Génesis 34:26 - Biblia Dc en Mixe de Quetzaltepec

²⁶ Jä'ä ojts näjyëtu'un tkupuxtë ja Hamor ets ja myaank Siquem, tääts tyajpëtsëëmtë ja y'uty Dina ma Siquem ja tyëjkën, tä ojts jatëkok wyimpijtkojnëtë.

Biblia Mixe de Quetzaltepec

²⁶ Jä'ä ojts näjyëtu'un tkupuxtë ja Hamor ets ja myaank Siquem, tääts tyajpëtsëëmtë ja y'uty Dina ma Siquem ja tyëjkën, tä ojts jatëkok wyimpijtkojnëtë.

Génesis 34:26 ပူးပေါင်းရင်းမြစ်များ

Isaías 31:8

Jää nëjkx ja Asiria ja'ay yajkupujxta'atë, je'eyëp ko ka'ap nyaaxwiinyëtë ja'ayëty jëtu'un tyuna'anëtë. Ja tsip yë'ë yajkä'äkäämpy ja ja'ay ets ja ëna'ktëjk mëti'ipë tsiptuuntëpën mëtuunpë y'awinpita'antë;

2 Samuel 2:26

Ënet ja Abner ojts tmëkäjpxy ja Joab: Joab ¿këtii jëtäätën ënät tyaapë tsip nyaxëtyë? ¿Ti këtiijëtën xytyim'ixy ninu'un ko tyaapë je'eyë ënety nëkoo tu'knax näyajmo'on näyajtujkëmëtyë? ¿Wi'ix ko xykya'ënëëmë yë mja'ay wä'än yë jyiiky myëku'uk t'ëxmatstë, këtii nëkoo t'ëkpapooy t'ëkpapujnëtë?

Deuteronomio 32:42

Nëjkxëpës yë mayjyä'äy nyaj'o'kta'ay, ets jëtu'unës nëjkx ja jyot nye'pyny ntäämëtë nja'tsëtë, këtii yowë y'ëmaayëty, ets nkupujxta'aja'anyës tëkokyë mëët ja nyenypyujxnës, temy je'etsy nëjkx yë nye'pny y'itë yë tsëtyutja'ayëty, ets tsumjyä'äytyëjkëty. Ja mëtsip ja wyintsëntëjkëty mëti'ipë ja wyääyëtyën yeny.

Lucas 21:24

Tam mëti'ipë nëjkx yajkupuxyën, mëti'ipë nëjkx yajtsumy yajmatsyën wiink naax wiink kajpn; ets ja mëtsip jëtu'unyë nëjkx t'ateeny tukteeny ja Jerusalén kajpn koonëm tpaatëty ja nyixëëw ma ënety të yaj'akäjpxyën.

Génesis 34:25

E yë Jacob yë myaankëty mëti'ipë xyëëwajtëpën Simeón ets Leví, yë Dina yë y'äyëty, ojts tsyoontë ets ojts nyëjkxtë kajpnjotm kom tëkëëk xëëw, jä'ä xëëw ojts tpëktë ma ënety ja ye'etyëjktëjk ja pëjkën ijxën jam tmënax tyajnaxtën ko të yajtsuktën, tääts tkupujxtaaytyë jënu'un ënety jam yajpaatën; jä'ä ko yë'ëjëty ka'ap ënety jëtu'unyë tnayajninaxa'antë ijxtëm ja Siquem të y'ëti'ityën ma ja y'utyëtyën Dina.

Génesis 34:27

Ënet ojts ja wiinkpë jyaak mintë ja Jacob ja myaankëty ma ja kajpnën, e ko nyajxtë ma o'kpëtyën, tä ojts jam tyajpëtsëmtë winë kajpnjoty, jëtu'un ja tsyip y'äkë tyajnajxtë mëët ko ënety ja y'utyëty Dina të kyayajwintsë'ëkë.