5:21

ets y'ënëmaayëtë: Yë Dios yë'ë nëjkx jëna'a mtëytyunëtë mëët mëti'ipë mtuuntëpën, jä'ä ko miits jëtu'un yë poky mëët'ajtëp ets ëëts yë yajkutujkpë yë wyintsëntëjk ëxëëk xy'ixtëty. Ya'atë jëtu'un tpatnë tä jeexyë miitsëty kë'ëm të xy'ënëëmëtën etsës ëxëëk xytyuntëty.

Proverbios 11:17

Mëti'ipë ja'ay pa'ëyoop najts'ëyo'owëpën, nätsyojkëp jëtu'un kë'ëm; e mëti'ipë ëxëëk ja jyot wyinma'anyën, kë'ëm nyäy'ëxëëktunyë.

Proverbios 11:29

Mëti'ipë ja'ay ka'ap yë jyëën tyëjk tkëwent'atyën, ka'ap jap tii wyë'ëma'anxëty; yë tsuuja'ay xëmë nëjkx je'eyë tuunpë wyä'äny ma wijyjyä'äytyëjkën.

Proverbios 15:27

Mëti'ipë ja'ay ëxëëk y'atsokyën, yë'ëpaat jyëën tyëjk tyajtëkoy; e mëti'ipë ja'ay ka'ap tii t'ixk'atyën, nikë jotkujk jyuuky'äty.

Deuteronomio 4:17

ëkë joon jëyujk,

Deuteronomio 4:27

Yë Wintsën jëtu'unyë nëjkx m'awojpwa'kxëtë naaxwiinyëtë apëtsëmy, niwäänë mjaakwë'ëmtëty.

Deuteronomio 7:7

Ko yë Wintsën miits të mtsojkën'atëtë ets të mwin'ixëtë, ka'ap yë'ëkyëjxmëty ko mnimay'atë. Jä'ä ko tää wiinkëtypë kajpn ma ni'iknimay yë ja'ayën, miits mniwäänë oyëty.

Josue 7:25

Ënet ja Josué t'ënëmaay: ¿Tii ko jëtu'unpë ëyo'on jotmay të xyajminy ma ja naax kajpnën? Tyam wä'än yë Wintsën yë'ë ëxëëk mtunyë, jëtu'un tä ëëts miits të xyajjat të xyajkëpätën. Ko jëtu'un kyajpxtaay ja Josué, ënät nitu'kë'ëyë ja ja'ayëty ojts pyëtë'kta'atë ets tyaj'o'ktë ja Acán kuka'atsy, ko y'o'këtäky ja nyini'kx ojts tnino'këtë.

1 Samuel 13:4

Tëkokyë ja Israel ja'ayëty wa'ats tnija'awëtyääytyë ko ja Saúl ënety tëë tyajkutëkooytyä'äy ja filistejë ja'ayëty mëti'ipë këwent'ajtëpën. Paatykyëjxm ja filistejë ja'ayëty mëk tukjoot'anpëjktë ja Israel ja'ayëty. Ko ja Israel ja'ayëty ye'eymyujktaaytyë ënät tpuwa'këtyë ja Saúl jam Guilgal.

1 Samuel 16:2

¿E tiijës ntunëp etsës jam nëjkxëty? Jëtu'un y'ëtsooy yë Samuel, ko yë Saúl tnijawëty xyaj'ookëpës yë'ë. Tä ja Wintsën y'ëtsoowë: Mëtsoon tu'uk yë tsajpkaa'u'unk ets m'ëna'anëty koos nëjkx xytyukwintsë'ëkëja'any.

1 Samuel 27:1

David kä'äpyëm ënety jotkujk nyäjyawëty, paaty ojts myäy tyäjy: Yë Saúl tsojkës yë ëwään jëpom xyaj'ookëty. Ni'ik oy'atëp koos nkä'äkëty, jamës nnëjkxëty ma filistejë ja'ayëtyën. Jëtu'un'äämpy ka'apës xëmë nmayëty ntajëty ets ka'apës nëkoo Saúl xy'ixjëtit xypyajëtitëty ma Israel yë naaxjotmën. Ni'ik oyës ntimnyäjyëpëkëtëty.

1 Samuel 27:12

E ja Aquis tyuk'ijxpejtyp ja David näjyëtu'un ets ijty myäy tyäjy: Yë David yajxon yowë të tmëtsiptso'onë yë Israel ja'ayëty, oy jëtu'un, jëtu'un tjëkyäpëty ëjts xymyëtunëtyës.