Génesis 34:27 - Biblia Dc en Mixe de Quetzaltepec

²⁷ Ënet ojts ja wiinkpë jyaak mintë ja Jacob ja myaankëty ma ja kajpnën, e ko nyajxtë ma o'kpëtyën, tä ojts jam tyajpëtsëmtë winë kajpnjoty, jëtu'un ja tsyip y'äkë tyajnajxtë mëët ko ënety ja y'utyëty Dina të kyayajwintsë'ëkë.

Biblia Mixe de Quetzaltepec

²⁷ Ënät ojts ja wiinkpë jyaak mintë ja Jacob ja myaankëty ma ja kajpnën, e ko nyajxtë ma o'kpëtyën, tä ojts jam tyajpëtsëmtë winë kajpnjoty, jëtu'un ja tsyip y'äkë tyajnajxtë mëët ko ënäty ja y'utyëty Dina të kyayajwintsë'ëkë.

Génesis 34:27 ပူးပေါင်းရင်းမြစ်များ

Génesis 34:2

E jam ënety tu'uk yë ye'etyëjk yajpaaty mëti'ipë txëëwajtypyën Siquem, yë myaank yë Hamor, Heve ja'ay, mëti'ipë ënety mëj'äämpy ijtëpën ma ja jampë ja naax kajpnën. Ënet ja Dina t'atsip'ajty ets myëëtko'knëtëty ets ojts jëtu'un ja näwyinkutsë'ëkë tkamëët'aty ma ja Dina.

Génesis 34:26

Jä'ä ojts näjyëtu'un tkupuxtë ja Hamor ets ja myaank Siquem, tääts tyajpëtsëëmtë ja y'uty Dina ma Siquem ja tyëjkën, tä ojts jatëkok wyimpijtkojnëtë.

Génesis 34:28

Ojts jam tyajpëtsëmtë tsajppax, kupixyny, jëyujk, tsajpkaa ets tu'kë'ëyë jënu'un ënety jam winë yajpaatyën.

Génesis 34:31

Tä ojts y'ëtsowtë: ¿Tix wä'än jeexyë jëtu'unyë na'ixtësë, koos yë n'uty jëtu'un tja'awënëtë to'oxytyëjk kujenyën mëti'ipë nätyo'k näyajkëpënë?

Ester 9:10

Ya'atë nimajkpë yë'ë ënety ja Amán y'u'unk y'ëna'k mëti'ipë ëxëëk y'ijxën ja Jutiiyë ja'ayëty; je'eyëp ko tëkokyë mëti'ipë myëët'ajtën ka'ap ojts tontë.

Ester 9:16

E ja Jutiiyë ja'ayëty mëti'ipë jëkäm kukajpnajtëpën, ma myajktëkëëk anyën ja Adar po'o jää ojts myuktë ets ja jyuuky'ajtënëty tkuwantë. Jëtu'un'äämpy ojts tyaj'o'kta'atë ja myëtsip. Jä'ä xëëw, jä'ä ojts ja myëtsip tyaj'ooktë: nitëkë'px majkmokx mil, ka'ap nitii tpëjkëtyë. Ma myajkmajkts'anyën, nän yë'ë po'o, jää ojts pyo'kxtë ets xyëëwtuuntë, xyoontaktë mëët ko ënety të myëta'aktë.

Éxodo 2:14

Ënet tääpë nimäjtskpë ja hebreo ja'ayëty y'ëtsoowtë: ¿E mijts pën të mpëjktakëpë ënä'ämpë yajkutujkpë ma ëëtsëtyën? ¿Ëkë jä'äjëtën m'ëna'any, ko näjyëtu'un ënät yam xyaj'ookëtyës, tä ëxë'ëy xyaj'o'kyën ja Egiptë ja'ayë? Ko yë Moisés jëtu'un tmëtooy ja ayuk, ënät ojts ja tsë'ëkë tyuktëkëty. Jä'ä ko tëëtëm ënety yajnijawë, ko ja Egiptë ja'ay të tyaj'ooky.

Ezequiel 39:10

Ka'ap nëjkx kopkpëky kamjoty jya'axtë ets yukjoty jyä'äxypyuxtë, jä'ä ko tu'kë'ëyë tääpë mëtsiptu'unën yë'ë nëjkx tja'axy'atë. Jëtu'un nëjkx tyajpëtsëëmta'atë winë ma ja kajpnën mëti'ipë winë të yajpëtsë'ëmxëtën ets nëjkx tpëjkëtya'atë winë ja naax kajpn mëti'ipë ënety winë të pyëjkxëtën. Ëjts Wintsën, ëjts ënaanp.

Amós 3:11

Paaty yë Wintsën y'ënä'äny mëti'ipë Tios'ajtpën: Tu'uk ja mëtsip tyajnatuka'any ja naax kajpn, jyijtë'ëkäämpy ja potsy ma ja këwent'ajtpë y'itën ets tyajpëtsëëmta'aja'any tiijaty japën ma kutujkëntëjkën.

1 Timoteo 6:10

Yë meeny atsojkën ëxëëk ja'ay tyajjaty tyajkëpety;; tää ja'ay tëëpë ja myëpëjkën t'ëxmajtsnën ets o'ktëy të nyätyunyë.

Josue 7:1

Tu'uk yë ja'ay mëti'ipë xyëëwajtypyën Acán yë'ë Judá jyä'äy, yë myaank yë Carmí, y'ok'u'unk yë Zabdí ets Zara, ojts kanaak winë tmënëjkxy ma tyëjkën mëti'ipë ënety yë Dios të tni'ënä'ämën ets kyutëkoyëty, e mëët ko ojts toonpë mëti'ipë ënety ja Wintsën të tnikäjpxyën ets kyutëkoyëty, tëkokyë ja Israel ja'ayëty ojts pyokytyëëmë'kta'atë. Yë Wintsën ojts tyukjoot'anpëkëtë.

Josue 7:13

Pëtë'ëk ets yajtu'ukmuk yë naax kajpn. Ënëëmë wä'än tnäynyipëjktaakëtë etsës jopy xywyinkuwa'akëtëty, ëjts ënaanp, yë Wintsën mëti'ipë Tios'ajtpën ma Israel ja'ayëtyën: Mijts Israel kajpn, tëë xytyony ja mëti'ipë të yajtuknipëjktaakën kyutëkoyëty. Pën kä'äpyëm xyajkutëkoy ja mëti'ipë të xytyonyën ets xyajjëwä'äky ma mijtsën, ka'ap tjëkyepy xywyinkuwa'akëty yë mëtsip.

Josue 7:21

Mëti'ipë jam winë të yajpaatyën ma Jericó kajpnën, tu'ukës yë mëjwit të n'ixy janty'oy mëti'ipë kojpën Babilonyë, mäjtsk tsim naxy ja poop pujxn meeny, tu'kkäpy yë pu'ts pujxn, jä'ä jye'emtyëty naxy kujkmtsim. E ëjts janty këjääjës të n'ixy, paatyës të ntony, jamës të nmënëjkxy maas yë ntëjkën etsës të nitajy ntëjk'itkujkyës. Ja poop pujxn pa'tkë'pës të npëjktä'äky.